اراضي محافظه المزاحميه نزول 50٪

[الاسرار العجيبه]

المشاركة الأصلية كتبت بواسطة شموخ رجل

حذرنا كثير وقالوا عنا هذا حسد وقالوا عن من يحذر ارجاف وتمسكوا برايهم وقالوا أن العقار ماينهار مثل الاسهم وقالوا بأن الارض لاتاكل ولاتشرب والعقار أبن بار والعقار يمرض ولايموت والنتيجه مثل مانشاهد ونراها الله يستر على من يدور على الكسب من الصغار وكان تحذيري وأغلب كلامي موجه لهم بأن لا ينخدعون مثل من خدعنا في سوق الاسهم ويعلم الله أن قلبي معاهم ويؤلمني ما يولمهم ولانريد لهم الخساره وسألني الاخ خالد ناصر وطلب من أحد الاعضاء بأن يشير عليه في الاسهم ونصحته بنصيحه مثل نفسي بدخوله في بنك الانما وأعمار ودار الاركان ومدينة المعرفه وغيرها من الشركات التي أسعارها لازالت تحت سعر الاكتتاب وأن شاء الله أنه أخذ بالنصيحه العقار والاسهم هي لعبه كبار ولكن المشكله نحن ياالصغار نتاخر في الخروج في الوقت المناسب وياخذها الكبار

هذا الكلام الذي تحت الخط منقول من منتدى مجاور بخصوص مخطط الخير الله أعلم بصحته عندي شكوك في السعر ولكن يتضح لكم من المشاركات
---------------------------------------------
نزووووووووووووووول صاروخي في مخططات الخير شمال الرياض
نزوووووووول النصف
سابقا200000 للقطعه
الان 100000للقطعه
وشلون عاد اراضي الجنوب؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟
--------------------------
اخوي في اي مخطط شمال الرياض
ياليت تفيدني ابيلي ارض وبحدود هذي الاسعار

تقبل تحياتي
----------------------
تمشي مع طريق القصيم شمال
الين يجيك مخرج بنبان خذمعه يسار يصير وجهك غرب
من عند الانسانيه تحصل مكاتب العفار


نصيحه لاتشتري هالحين باقي للنزول بقيه

------------------------------

شموخ هو مخطط اللي يسمونه منح الدكاتره اللي بجنب الخيريه طريق القصيم

[مبارك.سعد]

المشاركة الأصلية كتبت بواسطة الاسرار العجيبه

شموخ هو مخطط اللي يسمونه منح الدكاتره اللي بجنب الخيريه طريق القصيم

منح الدكاترة اذا تقصد اللي قبل شهرين ، ما استلمو صكوكها لان هذا النظام الجديد في المنح ان الصك يسلم بعد البناء

اللي يقصدها هي منح الخير من عند نقطة التفتيش بعد مركز سلطانه أو تدخل لها من طريق القصيم المخرج اللي بعد مخرج مدينة سلطان الانسانية

[الاسرار العجيبه]

المشاركة الأصلية كتبت بواسطة مبارك.سعد

منح الدكاترة اذا تقصد اللي قبل شهرين ، ما استلمو صكوكها لان هذا النظام الجديد في المنح ان الصك يسلم بعد البناء

اللي يقصدها هي منح الخير من عند نقطة التفتيش بعد مركز سلطانه أو تدخل لها من طريق القصيم المخرج اللي بعد مخرج مدينة سلطان الانسانية

لين وصلت 50 الف القطعه نشتري ونبنيها استراحه وان ماوصلت الله يرزق اهلها

[عابر الأوطان]

البارح كنت بمحافظة المجمعة وسألت عن الأسعار..فيه نزول كبير بالأراضي وقلة الطلبات هالأيام وإحجام عن الشراء الأراضي اللي كانت فوق الميئتين ألف الآن أسعارها 160 والطلب قليل .

[محمدالكثيري]

لا تصدقون أن العقار في القرى والمدن الصغيره بينزل إلى 50 % ، وإنما نزول العقار في القرى والمدن الصغيره بنسبة تفوق الــ 80% وللأسف

[الاسرار العجيبه]

المشاركة الأصلية كتبت بواسطة محمدالكثيري

لا تصدقون أن العقار في القرى والمدن الصغيره بينزل إلى 50 % ، وإنما نزول العقار في القرى والمدن الصغيره بنسبة تفوق الــ 80% وللأسف

النزول اكبر الى الان ولا يوجد زبون

[محمدالكثيري]

المشاركة الأصلية كتبت بواسطة الاسرار العجيبه

النزول اكبر الى الان ولا يوجد زبون

الظاهر بنشوف أسعار عام 2003

أقصد أسعار المتر بريالين وثلاثه في كثير من المدن الصغيره والقرى

[نايف1000]

من غير العدل أن نقيس النزول على أسعار القمة كانت هناك أراضي في جنوب مدينتي تُباع الأرض كاملة ب7000 ريال لدرجة أن الواحد منا يشتري الأرض لغرض التقديم على الصندوق العقاري و بعد الإرتفاعات الجنونية وصل سعر الأرض الى 150000ريال

فلو قلنا أن نزول الأسعار 50 % من القمة اصبح سعر الأرض 75000ريال و هذا سعر بتقديري عال جداً

[الاسرار العجيبه]

المشاركة الأصلية كتبت بواسطة نايف1000

من غير العدل أن نقيس النزول على أسعار القمة كانت هناك أراضي في جنوب مدينتي تُباع الأرض كاملة ب7000 ريال لدرجة أن الواحد منا يشتري الأرض لغرض التقديم على الصندوق العقاري و بعد الإرتفاعات الجنونية وصل سعر الأرض الى 150000ريال

فلو قلنا أن نزول الأسعار 50 % من القمة اصبح سعر الأرض 75000ريال و هذا سعر بتقديري عال جداً

انا معك اخوي نايف انها غاليه الى الان بس موضوعي كان القصد منه المطبلين للعقار

وان العقار الابن البار وانه ماينزل بل البعض قبل كم شهر يقول مستحيل ينزل العقار

والان معاد نشوفهم في المنتدى وشوفه عينك تعليقات وخساير وشف عاد متى يرجع راس المال لانه شرى في القمه

وشف مدينتك وصلت الاسعار 150 الف طيب اللي شرى ب150 الف الحين راح نصف راس ماله

حتى البعض يقول في الاحياء اللي فيها خدمات في الرياض مانزل وانا اقول النزول وصل فيها 20%

والشهور القادمه بتشوف كم يوصل النزول يبي لها وقت ومع الايام يبين كل شي والله لايخسر مسلم

[الاسرار العجيبه]

المشاركة الأصلية كتبت بواسطة محمدالكثيري

الظاهر بنشوف أسعار عام 2003

أقصد أسعار المتر بريالين وثلاثه في كثير من المدن الصغيره والقرى

لا ماتوصل للدرجه هذي بس بتشوف اسعار معقوله القطعه مثلا ب90 الف الى 100 الف ريال

انا اتكلم عن المزاحميه لقربها للرياض مع ان اسعار الاراضي في المزاحميه كانت ب18 الف

للقطعه و20 الف