للتسجيل اضغط هـنـا
أنظمة الموقع تداول في الإعلام للإعلان لديـنا راسلنا التسجيل طلب كود تنشيط العضوية   تنشيط العضوية استعادة كلمة المرور
تداول مواقع الشركات مركز البرامج
مؤشرات السوق اسعار النفط مؤشرات العالم اعلانات الشركات الاكثر نشاط تحميل
 



العودة   منتديات تداول > تداول الآداب والشعر > تداول الشعر الشعبي



إضافة رد
 
أدوات الموضوع
قديم 04-01-2014, 02:39 PM   #91
عبدالله هادي
أبو بنان
 
تاريخ التسجيل: Jan 2012
المشاركات: 19,216

 
افتراضي

ان كتمت الجرح.. من طيبي.. ولـ عيون الأخوّة
وان ;كتبته.. ما كتبته غير.. لعيون الكتابة
الكتابة؟..جرح.. يا جرحي. وضعفٍ فيه قوّة
والكآبة..؟ غيب فيني.. تعرف حدود الكآبة
والمشاعر لو ابخفيها، غصب عنّي، تفوّه
والقصيد يدق بابي... لو... ما دقيت بابه
غارقٍ (حضرة جنابي).. في هوى (حضرة سموّه)
وفي هوى (حضرة سموّي).. غارقٍ (حضرة جنابه)
والاجابة ..،يالسؤال اللي تسميها .مروّة
أي مروّة.. وانت حاديني على..،( مرّ الإجابة)
هو أنا اللي ..من عذابه يرفق بحاله عدوّه؟!
والا انا اللي.. دون فرحه وقّفوا كل القرابة!؟
هو انا ذاك (الصغير).. اللي بدنيا الحب توّه؟
والا انا من(ضاع عمره) بالهوى وافنى شبابه؟
هو انا اللي ..عن (سيوف البرد) قام وشب ضوّه
ما درى .. إلا وناره .. احرقت زاهي .. ثيابه
والا أنا ذاك اليتيم الجاهل .. ابــ معنى الابـوّة..؟
إنجرح صوته. وهو يسأل.. ولا حيٍ درابه
من عذابه.. يسأل امه. كيف غاب؟ وين هـوّهـ؟
يسأل امه من عذابه، هو متى ينهي غيابه؟!
كل فرح ،وكل جرح ٍ في طرف عيني.. تشوّه
ضحكتي فيها. (غموض) ودمعتي فيها (غرابه)
سو.. فيني .. يا زماني . كل ما تبغيه .. ســوّهـ
والا انا (ماعاد تفرق).. دامها الاشيا تشابه
والسؤال اللي من اسبابه لقى(المجروح جوّه)
انتثر همّه حروف وعاد ..( لجنون الكتابة )
ارجع آقول الكتابة.. جرح( ضعف) وجرح (قوّة)
والكآبة غيب فيني (تـعـبـر) حدود الكآبة



عبدالله الكايد
عبدالله هادي غير متواجد حالياً   رد مع اقتباس
قديم 05-01-2014, 01:10 PM   #92
عبدالله هادي
أبو بنان
 
تاريخ التسجيل: Jan 2012
المشاركات: 19,216

 
افتراضي



تدرين يا حلوة متى العاشق يحس ابــ مهزله
لاجاه شي مثل شي قام يحداني حدي
ما أقسى من دموع اليتيم إذا ذكر ضحكة هله
لايهد من الفراق إلا الفراق السرمدي
الورده إللي في شرايين الحشا متغلغله
ياروحي اللي لو تبرت مني أختل جسدي
كونت لك عالم غرام مادخله البلبله
إلا هدير ينتهي بين الضلوع ويبتدي
حتى أقرب أصحابي من اللوعه سهيت وقلت له
يا لاجودي كف العذل مافي العواذيل اجودي
انا إلي استاهل عناقيد العنب يا مدلله
ليتك دريتي كيف عيني تذكرك في مرقدي
يا ادنى من الغيم انتغطرس وطول من السمبله
يا أقرب كثير من الحكي وابعد شوي من الجدي
إن جيت رحتي مقفيه وإن رحت جيتي مقبله
كم مت..وليا قلتي "أحبك"تجد مولدي
دنياي انا لو تجتمع لذاتها في مكحله
والله ما أشهر لأي عين غير عينك مرودي
ياذابحتني كل شي إلا الجفا ما تحمله
ياكبركذبة عزتي لو قلت أببعد وأبعدي
قلبي لو أغديتيه في الصحراء بليا بوصله
ماتاخذين إلا وهو لأقصى ضلوعك مهتدي
وأن خاب ظني وأخر المشوار جاء مثل أوله
بغمض عيوني وأبحلم وأقهر الحظ الردي
بأحلامنا حتى أخر المريخ نقدر نوصله
الله..لو نطلع بساط الريح وايديك في يدي
تخيلي روض من أقصاه أجمل الورد أحمله
وأهديه لأيدين وظفاير شيخة الورد الندي
تخيلي نهر بالأحجار نتمثنى جدوله
نبقى على جاله جلوس شوي وشوي نعدي
تخيلي بيت دفاه من المواجع والوله
ضحك وسواليف وسهر ومزوح وبساط أحمدي
تخيلي عشق عجزت أستوعبه وأتخليه
كانه على هالحال ما عز الله أبشر بسعدي
ياسيدة عشقي وأنا راعيه راعي الأوله
ماهي كثيره لو تقولين:أنت والله سيدي
ترا الله إلي حط لك ذاك الغلا والمنزله
وإلا الهوى لا ورث أبوي ولا ذخرته لولدي
حبيبتي مايقهر الرجال في مستقبله
لا الهوى إلي مرة يقبل ومرات يغدي
حتى الوفا لا زاد عن حده يعود مهزله
ياليتني خنتك ولا إلي قام يحداني حدي





ناصر القحطاني
عبدالله هادي غير متواجد حالياً   رد مع اقتباس
قديم 05-01-2014, 08:18 PM   #93
عبدالله هادي
أبو بنان
 
تاريخ التسجيل: Jan 2012
المشاركات: 19,216

 
افتراضي

البارحه ضيقه وذا لليل ضيقه
والقابله نرجي من الله فرجها
ماهو بوالله حر فرقا عشيقه
وشوق ال سوالفها وشوق ال غنجها
ضيقه الى جات الفتى نشف ريقه
تغير با العاقل وهو ما سرجها
لاقفت تقول ان تو عينه امفيقه
مثل الحيا لاهل ما فيه واجها
____________________

طرد السراب الى تلالا بريقه
يدخلك في شمسٍ تزايد وهجها
لاسكّرت لاريا دروب الحقيقه
عند الولي في الحالكات امخرجها
كم لي وانا اضحك والخفايا حريقه
وافكّك افكارٍ خيالي نسجها
اموثقّه خلف السدود الوثيقه
ايلين ياتيها من الله فرجها
عبدالله هادي غير متواجد حالياً   رد مع اقتباس
قديم 05-01-2014, 09:15 PM   #94
عبدالله هادي
أبو بنان
 
تاريخ التسجيل: Jan 2012
المشاركات: 19,216

 
افتراضي

يابريئه وانتي ابعد ما يكون من البرائه
تفعلين اللي تبينه بالخفى وانتي بريئه
كل عاقل يا بريئه كان واثق من ذكائه
في ذهابه يفقد اللي كان ملكه في مجيئه
ينظرك والكون كله مايفكّر في نسائه
الصبايا في عيونه كالنطيحه والرديئه
ياغرامه يا مرامه ياعذابه يا شفائه
ياسريعه في الصدود وفالمواصل يا بطيئه
دام حبك من نصيبي والقدر والرب شائه
حب مثلك كيف ما ارضابه وهو قدر ومشيئه
يحفظك ربي من الحسّاد واصحاب الإسائه
صانك الله عن هوى الشيطان ودروب الخطيئه
يامرام القلب يادمّه ويا صافي هوائه
يا امل يا شمعةٍ بانت على دربه مضيئه
مانظرتي بأم عينك فيه وشلون إمتلائه
بالغلا وايظا الجوارح كل ابوها به مليئه
مانظرتي واعترفتي في غلاه وفي وفائه
كيف ياتي لك بلا ميعاد والخطوه جريئه
انكسر واحتار في الجيّه ووقّف من حيائه
والحيا شعبه من الايمان والإيمان بيئه
في النهايه اكتشفت انّك دوا قلبي ودائه
والحقيقه والله انّي كنت احسب انّك بريئه


ابن فطيس
عبدالله هادي غير متواجد حالياً   رد مع اقتباس
قديم 05-01-2014, 10:34 PM   #95
عبدالله هادي
أبو بنان
 
تاريخ التسجيل: Jan 2012
المشاركات: 19,216

 
افتراضي

أستاذنك بسافر أيام واجيك
وان طالت ايام السفر لا تحاتي
حتى ولو طولت ماني مخليك
ياللي بدونك ويش تسوا حياتي
تامر على حاجه بودعك واليك
عسى عوض الأيام فالمقبلاتي
حتى يدي ماودها تفارق يديك
ساكت وانا اشوف البلا في سكاتي
ماشفتني لا رحت منك التفت فيك
بلاي والله روحتي والتفاتي
لكن قبل ما اروح ودي أوصيك
وانت الوحيد اللي يقدر وصاتي
لحدن سألك وقال لك وين مغليك
قل له لوازم لا قضاها بياتي
وأن طروا النسيان ماني بناسيك
ياراس مالي فالحياة وغناتي
وان طروا السلوان ماني بساليك
طيفك معي حتى وانا في صلاتي
قلبي وهو قلبي إذا مر طاريك
لولا ظلوعي كان عزوا مماتي
لو جض صدري كان يمديه ياتيك
ويبات عندك ويهنا بالمباتي
أنا..وقلبي..والغلا..ساكن" فيك
وانته..وقلبك..والغلا..وسط ذاتي
غلاك مثل الحكم عند المماليك
أكبر طموحي...لا...كل أمنياتي
شف في غيابي أي حاجه تسليك
لني بعدك أسلى مع ذكرياتي
أحاول اذكر أي شي" يطريك
واقول هو سوا وانا ذي سواتي
كني موادع كل شي" حواليك
وكني حسبت حساب حزت وفاتي
أحب لني ما اقدر انساك وأبيك
ولا اقدر أخليك ياللي تحاتي
معنى أحب...ومااقدرأنسى...وأخليك
يعني بدونك ويش تسوا حياتي



حمد المري
عبدالله هادي غير متواجد حالياً   رد مع اقتباس
قديم 08-01-2014, 02:18 AM   #96
عبدالله هادي
أبو بنان
 
تاريخ التسجيل: Jan 2012
المشاركات: 19,216

 
افتراضي



أخاف انـك تخـاف انـي أخـاف مـن البشـر ماجيـك
وانـا خايـف عليـك .. وحكيـهـم .. مـاكـان خافيـنـي
إذا كـان الكـلام اللـي يقولونـه عـلـي يرضـيـك
فنا مرضى عليـك . وكيـف ؟ حكـيٍ فيـك .. يرضينـي
انا .. مقدر .. على فرااقك ... ولاودي .. معاي ابليـك
وانـا بليـاك ... مـن ربـي .. كـلام النـاس .. باليـنـي
أعـرف انـك تعـرف انـي أحبـك .. مابهـا تشكيـك
ولكنـك .. ( بنفـس الوقـت ) تنـسَ انـك ( نظـر عيـنـي )
انا .. مسمـح .. بهالدنيـا لأمّـك .. نفسهـا .. تأذيــك .
عشـان .. أسمـح .. لمـن وده .. يفـرق .. بيـنـك وبيـنـي
نعـم .. مجنـون .. مابيهـم .. يقولـوا : ربنـا .. يشفيـك
مـادام .. ان حبـك جنوووونـي ... عسـى الله لايشافينـي
ولكني .. ( ومع هذا ) .. ابقطـع ,, جيتـي ،، ماجيــك .!!
عشان .. ان قيل لك قاااااطع .. تعذر .. قووول : يغلينـي





خلف المشعان
عبدالله هادي غير متواجد حالياً   رد مع اقتباس
قديم 08-01-2014, 07:52 AM   #97
عبدالله هادي
أبو بنان
 
تاريخ التسجيل: Jan 2012
المشاركات: 19,216

 
افتراضي

ياصباح الخير ياطلة الصبح السعيد
جل شأن اللي مصورك عمّا يصفون
ياصبابة ذوق الألباب واصغاي النشيد
يا القبال السمح والخاطر الرحب الميون
يا ملذة روعة الانس في العيش الرغيد
يا رحابة شارد الفكر في شجن الشجون
يا بريق ربما أقول يالماس الفريد
يا سحر يدفع لك العقل لـ حد الجنون
ياذهب قارون ياملك هارون الرشيـد
من لقاهـ اغناهـ والسابقـون السابقـون
تنحني سادات الأشعار في مجدك عبيد
ليش مدري ؟ ! بس لله في خلقه شؤون
تدري انك ضفت للعولمة شيء جديد ؟
علم هدّيف الأنامل وقـراء العيـون
انت تبغي زبدة الهرج والعلم الأكيـد
انت في كون لحالك / وخلـق الله بكـون
ودي اقبّل محيـاك يالصبـح السعيـد
استحي لا اقول عطني عقالي لاتهـون
كان كل اللي فعلته من أجلـك مايفيـد
والاااا ...{آنا لله وإنـا إليـه راجعـون}




ابن جدلان
عبدالله هادي غير متواجد حالياً   رد مع اقتباس
قديم 09-01-2014, 02:02 AM   #98
عبدالله هادي
أبو بنان
 
تاريخ التسجيل: Jan 2012
المشاركات: 19,216

 
افتراضي

ماانكر العطر .. وحبيبتي

ومااجحد النور .. وحبيبتي

ومااخفي اشعور

إني احب الشمس ولفتاتها

إني اعشق الليل ونظراتها

ياناس انا معذور

في حبيبتي والشمس

وماانكر العطر

الغت مواعيد النهار .. شمس بدت مثل النهار

ريح المطر لون الخضار ..

حبيبتي أحلى البياض

وأحلى السمار

بالحيل مجبور .. ماأخفي شعور

إني احب الشمس ولفتاتها

إني اعشق الليل ونظراتها

ياناس أنا معذور

في حبيبتي والشمس

وماانكر العطر

خليني فـ عيونك هوى .. همس الحنين

لا تغمض اعيونك علي .. ولا تكذبين

تشرقني الدمعه فـ عيوني

تحرقني اللوعه فـ ظنوني

ياحبي انا والله ماأخونك

وماانكر العطر وحبيبتي




بدر بن عبدالمحسن
عبدالله هادي غير متواجد حالياً   رد مع اقتباس
قديم 09-01-2014, 02:07 AM   #99
عبدالله هادي
أبو بنان
 
تاريخ التسجيل: Jan 2012
المشاركات: 19,216

 
افتراضي

لليل احبك مابقى في السما نور
والى ضواني الليل .. للصبح أحبك
واللحظة اللي كلها عند وغرور
أشوف قبري بين عينك .. وقلبك
في صدري سراجٍٍ حزينٍٍ .. ومكسور
رغم المطر والريح .. شلته في دربك
والله مابه غير لوعاتي قصور
وخوفي عليك الله ربي وربك
ما بي جهد ابني على صمتك جسور
لا حيرتني أسباب سلمك وحربك
العمر أحبك .. مابقى فيني شعور
والى جفاني العمر .. وشلون أحبك




بدر بن عبدالمحسن
عبدالله هادي غير متواجد حالياً   رد مع اقتباس
قديم 09-01-2014, 02:16 AM   #100
عبدالله هادي
أبو بنان
 
تاريخ التسجيل: Jan 2012
المشاركات: 19,216

 
افتراضي

أنا حبيبي بسمته تخجل الضي
يكسف سنا بدر الدجى من جبينه
راعي العيون الناعسه رمشها فّي
وإن سلهمت ذاب الحشا من حنينه
له نظرةِِ لا هي سَرابٍ ولا مَيّ
راعي الهوى تفنى وراها سنينه
نور الصبايا .. بسمة الدّار والحيّ
نوره ولا شمس الضحى تستبينه
دامه معي أغلى الحبايب فأنا حّي
بالقلب أضمّه يوم قلبي ضنينه
له في ضميري من لهيب الوله كي
روحي معه عذب المناجى رهينه
ياصاحبي لا تنشد الروح عن شيّ
أنا حبيبي .. نور كل المدينه


بدر بن عبدالمحسن
عبدالله هادي غير متواجد حالياً   رد مع اقتباس
إضافة رد

مواقع النشر (المفضلة)

أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 02:11 PM. حسب توقيت مدينه الرياض

Powered by vBulletin® Version 3.8.3
Copyright ©2000 - 2024, Jelsoft Enterprises Ltd.