[ذوووق]

جيناتكــــ
مـانـي بـقـادر عـلـى تغيـيّـر جينـاتـك
مـا دام طبعـك كـذا مخلـوق فـي دمّــك
دوّر عـلـى كـثــر روحـاتــك وجـيّـاتـك
تلقـى المواسـاه والتحنـان عنـد ..امّـك
لاتبكـي الـيـوم تــو الـيـوم مــا فـاتـك
الوقـت ممـدي ودمعـك يمسـحـه كـمّـك
وان ما قبلت النصيحه يوم هي جاتـك؟
لاتحـسـب انــي حـزيـن ونـاقـلٍ هـمّـك
خلّك علـى مـا تبـي تمشـي بمشهاتـك
تمشـي علـى رغبتـك وابليـس مزتـمّـك
مـتـعـدّيٍ مـسـتـوى ذوقـــي مـلـذاتـك
اقفيت ضامي بـدون الشـرب مـن جمّـك
لوكنـت ليلـي وانـا سهـران مـا ابـاتـك
ولو كنت شوقي وانا مشتاق ما اضمّك
ولو ذبت لـي شمـع مـا نّـور مسافاتـك
ولو كنت ورده من الريحـان مـا اشمّـك
لملـم علـى باقـي الـذكـرى جراحـاتـك
وتذكّر اني ولو مـا امدحـك !!مـا اذمّـك
مـا دام هـوج العواصـف تبتـلـي ذاتــك
اخــاف تقـفـي مـــع الـتـيّـار ويـخـمّـك
مـن يـوم عـادك طفـل هـذي معانـاتـك
الله يـسـتـر عـلـيـك الــحــال ويـتـمّــك
وان طعت ياهوه شوف افضل هوياتـك
اخـيـر مــن تبـعـة المسـمـوم وايسـمّـك
الـمـوج لاكـبـر مـــا تـنـفـع مـهـاراتـك
لوكنت سبّـاح فـي عـرض البحـر طمّـك
لاشك مـا ضنتـي ..مـا تسمـع اوشاتـك
الـصـدق لـوعـم خـلــق الله مـــا عـمّــك
وانــكــان ودّك تـذكّـرهــا بـدايــاتــك
مـن يمـي الوصـل والتقصيـر مـن يـمّـك
جــرّب مــع واحــد ٍ غـيــري ميـانـاتـك
مـدري لوانـي بعدهـا صـرت مـا اهمّـك
اكـيـد مـقـدر عـلــى تغـيـيّـر جيـنـاتـك
مـا دام طبعـك كـذا مخلـوق فـي دمّــك


محمد بن فطيس