أنظمة الموقع | تداول في الإعلام | للإعلان لديـنا | راسلنا | التسجيل | طلب كود تنشيط العضوية | تنشيط العضوية | استعادة كلمة المرور |
|
||||||||||||||||||||||||||
|
04-01-2014, 02:39 PM | #91 |
أبو بنان
تاريخ التسجيل: Jan 2012
المشاركات: 19,216
|
ان كتمت الجرح.. من طيبي.. ولـ عيون الأخوّة وان ;كتبته.. ما كتبته غير.. لعيون الكتابة الكتابة؟..جرح.. يا جرحي. وضعفٍ فيه قوّة والكآبة..؟ غيب فيني.. تعرف حدود الكآبة والمشاعر لو ابخفيها، غصب عنّي، تفوّه والقصيد يدق بابي... لو... ما دقيت بابه غارقٍ (حضرة جنابي).. في هوى (حضرة سموّه) وفي هوى (حضرة سموّي).. غارقٍ (حضرة جنابه) والاجابة ..،يالسؤال اللي تسميها .مروّة أي مروّة.. وانت حاديني على..،( مرّ الإجابة) هو أنا اللي ..من عذابه يرفق بحاله عدوّه؟! والا انا اللي.. دون فرحه وقّفوا كل القرابة!؟ هو انا ذاك (الصغير).. اللي بدنيا الحب توّه؟ والا انا من(ضاع عمره) بالهوى وافنى شبابه؟ هو انا اللي ..عن (سيوف البرد) قام وشب ضوّه ما درى .. إلا وناره .. احرقت زاهي .. ثيابه والا أنا ذاك اليتيم الجاهل .. ابــ معنى الابـوّة..؟ إنجرح صوته. وهو يسأل.. ولا حيٍ درابه من عذابه.. يسأل امه. كيف غاب؟ وين هـوّهـ؟ يسأل امه من عذابه، هو متى ينهي غيابه؟! كل فرح ،وكل جرح ٍ في طرف عيني.. تشوّه ضحكتي فيها. (غموض) ودمعتي فيها (غرابه) سو.. فيني .. يا زماني . كل ما تبغيه .. ســوّهـ والا انا (ماعاد تفرق).. دامها الاشيا تشابه والسؤال اللي من اسبابه لقى(المجروح جوّه) انتثر همّه حروف وعاد ..( لجنون الكتابة ) ارجع آقول الكتابة.. جرح( ضعف) وجرح (قوّة) والكآبة غيب فيني (تـعـبـر) حدود الكآبة عبدالله الكايد |
05-01-2014, 01:10 PM | #92 |
أبو بنان
تاريخ التسجيل: Jan 2012
المشاركات: 19,216
|
تدرين يا حلوة متى العاشق يحس ابــ مهزله لاجاه شي مثل شي قام يحداني حدي ما أقسى من دموع اليتيم إذا ذكر ضحكة هله لايهد من الفراق إلا الفراق السرمدي الورده إللي في شرايين الحشا متغلغله ياروحي اللي لو تبرت مني أختل جسدي كونت لك عالم غرام مادخله البلبله إلا هدير ينتهي بين الضلوع ويبتدي حتى أقرب أصحابي من اللوعه سهيت وقلت له يا لاجودي كف العذل مافي العواذيل اجودي انا إلي استاهل عناقيد العنب يا مدلله ليتك دريتي كيف عيني تذكرك في مرقدي يا ادنى من الغيم انتغطرس وطول من السمبله يا أقرب كثير من الحكي وابعد شوي من الجدي إن جيت رحتي مقفيه وإن رحت جيتي مقبله كم مت..وليا قلتي "أحبك"تجد مولدي دنياي انا لو تجتمع لذاتها في مكحله والله ما أشهر لأي عين غير عينك مرودي ياذابحتني كل شي إلا الجفا ما تحمله ياكبركذبة عزتي لو قلت أببعد وأبعدي قلبي لو أغديتيه في الصحراء بليا بوصله ماتاخذين إلا وهو لأقصى ضلوعك مهتدي وأن خاب ظني وأخر المشوار جاء مثل أوله بغمض عيوني وأبحلم وأقهر الحظ الردي بأحلامنا حتى أخر المريخ نقدر نوصله الله..لو نطلع بساط الريح وايديك في يدي تخيلي روض من أقصاه أجمل الورد أحمله وأهديه لأيدين وظفاير شيخة الورد الندي تخيلي نهر بالأحجار نتمثنى جدوله نبقى على جاله جلوس شوي وشوي نعدي تخيلي بيت دفاه من المواجع والوله ضحك وسواليف وسهر ومزوح وبساط أحمدي تخيلي عشق عجزت أستوعبه وأتخليه كانه على هالحال ما عز الله أبشر بسعدي ياسيدة عشقي وأنا راعيه راعي الأوله ماهي كثيره لو تقولين:أنت والله سيدي ترا الله إلي حط لك ذاك الغلا والمنزله وإلا الهوى لا ورث أبوي ولا ذخرته لولدي حبيبتي مايقهر الرجال في مستقبله لا الهوى إلي مرة يقبل ومرات يغدي حتى الوفا لا زاد عن حده يعود مهزله ياليتني خنتك ولا إلي قام يحداني حدي ناصر القحطاني |
05-01-2014, 08:18 PM | #93 |
أبو بنان
تاريخ التسجيل: Jan 2012
المشاركات: 19,216
|
البارحه ضيقه وذا لليل ضيقه
والقابله نرجي من الله فرجها ماهو بوالله حر فرقا عشيقه وشوق ال سوالفها وشوق ال غنجها ضيقه الى جات الفتى نشف ريقه تغير با العاقل وهو ما سرجها لاقفت تقول ان تو عينه امفيقه مثل الحيا لاهل ما فيه واجها ____________________ طرد السراب الى تلالا بريقه يدخلك في شمسٍ تزايد وهجها لاسكّرت لاريا دروب الحقيقه عند الولي في الحالكات امخرجها كم لي وانا اضحك والخفايا حريقه وافكّك افكارٍ خيالي نسجها اموثقّه خلف السدود الوثيقه ايلين ياتيها من الله فرجها |
05-01-2014, 09:15 PM | #94 |
أبو بنان
تاريخ التسجيل: Jan 2012
المشاركات: 19,216
|
يابريئه وانتي ابعد ما يكون من البرائه تفعلين اللي تبينه بالخفى وانتي بريئه كل عاقل يا بريئه كان واثق من ذكائه في ذهابه يفقد اللي كان ملكه في مجيئه ينظرك والكون كله مايفكّر في نسائه الصبايا في عيونه كالنطيحه والرديئه ياغرامه يا مرامه ياعذابه يا شفائه ياسريعه في الصدود وفالمواصل يا بطيئه دام حبك من نصيبي والقدر والرب شائه حب مثلك كيف ما ارضابه وهو قدر ومشيئه يحفظك ربي من الحسّاد واصحاب الإسائه صانك الله عن هوى الشيطان ودروب الخطيئه يامرام القلب يادمّه ويا صافي هوائه يا امل يا شمعةٍ بانت على دربه مضيئه مانظرتي بأم عينك فيه وشلون إمتلائه بالغلا وايظا الجوارح كل ابوها به مليئه مانظرتي واعترفتي في غلاه وفي وفائه كيف ياتي لك بلا ميعاد والخطوه جريئه انكسر واحتار في الجيّه ووقّف من حيائه والحيا شعبه من الايمان والإيمان بيئه في النهايه اكتشفت انّك دوا قلبي ودائه والحقيقه والله انّي كنت احسب انّك بريئه ابن فطيس |
05-01-2014, 10:34 PM | #95 |
أبو بنان
تاريخ التسجيل: Jan 2012
المشاركات: 19,216
|
أستاذنك بسافر أيام واجيك وان طالت ايام السفر لا تحاتي حتى ولو طولت ماني مخليك ياللي بدونك ويش تسوا حياتي تامر على حاجه بودعك واليك عسى عوض الأيام فالمقبلاتي حتى يدي ماودها تفارق يديك ساكت وانا اشوف البلا في سكاتي ماشفتني لا رحت منك التفت فيك بلاي والله روحتي والتفاتي لكن قبل ما اروح ودي أوصيك وانت الوحيد اللي يقدر وصاتي لحدن سألك وقال لك وين مغليك قل له لوازم لا قضاها بياتي وأن طروا النسيان ماني بناسيك ياراس مالي فالحياة وغناتي وان طروا السلوان ماني بساليك طيفك معي حتى وانا في صلاتي قلبي وهو قلبي إذا مر طاريك لولا ظلوعي كان عزوا مماتي لو جض صدري كان يمديه ياتيك ويبات عندك ويهنا بالمباتي أنا..وقلبي..والغلا..ساكن" فيك وانته..وقلبك..والغلا..وسط ذاتي غلاك مثل الحكم عند المماليك أكبر طموحي...لا...كل أمنياتي شف في غيابي أي حاجه تسليك لني بعدك أسلى مع ذكرياتي أحاول اذكر أي شي" يطريك واقول هو سوا وانا ذي سواتي كني موادع كل شي" حواليك وكني حسبت حساب حزت وفاتي أحب لني ما اقدر انساك وأبيك ولا اقدر أخليك ياللي تحاتي معنى أحب...ومااقدرأنسى...وأخليك يعني بدونك ويش تسوا حياتي حمد المري |
08-01-2014, 02:18 AM | #96 |
أبو بنان
تاريخ التسجيل: Jan 2012
المشاركات: 19,216
|
أخاف انـك تخـاف انـي أخـاف مـن البشـر ماجيـك وانـا خايـف عليـك .. وحكيـهـم .. مـاكـان خافيـنـي إذا كـان الكـلام اللـي يقولونـه عـلـي يرضـيـك فنا مرضى عليـك . وكيـف ؟ حكـيٍ فيـك .. يرضينـي انا .. مقدر .. على فرااقك ... ولاودي .. معاي ابليـك وانـا بليـاك ... مـن ربـي .. كـلام النـاس .. باليـنـي أعـرف انـك تعـرف انـي أحبـك .. مابهـا تشكيـك ولكنـك .. ( بنفـس الوقـت ) تنـسَ انـك ( نظـر عيـنـي ) انا .. مسمـح .. بهالدنيـا لأمّـك .. نفسهـا .. تأذيــك . عشـان .. أسمـح .. لمـن وده .. يفـرق .. بيـنـك وبيـنـي نعـم .. مجنـون .. مابيهـم .. يقولـوا : ربنـا .. يشفيـك مـادام .. ان حبـك جنوووونـي ... عسـى الله لايشافينـي ولكني .. ( ومع هذا ) .. ابقطـع ,, جيتـي ،، ماجيــك .!! عشان .. ان قيل لك قاااااطع .. تعذر .. قووول : يغلينـي خلف المشعان |
08-01-2014, 07:52 AM | #97 |
أبو بنان
تاريخ التسجيل: Jan 2012
المشاركات: 19,216
|
ياصباح الخير ياطلة الصبح السعيد جل شأن اللي مصورك عمّا يصفون ياصبابة ذوق الألباب واصغاي النشيد يا القبال السمح والخاطر الرحب الميون يا ملذة روعة الانس في العيش الرغيد يا رحابة شارد الفكر في شجن الشجون يا بريق ربما أقول يالماس الفريد يا سحر يدفع لك العقل لـ حد الجنون ياذهب قارون ياملك هارون الرشيـد من لقاهـ اغناهـ والسابقـون السابقـون تنحني سادات الأشعار في مجدك عبيد ليش مدري ؟ ! بس لله في خلقه شؤون تدري انك ضفت للعولمة شيء جديد ؟ علم هدّيف الأنامل وقـراء العيـون انت تبغي زبدة الهرج والعلم الأكيـد انت في كون لحالك / وخلـق الله بكـون ودي اقبّل محيـاك يالصبـح السعيـد استحي لا اقول عطني عقالي لاتهـون كان كل اللي فعلته من أجلـك مايفيـد والاااا ...{آنا لله وإنـا إليـه راجعـون} ابن جدلان |
09-01-2014, 02:02 AM | #98 |
أبو بنان
تاريخ التسجيل: Jan 2012
المشاركات: 19,216
|
ماانكر العطر .. وحبيبتي ومااجحد النور .. وحبيبتي ومااخفي اشعور إني احب الشمس ولفتاتها إني اعشق الليل ونظراتها ياناس انا معذور في حبيبتي والشمس وماانكر العطر الغت مواعيد النهار .. شمس بدت مثل النهار ريح المطر لون الخضار .. حبيبتي أحلى البياض وأحلى السمار بالحيل مجبور .. ماأخفي شعور إني احب الشمس ولفتاتها إني اعشق الليل ونظراتها ياناس أنا معذور في حبيبتي والشمس وماانكر العطر خليني فـ عيونك هوى .. همس الحنين لا تغمض اعيونك علي .. ولا تكذبين تشرقني الدمعه فـ عيوني تحرقني اللوعه فـ ظنوني ياحبي انا والله ماأخونك وماانكر العطر وحبيبتي بدر بن عبدالمحسن |
09-01-2014, 02:07 AM | #99 |
أبو بنان
تاريخ التسجيل: Jan 2012
المشاركات: 19,216
|
لليل احبك مابقى في السما نور والى ضواني الليل .. للصبح أحبك واللحظة اللي كلها عند وغرور أشوف قبري بين عينك .. وقلبك في صدري سراجٍٍ حزينٍٍ .. ومكسور رغم المطر والريح .. شلته في دربك والله مابه غير لوعاتي قصور وخوفي عليك الله ربي وربك ما بي جهد ابني على صمتك جسور لا حيرتني أسباب سلمك وحربك العمر أحبك .. مابقى فيني شعور والى جفاني العمر .. وشلون أحبك بدر بن عبدالمحسن |
09-01-2014, 02:16 AM | #100 |
أبو بنان
تاريخ التسجيل: Jan 2012
المشاركات: 19,216
|
أنا حبيبي بسمته تخجل الضي يكسف سنا بدر الدجى من جبينه راعي العيون الناعسه رمشها فّي وإن سلهمت ذاب الحشا من حنينه له نظرةِِ لا هي سَرابٍ ولا مَيّ راعي الهوى تفنى وراها سنينه نور الصبايا .. بسمة الدّار والحيّ نوره ولا شمس الضحى تستبينه دامه معي أغلى الحبايب فأنا حّي بالقلب أضمّه يوم قلبي ضنينه له في ضميري من لهيب الوله كي روحي معه عذب المناجى رهينه ياصاحبي لا تنشد الروح عن شيّ أنا حبيبي .. نور كل المدينه بدر بن عبدالمحسن
|
مواقع النشر (المفضلة) |
|
|