يقال أعذب الشعر أكذبه وأنا اقول أعذب الشعر أصدقه

[مساحات معبئة]

حزين من الشتا ولا حزين من الظما ياطير ... دخيل الريشتين اللي تضفك حل عن عيني

[اشراقة قلم]

[poem font="Simplified Arabic,5,royalblue,normal,normal" bkcolor="transparent" bkimage="" border="none,4," type=2 line=0 align=center use=ex num="0,black"]
الغالية مساحات معبئة تواجدك هنا يسعدني فشكرا لمرورك الدائم

اسمك مثل برق يبشر بالامطـار=والقلب بوجودك تزايد سـروره[/poem]


[poem font="Simplified Arabic,5,blue,normal,normal" bkcolor="transparent" bkimage="" border="none,4," type=2 line=0 align=center use=ex num="0,black"]

هذه تحدي بشكل فكاهي


يقولون يامحمد ولد راشد بن الذيب=على ذمة اهل القول بانك تحداني

ونا اقول ماتقدر وبدري ونا مانيب=على كيف بزران ال ضاعن وبزراني

انا الشايب الي يتقن الرمي والتصويب=ونا الي لاوقفت يوقف الماء على شاني

انا اطيب من ابن الذيب وشيخ من ابن الذيب=والله على ابن الذيب بشياء بداني

ولاكنه ارها شعر وان جات بترتيب=ترى محمد بن الذيب لاول ونا الثاني [/poem]

[اشراقة قلم]

[poem font="Simplified Arabic,5,firebrick,normal,normal" bkcolor="transparent" bkimage="" border="none,4," type=2 line=0 align=center use=ex num="0,black"]

الحلم - الفتوى

ياشيخ .. جيتك من هواجيس ٍ رحاها تستدير=اسباب حلم ٍ .. يا الهي .. من عواقــبه انجني

ياشيخ .. تكفا .. فسّره يومك بتفسيره خبير=من روعته لا مهتني زادي .. و لا نـــومي هني

ياشيخ .. انا ماني بكافر .. يزبن مشعوذ حقير=ياشيخ جيتك مسلم ٍ ويقول : يارب اهدني

ياشيخ .. ندري مايجي قبل رمضان الاّ القصير=و الموت .. ذيبٍ مادرى وين الرباع .. من الثني

ياشيخ .. انا عندي شدادٍ .. مير .. ماعندي بعير=ما ولف قلبي عالشقا مير الشقا اللي .. ولفني

حلمت يا شيخ بعقالي .. طايح ٍ في وسط بير=والناس حولي نوب تمسكني ونوب تهدني‏

هجيت ابي الجيره لقيت( الضبع) ياشيخ المجير=وطحت بردى الثنتين يانّي آكله والا أكلني

قلت أعطي الخبت اقدمي .. مثل السروق المستذير=واذا ( جهينه ) عندها صدق الخبر.. صرت(جهني)‏

وكنّي زبنت ظلال نخله .. باتفيّا من الهجير=والاّ انّي بجذع ٍ يقلْ :- ماغير ( مريم ) هزّني

وشفت النبي ( يوسف ) بيده ( صواع ) مليانٍ شعير=وفي رحل (بنيامين) .. ذيب يقول :- معكم ودّني‏

وسبعة سنابل وسط حقل براس ضلع اكلته طير‏=وسنينها اْربعطش .. سبع عجاف .. في سبع ٍ ســني

واصوات رجلين البشر ( للنمل ) بالأمن البشير=‏( والهدهد ) يدوّر على ( بلقيس ) من بين البني‏

وكنّي حطبت من السّمر في صيف برده زمهرير=واْخذت لي عودٍ من الحزمه باْشبّه .. شبني

و شوي و الا ّ انّي .. تقل مظلوم في امر ٍ خطير=في ديرةٍ .. واصفى هواها كان .. عج ٍّ سمّني

ديره .. بها ريش النعام يجّرح فراش الحصير=‏( وسبعين جدر ٍ ) .. ينهدم من شان جدر ٍ ينبني

والله يجيرك شفت رزقي مثل بستان ٍ كبير=في مغرسه طيّب .. ولا ادري ليه .. ماطاب الجَني

‏( والطيب ) .. ذنبٍ مابعد عذّبه تأنيب الضمير=‏(والخبث) شاعر كل عذراء جاته تقول :- اهجني‏
‏
( والشعر ) .. دجال ٍ ينادي : - يافرزدق .. ياجرير=غنوّا معي ( يامن هواه اعزّه ... وأذلني)‏
‏
( والعين ) .. طرقي تخنقه غربه ويضنيه المسير=‏( والصدر) .. طفل من الغلا .. يشهق نشيدة موطني

واصغر عيالي يلفظ انفاسه على علبة عصير=المشكله ياشيخ .. قدّامي .. تقلْ .. ماهمني

وكنّ ( الغنى ) .. فارس من الديباج .. وسلاحه حرير=ماله عدوّ الاّ ( الفقر) .. كم جاب قاصيه الدني
‏
( والفقر ) .. عودٍ .. له مرَه مشلوله.. وورع ٍ ضرير=في ارذل العمر .. ان وِقَفْ .. قاصي شموخه منحني

مير افتني ياشيخ .. مين افضل ؟ جزاك الله خير=ماادري الغني ؟ والاّ فقير الحال ؟ .. ياشيخ افتني

هو ( الغني ).. اللي يزكّي بالسنه .. مرّه .. فقير=والاّ ( الفقير ) اللي .. قضى عمره زكاةٍ للغني[/poem]




[poem font="Simplified Arabic,5,green,normal,normal" bkcolor="transparent" bkimage="" border="none,4," type=2 line=0 align=center use=ex num="0,black"]

الــــــــــــــــــــــرد

الحلم - تفسير - الرأي


يا مرحبا .. باللّي يبي الفتوى و موضوعه مثير =الشور عندي .. وإن بغيت أفتيك ( خُذها ) و إنسني‏

بسـم الله الفرد الصمد .. أبدأ .. و هو ربٍ بصير=و إن كان ما فسّرت حلمك يا الدحيمي فإنعني

خابرك منتاب كافر .. و لا فاجرٍ يتبع غرير=خابرك مسلم .. لكن .. المسلم يضل وينثني

لو ما أنثنى للحق قبل الحق .. فالموقف عسير=في ســـاعةٍ ولت بها التوبه .. و قولة ( دِفِّني )‏

في سـاعةٍ فيها إمتساوين .. الفقير مع الأمير=ما يلزمك فيها شـداد .. و لا بعـير .. ولا قِني

و الحلم تفسيره على التاويل و المعنى نذير‏=و البير ما تدري هماجٍ .. ماه .. و إلا ( معدني )‏

و عقالك ( العقل ) الذي لا راح .. فالدعوى مصير ‏=و العاقل اللي بَصّره ( مولاه ) .. ما قال:- إعمني

و الضبع لا شفته برؤيا .. شفت من مثله كثير‏=ما تاكله مكبوس والله يا الدحيمي كيف ( نِّي )‏

أشوى .. تداركت الخطر.. هجّّيت وأنت المستخير=لو ما عليك من الثياب .. الا .. الشـماغ الأردني

و النخله أللّي وارفه .. يا المسـتظل المستنير ‏=مالك و هز جذوعها ؟؟ .. والتمر جنبك منجني‏

وإن شفت ( يوسف ) فالبلا والموت من مرة الوزير ‏=و الذيب دامه مع ولد يعقوب .. فإسمع .. و إقرني


(( سبع السنابل ما تسر إن كان ما جاها مطير‏=وأربعطعش وش فودها ؟؟ بتموت من قول : إسقني ‏

والنملْ .. من له غير إبن داوود بالدنيا نصير‏ ؟؟=والهدهد اللي في سبأ .. مرسول .. و الا ما عِني
‏
والزمهرير بحلم صيف إن صاح :- ( يا نار السعير=ويا حاطب الليل إنتبه .. بين الحطب ما ناشني )

( فالعج خيره ) لو تشوف السيف ماحوله جفير ‏=ليتك تكثّر من دعاء .. ( أرجوك ربّي بَدّني )

والريش في حلمك طموح اللي مخاوي له خفير=و الجدر قومٍ في رجاهم .. يا عسـاي و علّني

وأكيد ما طاب الثمر في حوض منكر أو نكير ‏=إغروسها نبتة ( طمع ) .. وفروخها ما تنقني ))

والطيب .. رجلٍ لو يغوله جوع ما جا يستعير=والخبث .. تاجر كل يوم يقول :- فقري هدّني

والشعر .. ديوان العرب .. تاريخ .. لو قلتوا يطير‏=غنّيت له ( إين الســـبيل الى وصالك ... دلّني )‏

و العين .. ما يشبع طمعها كود شرٍ مستطير ‏=و الصدر .. مدهالٍ لربعي .. لا منعته .. ردّني

أما الغنى قالوا شموخ و كبرياء و اللي يصير‏!!=لا مافرقت !! دام الفقر هو ( عَدّني .. ما عَدّني ) ‏

والحين .. أنا بأفتيك دامك في سؤالك تستشير=وإن ماعطيتك راي ينفع .. ( بالمسدس ) وإرمني
‏
‏ أطيبهم اللي عزّ نفسه عن كبير وعن صغير=و اللي بلطفه عَمّني .. و اللي بصدره ضَمّني [/poem]

[جذاب]

طيب ممتاز باقي شوية احاسيس بعد جفاف سوق الأسهم ..
على كدا خليني اضيف حاجه يعني انا راح اطلع صخرة فيكم

شوفي الشعر وقولي ليا ياست اشراقة حرف ايش رائيك ...طبعا انا اللي كاتبه

يامدور الهين ترا الكايد أحلى = واسأل مدور كايدات الطروقي
الزين غالي لكن الأزين أغلى = ولكل شراي(ن) بضاعه وسوقي
الماء أعالي والسماء فوقه اعلى = ولافاق علم(ن) جاه علم(ن) يفوقي
الصعب هلاّ قلت يا صعب سهلا = دامك تبيني انت يا صعب شوقي
أحب عزف المهرة الي تغلى = واحب اروض كل طرف(ن) يموقي
احب اسافر مع سحاب(ن) تعلا = واحب فوق الغيم لمع البروقي
واحب اسامر بدري الي تجلى = وارسم شعاع الشمس عند الشروقي
يا من على ثاير فؤادي تولى = خلك على قلب الكرامه شفوقي
أكرم عزيز(ن) بالعمر ما استذلا = يسوق عمره للمشاريف سوقي
اخترتك من الناس للقلب خلا = يا حيثك مرادي وكيفي وذوقي
مارحت ادور كل زول(ن) تحلى = لولاك تسوى ما عطيتك خفوقي

شوف الكذاب عيني عينك ... ملاحظة مهمه جدا ( من ستر مسلما ستره الله يوم القيامه )

يامدور الهين ترى الكايد احلى

[اشراقة قلم]

المشاركة الأصلية كتبت بواسطة جذاب

طيب ممتاز باقي شوية احاسيس بعد جفاف سوق الأسهم ..
على كدا خليني اضيف حاجه يعني انا راح اطلع صخرة فيكم

شوفي الشعر وقولي ليا ياست اشراقة حرف ايش رائيك ...طبعا انا اللي كاتبه

شوف الكذاب عيني عينك ... ملاحظة مهمه جدا ( من ستر مسلما ستره الله يوم القيامه )

( من ستر مسلما ستره الله يوم القيامه )

:) هالطلب لامس النفس اهنيك تعرف تسكتنا

بس الي يقرأ القصيدة من يسكته





[poem font="Simplified Arabic,5,firebrick,normal,normal" bkcolor="transparent" bkimage="" border="none,4," type=2 line=0 align=center use=ex num="0,black"]
يامدور الهين ترا الكايد أحلى = واسأل مدور كايدات الطروقي
الزين غالي لكن الأزين أغلى = ولكل شراي(ن) بضاعه وسوقي
الماء أعالي والسماء فوقه اعلى = ولافاق علم(ن) جاه علم(ن) يفوقي
الصعب هلاّ قلت يا صعب سهلا = دامك تبيني انت يا صعب شوقي
أحب عسف المهرة الي تغلى = واحب اروض كل طرف(ن) يموقي
احب اسافر مع سحاب(ن) تعلا = واحب فوق الغيم لمع البروقي
واحب اسامر بدري الي تجلى = وارسم شعاع الشمس عند الشروقي
يا من على ثاير فؤادي تولى = خلك على قلب الكرامه شفوقي
أكرم عزيز(ن) بالعمر ما استذلا = يسوق عمره للمشاريف سوقي
اخترتك من الناس للقلب خلا = يا حيثك مرادي وكيفي وذوقي
مارحت ادور كل زول(ن) تحلى = لولاك تسوى ما عطيتك خفوقي[/poem]

شكرا لروحك المرحة واطلالتك العذبة

[جذاب]

مشاركة جادة ساحقة ماحقة
من صديق لي اسمه محمد بن راشد ....ابدا لا يروح بالك سمو الشيخ /محمد بن راشد آل مكتوم ..ابدا.. ابدا


عنيد تفكير

خَففْ كحل عينك ترى عيونك وْسَاع رد النظر عنهن وفيهن مهابه
لو بَرقت في راهب العلم يرتاع وبطرفها تجذبك شدة جذابه
شطين والرّمشين فيهن وسط ضاع منها فؤادي ذايبٍ في عذابه
تخْلَع قلوب الرجاجيل نِزّاع واللي يعاتبني اضيّع عتابه
واذا جرى منهنْ بلا قصْد لَدْمَاع تحسّ ان الأنس مقفول بابه
وإذا اضحكن يرفع لكْ السعد لقناع كن الفرح فوقك تناثر سَحابه
ياعين فيها كلّ زينٍ بالإجماع أهديك من شوقي ووجدي شَبابه
عين بليّا كحل تامر وتنطاع وعين تسال ولا تحَصّل إجابه
وعين فيها جمع نشْرٍ وينشاع فيهن لطافه والرّضى والرّحابه
فكري على حبََّك نواياه نَزّاع مثل الرحيق بشوق شمّة صحابه
ساري سرى بي وآسر الجسم في ساع عنيد تفكير الهواجيس جابه
بين الشعور عْنَاد وخْضُوع وصْراع ومطوِّع احْساسي وقلبي رضى به
وأهديك شعري والبصاير والاسماع وأهديك ثم أهديك وما ينصخابه

[جذاب]

بيض الله وجهك على موضوع بصراحه اجبرتيني على فتح صفحات قديمة ................
وعشان لا يزعل كمان ابن الوز عوام ( على قولتهم )

شعر للشيخ حمدان بن راشد ال مكتوم (فزاع )

--------------------------------------------------------------------------------

الهرج فضه والذهب مايشبهه غير السكـــــــــات ........ والطيب أقدر سواليفه واحسب منطقه
والشاعر اللي ضاقت بوجهه وسيعات الجهـــات ....... وش فيه شخصيته مهتزه ولا عنده ثـقه
حنا سرجنا الخيل لاتفخــر بسرج العاديـــــــات........ وشوف الزمان اللي يسابقنا قدرنا نسبقه
ولا نحب الــثرثره والــمعمعه والالــــــــــــــتفات ........ والكذب ليله ينجلي والحق شمسه مشرقه
مايصنع الانجـــاز رجـــال بلا عـــزم وثبــــــــات......... الانجاز يبغى له جبين يروي الخد عـــرقه
طموحنا يسمو على بدع القصايد في البنــــــات ......... واكبر من بيوت القصيد اللي على صدر ورقه
حنا نفكر نجمع التاريخ من بعد الشتــــــــــــــات ......... وانته على الماضي عيونك كل يوم مبقله
الاسماء والالقاب والتقدير وانواع الصـــــــــــفات .......... ينعم بها ربي على عبده واذا شاء رزقه
واعذب من النهرين نهر النيل او نـــــــــهر الفرات ........ طموح رجال تحدداه الزمــــان وحــــققه
لا ترتفع يا طيرنا بين النجوم الســـــــــــــــاريات ....... ويعانقك صلف الهوى والشمس ريشك تحرقه
لاتحسب انك معـــــجزه الا خليفة معــــــــــجزات ......... تراك انسان ذنوبه كل ما امسى تورقــه
ولا تفلك البندق مادام انك تهاب الانـــفـــــــــلات ......... تركت للرعيان مايصمل ويفلك بندقـــــه
وانا اعرف عيال الفقارى واعرف عيال الـــذوات ........ نفس البحر يغرق عباد الله وهي ماتغرقه
ابوي علمني مااسولف غير بالشي الثبـــــــــات ........ لو موتتي بالسيف والبندق وحبل المشنقه
ياليت مانت بحرف في غصن شجرة سبع اللغات ...... اللي تقول جذورها للنصر لا للتفـــــــــــرقه
ياليتك اللي مت واللي مات للحيـــــنه مــا مـــات ...... وعساك فدوة سندسه وديباجته واستبرقه

[اشراقة قلم]

هلا جذاب

مشكور على القصائد الرائعة

لاتحرمنا روعة جديدك

وتقبل فائق إحترامي وتقديري


[poem font="Simplified Arabic,5,darkred,normal,normal" bkcolor="transparent" bkimage="" border="none,4," type=2 line=0 align=center use=ex num="0,black"]
" الجمهره "

إي بالله أخطوا والخطا اللي جابهم عين الصواب =مبطي وأنا أشوف الطمع يكشف رداهم وأستره

مايملي عيون الحسود بهالزمن غير التراب =ومن لايتوب من الخطا تحرم عليه المعذره

اللي من أولها خراب أكيد تاليها خراب =والبندق اللي ماتثَّور في هدفها تذعره

ودك إليا من جاتك الغلطه من الناس القراب =الصاحب اللي ماكسبت محبته ماتخسره

مشكلتي إني ماعرفت أحسب لصدتهم حساب =قلَّطتهم صدري على ذكري قصيد وحنجره

صوتٍ يصول بمنبره وخطاب ما بعده خطاب =والطيبه اللي زعزعت صوت الخَطيب ومنبره

مافيه دمع ٍ صوَّبوه أحبابي بوجهي وخاب =ولا زَرَق حزني على غالي ولافج انحره

كل الزهاب اللي معي ذكرى من أصحاب الزهاب =واللي بقالي من عذاب أشرس طريقي وأخطره

لأني تجنبت الغرق عدِّيت من فوق السحاب =لأن أكثر أصحابي ورق ماشفت للطيب إثمره

والله ماحطيت بين الحقد والخُوَّه حجاب =حتى غدوا ربعي يحدوني على الضيق أشكره

البارحه ثارت علي رقاب وآوتني رقاب =البارحه يا ثقل دم البارح و يا محقره

أهَب يا وجه الحسد وشلون جمعهم وغاب=كيف السنين اللي عطتني بعثرتهم بعثره

أثر المصايب ماتجيك إلا من الناس القراب =وبهالزمن حتى الخوي اللي تثق فيه أحذره

لابارك الله في رفيق ٍ تزعله كلمة عتاب =ولاجمَّع الله الرجال اللي تفرقهم مره

عوَّدت نفسي كل ماشددت لليمّه ركاب =ما أصد وجهي عن طريق إلا ليا جبت اخبره

الصاحب اللي مايجي من صحبته غير العذاب =نذر ٍ علي إن ماهجرني وإلا أنا اللي بهجره

من يفتح لفرقاي باب أفك له عشرين باب =وإذا خويِّي مايقدر خوتي ما أقدره

إن روّحوا فأنا بري منهم ليوم الحساب =وإن جرَّحوا قولوا لهم ماحركوا فيّ إشعره

شفهم لهم حول السنه ولا خذوا مني جواب =أحسن دوا للي يحاول يستفزك تحقره

أنا جمعت أوراقهم بكتاب وأغلقت الكتاب =ياوقت لم اللي تلمه وأنثر اللي تنثره

ماكنت أحاتيهم صغَـيِّر ..عاد أحاتيهم شباب =إن ما ذخرني صاحبي لليوم الأسود ما أذخره

عقب أكتئاب البارحه ماعاد انا حمل إكتئاب =الطيب جرجرني وانا ماني بناقص جرجره

اللي يخاف من الظما يترك لنا طرد السراب =واللي ماهو بقد الظلام ووحشته لا يسهره

انا تجرعت الظما لين أحترق وجهي وذاب =انا كسرت بخاطري قبل الصداقه تكسره

انا خسرت اللي غيابه غير عن كل الغياب =انا غفرت لعالمٍٍ ماتستحق المغفره

انا أكثر أنسان تعلم من كثر ماأخطا وأصاب =انا أخر لسان يتكلم في زمان الثرثره

انا القصيد اللي نزع من دفتره مليون ناب =وانا الوحيد اللي جمع مليون ناب بدفتره

جفني وجرَّحه السهر ، حيلي وهدَّته الصعاب =دمعي هدر، ضحكي ندر، عمري وضيعت أكثره

شيَّب بعقول العرب..هيبت روس ٍ ماتهاب =جمهرت ناس ٍعمرهم مايعرفون الجمهره

ماصرت ذيب إلا لأن اللي حواليني ذياب =ما كنت أغيب إلا لأن العفو عند المقدره

ترى حلاتك لاحملت لصاحبك كلمة عتاب =أن مانطقت بها بوجهه ماتذمه بظهره

في هالزمن مايملي عيون الحسود إلا التراب =والا الحظيظ .. الطلقه اللي ماتصيبه تذعره

ودك إليامن جاتك الغلطه من الناس القراب =الصاحب اللي ماكسبت محبته ماتخسره[/poem]



لحـــامد زيـــــــد

:dinmt: :dinmt:

[الــــذيــب]

جفني وجرَّحه السهر ، حيلي وهدَّتـه الصعـاب
دمعي هدر، ضحكي ندر، عمري وضيعت أكثره

شيَّب بعقـول العرب..هيبـت روس ٍ ماتهـاب
جمهرت نـاس ٍعمرهـم مايعرفـون الجمهـره

ماصرت ذيـب إلا لأن اللـي حوالينـي ذيـاب
ما كنت أغيـب إلا لأن العفـو عنـد المقـدره



أنا أشهد........صح لسان قايله.



تحياتي.

[awa1409]

السلام عليكم
والله هنا وناااااااااسه ما ندري عنكم بس طايحين بالصفحه الرئيسيه
ماعليناااا
اعجبتني هذه القصيدة بس ما ادري لمين
كتبها صاحبها في يوم زواج اللي حبها ولما شاف عريسها

أبد .. ما جيت ابارك ولكن جيـت باوصّيـك
على الله ناوي ٍ تدخل بهـا الليلـه .. مُعذّبْتـي

ترى لولا الظروف اللي عطتْك وحدّت محاكيك
قسم بالله ما تدخـل عليهـا لـو علـى رْقبْتـي

ولكنّ النصيب اقوى ولا ادري ويش اسوّي فيك
نعم .. صارت معزّبتك .. ولا صارت معزّبْتي

كذا شاءت بنا الأقدار تحرمني لجـل تعطيـك
كذا لازم عشان تفوز إنت .. أخسـر بتجربْتـي

تراها غاليه جـداً .. وتكفـى .. والله يخليـك
تـدللها .. تدلعهـا .. تنسّيـهـا مصاحبْـتـي

أنا من كثر ما اغليها أحس اني بديـت اغليـك
ولا تسـأل بأيّـة حـق ولا ّ وش مناسبْـتـي

لإنك لو بتسألني بتسمع شـيء مـا يرضيـك
لـذا ياخـوي لا تسـأل ولا تسمـع لأجوبْتـي

أبيك تحطها في داخل عيونـك وبيـن ايديـك
وهي دلوعه اعتـادت علـى كثـرة مداعبْتـي

فداعبها شوي شوي حتـى تشتهـي طاريـك
وشاغبها إليـن تقـول لـك: بطّـل مشاغبْتـي

واذا هي مالها خلقك..ولا تضحك ولا تسلّيـك
تحمّلها وإسألهـا: يـا عمـري ليـه عصّبْتـي

وبالك اسمع انّك يوم تضربها وهـي تشكيـك
ما يحتاج اورّي لـك بفـن الضـرب موهبْتـي

صحيح انك بتملكها ومعك الصـك بالتمليـك
وانا عارف حـدود الله ومـن حقـك معاقبْتـي

ولكن قلّها المجنـون وصّانـي وهـو يعنيـك
يقـول انّـه بينتظـرك ولـو شيّـب وشيّبْتـي

وانا مجنونها اللي ما نساها وانت مـا يمديـك
تغطّي ذكرياتي في هواهـا.. وربْـع تجربْتـي

أحس اني تماديت بكلامي.. والغضب حاديـك
ولو انّك في مكاني مـا تفكّـر فـي محاسبْتـي

كفاك اني تركت الليله اشغالي عشـان اجيـك
دخلت القاعه برجلي ولا ادري ويـش عاقبْتـي

وانا ما جيت اخرّب عرسك الليلـه ولا أذّيـك
أنا جيتك عشان اخاطبـك واسمـع مخاطبْتـي

توصّى..وانتبه..واحرص عليهـا والله يهنّيـك
ترى كل الكلام اللي طلَع مـن ضيقـيَ وكبْتـي

ولكن ما قدرت انّي أقوله وانـت مـا يخفيـك
أخـاف انّـي إذا قلتـه تقـوم وتقطـع رْقبْتـي