أنظمة الموقع | تداول في الإعلام | للإعلان لديـنا | راسلنا | التسجيل | طلب كود تنشيط العضوية | تنشيط العضوية | استعادة كلمة المرور |
|
||||||||||||||||||||||||||
|
09-01-2012, 12:26 AM | #1 |
متداول نشيط
تاريخ التسجيل: Nov 2007
المشاركات: 1,403
|
قصيده فيها بيت بمليون ريال
هذه قصيدتي بمناسبة مشاركة الشيخ / هزاع الروسان (أبو فهد ) للمره الثالثه في مهرجان الملك عبدالعزيز للإبل ولعل الفرصه تسمح لي بالمشاركه في حفله لعلها تنال إعجابكم
للشاعر سلطان معيوف الدهمشي العام الأول شارك وعلمها فات=وجه على أم رقيبه بوضح ميه والعام شارك بالبكار البهيات=وأخذ معاها الثاني بمقـــــدريه وهذي السنه متحيزم الوايليات=إن قالها الله نخبة الوضح ليه وساق البكار اللي تقول برديات=وإن طبت الميدان تمشي سويه معها الزعيمه شيختن للزعيمات=وراوسة البكرات ماهي شويه وقهارة العدوان وابليس لو مات=يطلع لها ابليس بين البريه وهزاعة البل وصفها من الخيالات = يكفي إنها لهزاع ملك وسميّه والوايليه والبويضا فريدات=كلن تقول الزين فيني مهيا وحمست لأفكاري من البن بسكات=وكيفتها من مبهره شاذليه لعلي آصفها بجزلات الأبيات=ماهي سوالف ليلــــة نرجسيه ونخيت شيطان الشعر للمهمات=مطنوخ ماأنكر عشرتي الاوليه قال ابشر بتصوير ماهو هوالات=وصور لي المقهور عده ثنيه سند الغوارب والرقاب الطويلات=وساع نحر أطباع حلوه هديه عكش الوبر والروس متر وكبيرات=تمشي تباهى روسها للجويه ماأدري تبختر لانها من الملذات=والا بكحل عيونها الداعجيه والاتغطرس بالخدود العريضات=او هي تفاخر لانها دهمشيه روس اسنمتها من الشحم كالعمارات=متفهقه كنها جبال اطلسيه إن درهمت درهامها فيه شيلات=وان أرزمت شالت لحن سامريه وان هوبل الرعيان شاشت للاصوات=تجيك سيلن حادرن من شغيه معها غريب اللي انتاجه جنيهات=يمشي معاها تقل قايد سريه جتكم تداحم والمسيره مسيرات= يبرالها الــــــروسان يالله تحيه شيخن وله بالطيب صوله وجولات=وله في دروب العز والمجد زيه أبو فهد إن إرتكى للثقيـــلات=ماكن جـــوف الأرض بـــه جاذبيـــه أكرم حلاله ماربع للخسارات=يعرض لك المفرود كنه لقيه وأبي أذكر الله الف مره ومرات=وإنتم بعد صلوا على أحمد نبيه قولو ماشاء الله لاقبلت وضحه وجات=وصفوا صفوف الدحه الوايليه لاجاء نهار العرض بالمهرجانات=نمشي معاها كل أبونا حميه ونزفها للجايزه بإحتفالات=معها من التقدير وازكى تحيــــه للي رفع اسم عنزه للسماوات=بين القبايل بالمزاين ياحيه والمعذره ياهل الرعايا الكريمات=المعذره وآسف رعيه رعيه لاجت بكــــار الوايلي الوايليات=لاتحلمـــون بجايزه أو هديه شوفوا بكاره كل ابوها عنزيات=تزين معها الدحـــــه الوايليه |
09-01-2012, 12:29 AM | #2 |
متداول نشيط
تاريخ التسجيل: Nov 2007
المشاركات: 1,403
|
أبو فهد إن إرتكى للثقيـــلات=ماكن جـــوف الأرض بـــه جاذبيـــه
هذا البيت يقولون طلب من الشاعر وباقي القصيده طلبت من الشاعر ب100000 الف ريال وان يغيرها باسم شخص اخر ورفض |
09-01-2012, 09:54 PM | #3 |
متداول جديد
تاريخ التسجيل: May 2008
المشاركات: 84
|
لاجت بكــــار الوايلي الوايليات=لاتحلمـــون بجايزه أو هديه
شوفوا بكاره كل ابوها عنزيات=تزين معها الدحـــــه الوايليه صح لسانك يا سعود ونتمنى لك التوفيق |
11-01-2012, 01:24 AM | #4 |
متداول نشيط
تاريخ التسجيل: Nov 2007
المشاركات: 1,403
|
صح بدنك وصح لسان الشاعر
ومرور عطرك واختيارك لهل بيتين يعني انك قريب بعيد يابناخي |
06-04-2012, 07:36 PM | #5 |
متداول نشيط
تاريخ التسجيل: Mar 2012
المشاركات: 1,516
|
كلمااات راقيه وجميله
|
مواقع النشر (المفضلة) |
|
|