زَيّ بَعضُه !!

[كريم_كرم]

بسم الله ..

إزيكم يا شباب .. إن شاء الله تكونوا في أحسن حال ..

علشان نتكلم عن إيه اللي ممكن يحصل في السوق السعودي .. وبما إن موضوع التجارة ده أشبه بالحرب ..

هانعمل تمهيد نيراني الأول !!

أيوة .. يعني هانتكلم عن السوق الأمريكي الأول .. وبعدين .. نتكلم عن السوق السعودي ..

أولاً .. ليلة 25 مارس .. كتبت هذه المشاركة في أحد المنتديات المصرية ..

"

[quote name='كريم_كرم' date='Mar 25 2008, 12:43 AM' post='177185']

مجرد ملاحظة على السريع .. لكنها هامة جداً جداً جداً

السوق الأمريكي .. على شارت الأسبوعي .. عامل نجمتين صباح في خلال .. ثلاث شهور ..

لاحظوا إن الداون ترند عندهم بادئ في 7 أكتوبر ..

النجمتين جايين في نهاية داون ترند .. يبقى هايعملوا إيه ؟؟



بصوا كمان على الشارت ده .. ده شارت اليومي ..

السوق الأمريكي عمال يخترق خطوط المقاومة الهابطة ويحولها لدعم " الخطوط الخمسة البادئة أول يوم في الداون ترند " ..

وفاضل له زلطة ويطلع برة .. :P

صحيح شمعة النهاردة عندهم مش حلوة .. لكن ..

تبديل نفسية سوق عمالين يـِزِنــُّوا عليه من ثلاث شهور إن الكساد جاي جاي .. مش هاتيجي بين يوم وليلة ..



اللذيذ كمان إن فيه فجوة صعود بعد النجمة الثانية .." رايزينج جاب " مشار إليها بالشكل البيضاوي السماوي اللون

أقدر اقول للأمريكان مبروك .. :blink: :P :lol: ;)
[/quote]


"

وبعدين .. ليلة 7 أبريل .. كانت لي هذه المشاركة عن السوق الأمريكي أيضاً ..

"

[quote name='كريم_كرم' date='Apr 7 2008, 12:00 AM' post='180854']
واضح إن الزلطة اللي فاضلة .. بكرة .. :P

طيب .. إيه اللي جرى في أمريكا الأسبوع اللي فات .. وإيه اللي إن شاء اله هايجرى .. هناك .. وهنا !!



الشارت ده باين فيه .. إن الفجوة تم تغطيتها .. وبعدين عديناها لفوق تاني .. وبعدين عملنا دعم عند 12528 بآخر شمعتين ..

مش صدفة إنه نفس الرقم بتاع أدنى نقطة في الشمعة اللي حصلت بعد الفجوة .. الشوتنج ستار الصُغـَنـَّنة ..

طيب .. الأربع شمعات الأخيرة ممكن تكون بتجهز لنموذج الهاربين الثلاثة الإيجابي " Rising three method " .. بيتكون من خمس شمعات

وده يكمل لما الشمعة الخامسة " بتاعت بكرة يعني " تفتح فوق إغلاق الشمعة الرابعة وتغلق فوق إغلاق الشمعة الأولى في النموذج .. شغال ؟؟

ممكن برضه نبص لآخر أربع شمعات على إنهم علم .. مستهدفه .. 12920 ..

طيب .. أنا ليه بأقول على الكلام ده ؟؟

لأن بكرة .. وزي ما إحنا شايفين في الشارت .. لو السوق الأمريكي .. كسر 12800 لفوق .. يبقى خَلـَّص على آخر ترند هابط موجود منذ شهر أكتوبر اللي فات ..

يبقى باقي بس بعد ما يعديها .. البولباك .. وبعدين سلم لي بقى على اللي كانوا بيقولوا كساد ..

أفلام مرسومة .. هناك برضه !! .. المهم المؤسسات لمت الأسهم حلو .. بقت الناس معاها فلوس اللي باعت بيها بالرخيص والمؤسسات معاها الأسهم اللي اشترتها بالرخيص .. وتعالوا ورانا !!

اشتـِروا مننا بالغالي .. علشان ترجعوا تبيعوهولنا بالرخيص .. وهلم جراً ..

" لاحظوا إن هبوط الأسبوع الماضي .. كان بولباك على آخر داون ترند بادئ في ديسمبر 2007 "
برضه تَعدية 12729.5 .. مهمة لأنه كان خط دعم للشارت في شهر نوفمبر .. تحول لمحور ارتكاز لأول أسبوع في شهر يناير ..

وبعدين بقى مقاومة في آخر أسبوع في يناير .. وفي الأسبوع الثالث من فبراير ..

طيب على الأسبوعي .. في إيه ؟؟



نجمتين الصباح اللي إتكلمنا عليهم في المشاركة الأولى .. جـِه بعدهم .. ابتلاع ثيراني " Bullish engulfing " .. تبقى الدنيا رايحة فين ؟؟

طب وإيه كمان ؟؟

على الشهري .. باقي كام نقطة .. ونكمل نجمة الصباح .. بأكرر .. الكلام ده على الشهري ..



فكده .. بفضل الله .. الكلام بيحصل أهو .. والسوق الأمريكي .. بيفوق ..

وطبعاً إحنا وراهم وراهم ..

لحظة .. ونتكلم على السوق المصري
[/quote]

"

وبعدين ليلة 17 أبريل .. كانت لي هذه المشاركة ..

"

[quote name='كريم_كرم' date='Apr 17 2008, 01:12 AM' post='183499']
بسم الله ..

إزيكم يا جماعة .. مش قلت لكم الدنيا زي الفل ..

عملوها الولاد .. في أمريكا ..

الأخبار الإيجابية على جي بي مورجان وإنتل وكام شركة كده خلـِّت السوق الأمريكي " الأسَد " .. يزأر ..

وزئيره .. هايسمَّع غابة البورصات العالمية .. ويبعث الاطمئنان .. لكون الأسد ما زال يحتفظ بعافيته ..

يا ترى .. وللمرة الكااااااااام بأسأل السؤال ده من يوم ما ابتديت أكتب على النت ..

هل ظهور التقارير دي صدفة ؟؟ هل ما كانش في السوق الأمريكي ولا محلل كبير متوقع الأرباح الزيادة دي ؟؟

لأ .. الكبار كانوا عارفين كويس .. لكن لازم يحصل السيناريو كده ..

أخبار سلبية كتير .. ملء السمع والأبصار .. الأفراد يدخلوا يبيعوا .. تلِم المؤسسات الأوراق من إيدين الناس ..

تخلص موجة الأخبار السلبية مع اكتمال محافظ المؤسسات ..

تبدأ موجة الأخبار الإيجابية تظهر ..

تبدأ الأسعار تطلع .. والأفراد برة السوق ..

تبتدي الأفراد تدخل تشتري .. تجري ورا الورق يعني .. والورق في إيد مين ؟؟ المؤسسات ..

وهكذا دواليك ..

أمريكا إتعمل فيها الأسبوع اللي فات كمان فخ ثيراني للدببة .. أولاً نموذج الهاربين الثلاثة الإيجابي .. لم يكتمل ..

ثانياً .. خط 12528 .. فضل السوق محترمه لغاية من أربع جلسات .. كسره .. لا .. لا .. ده دَشدِشُه .. يوم الجمعة اللي فات ..

وشوفوا الرخامة بقى يقفلوا الأسبوع قفلة مهببة .. علشان الناس تيجي يوم الاتنين مهيأة تماماً للبيع ..

بس يوم الجمعة برضه .. المؤشر هناك عمل حركة لذيذة .. لمس الترند التركواز .. اللي بادئ في الأسبوع الثالث من يناير ..

ويوم الاتنين .. عمل شمعة على نفس الترند .. وعملها دوجي ..

ويوم الثلاثاء .. دوجي تاني .. بس أعلى من الأولاني ..

والظل السفلي فيه أطول من العلوي .. ودي حاجة ابتدت تقول إن البياع .. ابتدى يفهم .. إن النزول خلص ..

تكرار النماذج الإيجابية للشموع بيبعث رسالة مهمة أوي .. " نفسية السوق تتبدل " .. حاجة كده زي " جاري تغيير الاتجاه العام "..

المهم .. اللي يقراها بدري .. ويصدقها .. هو اللي هايكسب .. لأنه مبدئياً .. عامل حسابه ..

والنهاردة ؟؟ .. انطلق الأسد يعدو في فضاء مملكته .. بمنتهى القوة والنشوة .. فهو يريد أن يثبت للجميع .. أنه مازال أسداً ..

وأنه لا مكان في غابته .. لأولئك .. الذين صدقوا مرضه المزعوم ..

بينما مُرَوِّضوه " الميكرز " هم من إدَّعوا ذلك .. لكي يحصل .. ويحصلوا .. على المزيد من الفرائس .. السهلة ..

والتي تم التهامها خلال الشهور الأربعة الأخيرة .. وهو الشيء الذي زاد من بأس الأسد .. ومُرَوِّضيه ..

السوق النهاردة لمس في أعلى نقطة ترند برضه .. التركواز الهابط ..

والسوق كمان كمل نموذج نجمة صباح .. بس بأربع شمعات .. " الأخيرة " ..


بكرة الداو لو عدى 12690 .. يبقى كسر آخر خط مقاومة .. للترند الهابط .. يعدي 12729.5 يبقى خلص على خط مقاومة أفقي قوي جداً ..

إن شاء الله .. الكلام ده هايحصل ..

مبروك على .. سوق المال الأمريكي .. وتابعهُ .. قـُفـَّه !!
[/quote]

"

وفي ليلة 21 أبريل .. كانت لي هذه المشاركة ..

"

[quote name='كريم_كرم' date='Apr 21 2008, 01:57 AM' post='184389']
باركنا للراجل الطيب .. وتابعه قـُفـَّة .. بس قـُفـَّة طلع قـُفـَّة عالآاااااااااخر ..

خلونا في الراجل الطيب الأول .. داو ..



الراجل عدى مستويين مقاومة بجلسة واحدة .. طويلة ..

ودلوقتي رايح يقابل الثلاث مقاومات " لخطوط الترند المتقطعة " .. عند 13142 نقطة ..

أعتقد إن شاء الرحمن يجيبها الاثنين .. علشان يرد منها يختبر 12730 ..

ومنها .. لفوق .. حيث السموات مفتوحة ..

طيب .. إيه اللي كان مطمئنني أوي كده إن السوق الأمريكي .. مش هايقع ..

وإن كل اللي كان بيحصل .. نصب على الأفراد .. حتى في أمريكا .. ;)

الشارت ده ..



بصوا على الخط الأزرق السمييييييييييك .. العرضي ..

في يناير .. في عز القـَلـَبان .. لما الشارت ينزل يلمس بس الخط ده .. ويطلع .. يبقى يستحيل السوق يقع .. ليه ؟؟

لأن من أكتوبر 1998 لحد يناير 2001 .. السوق الأمريكي ..

ما قدرش يتجاوز الخط الأزرق ده .. يعني قعد سنتين وثلاث شهور مش قادر يعديه .. وكمان نزل من عنده ..

وفضل تحته لحد ما قدر يعديه في أكتوبر 2006 .. ألفيييييييييين وستتتتتتتتة ..

طيب .. لما السوق بقى ييجي يكسر خط كان مقاومة رهيب .. وتحول لدهم رهيييييب ..

يكسره بسهولة .. مستحيل طبعاً ..

عاوز له فترة ما تقلش عن نص الفترة اللي فضل فيها تحت الخط ..

طبعاً المنطقة دي " القديمة بتبقى المحافظ الاستثمارية فتحت بورزيشنز عندها كتير ..

المحافظ دي عملاقة ومش هاتخسر .. يبقى هاتدافع عن البورزيشنز دي .. يعني مش هاتسمح للسوق ينزل ..

وجود نجمة صباح على شارت الشهري.. متزامنة مع البولباك اللي على الخط الأزرق .. إشارة في منتهى الإيجابية ..

لاحظوا كمان الأشكال البيضاوية اللي أنا حاططها على مؤشر القوة النسبية " RSI " ..

أنا حاطط الأشكال دي على كل مرة كان المؤشر بيعكس اتجاهه بزاوية حادة .. زي المرة اللي إحنا فيها دي ..

وكل مرة فيهم .. كان السوق بيطلع طلوع ممتاز ..

عارفين ؟؟ .. مافيش غير حاجة واحدة بس اللي لسه سلبية .. وإن شاء الله هاتخلص ..

باينة في الشارت ده ..



لغاية دلوقتي .. نقطة تلاقي الترندين الزرق دول .. ممكن ترجع السوق الأمريكي تحت شوية ..

إنما ما توقعهوش .. بناء على السبب اللي لسه قايلينه ..

أعتقد بإذن الله هانتجاوزها بسهولة ..

ومبارك .. للأمريكان .. :P :lol:
[/quote]

"

ودي مشاركة ليلة 23 أبريل ..

"

[quote name='كريم_كرم' date='Apr 23 2008, 05:45 AM' post='185118']
المُحتَرَم .. مُحتَرَم ..

والسوق الأمريكي .. محترم ..

بصوا على الشارت كده ..



قلنا هايعمل بولباك .. والراجل سَبـَّق .. وبدل ما يروح يخبط فوق .. وينزل يعمل بولباك ..

سـَهـِّلها علينا .. ونزل يعمل البولباك الأول .. لأنها مش ناقصة ذعر .. خلاص الرجالة سَتـِّفوا محافظهم الاستثمارية ..

وطبعاً عما مش عاوزين الأفراد يتغابوا .. والأفراد هايتغابوا إمتى ؟؟

لو الأسعار كسرت دعوم مهمة .. هي أو المؤشر .. هايرموا اللي معاهم .. فيمَشـُّوا الأسعار لتحت ..

والرجالة الكبار .. عاوزين يطلعوا .. يبقى ..

بَلاها نزول طويل ..

نعمل البولباك من هنا ونخلص .. و دَه اللي حصل إمبارح ..

وبعدين علشان يعملوا اتنين بولباك .. في يوم واحد .. على الترندين اللي لسه كاسرينهم في يوم واحد .. تبقى قمة الافتـِرا .. مش كده ؟؟

بس افترا .. بيؤكد السيناريو .. و دَه .. زي الفـُل ..

ليهم .. ولينا ..

قولوا يا رب
[/quote]

"

إمبارح (( الجمعة 25 أبريل )) .. السوق الأمريكي .. قفل على 12891.86 ..يعني عمل نقطة أعلى من النقطة اللي عملها قبل البولباك المحترم بتاع الجلستين بتوع الأربعاء والخميس اللي فاتوا ..

يعني الأمريكان .. آآآآآآآآآآآآآخر خـَضار .. وطالعييييييييييييييين لفوق ..

يبقى إيه اللي هايحصل في السوق السعودي ..

خصوصاً مع الزيادة الهايلة في أسعار البترول .. وزيادة التدفقات النقدية التي تصب في صالح المملكة ..

وكمان الدولار ابتدى يحقق مكاسب .. وبالتالي الريال مشاكله الناتجة عن مشاكل الدولار هاتبتدي تقل تدريجياً ..

[كريم_كرم]

السوق السعودي ..

عامل نموذج " مقلوب الرأس والكتفين " .. مستهدفه .. 10302



لاحظوا التقاطع الذهبي " Golden Cross " للموفنج أفريدج اللي حصلت يوم 12 أبريل بين موفنج 9 " الأحمر " و 14 " الكحلي " والتقاطع الذهبي الثاني بين موفنج 14 و موفنج 21 ..

مشاور على التقاطعات بأسهم صفراء ..

لاحظوا كمان التقاطعات الجنائزية " Dead Crosses " اللي حصلت يوم 10 مارس .. وإيه اللي حصل للسوق بعدها ..

ربنا يكرم

[ابوامجاد]

رائع

كريم كرم

يسعد صباحك

من طوّل الغيبات جاب الغنائم
وأنت كريم

تحياتي لك

[كريم_كرم]

نقول كمان ..

عندنا نموذج قاع مزدوج " Double Bottom " أو حرف W .. مستهدفه 11989 ..

وعندنا نموذج عملاق لكوب وعروة .. يكتمل عند 11605.7 .. مداه الزمني سنة وثماني شهور .. مستهدفه .. 16413 .. أيوة .. ستة عشر ألفاً وأربعمائة وثلاثة عشر ..

وعندنا مؤشر الماكد .. عند الأعمدة الرمادية الثلاثة .. مع كل اختراق لخط الصفر .. صعود رائع ..

وهو لسه مخترق خط الصفر .. يوم 21 أبريل



قولوا يا رب

[كريم_كرم]

المشاركة الأصلية كتبت بواسطة ابوامجاد

رائع

كريم كرم

يسعد صباحك

من طوّل الغيبات جاب الغنائم
وأنت كريم

تحياتي لك

جزاك الله خيراً أخي الحبيب أبو أمجاد .. وبارك فيك .. وأسبغ عليك من نِعَمِهِ

[الريس 2000]

المشاركة الأصلية كتبت بواسطة ابوامجاد

رائع

كريم كرم

يسعد صباحك

من طوّل الغيبات جاب الغنائم
وأنت كريم

تحياتي لك

بارك الله فيك ، والله يسمع منك

[دويرم]

بارك الله فييييييييييييك

[كريم_كرم]

سابك ..

الشارت ده فيه خمس فجوات .. الأولى فيهم .. كبيرة أوي .. أعتقد إنه أكيد كان فيه توزيع نقدي عند النقطة دي ..

علشان كده .. هانهمل الفجوة الأولى الكبيرة دي ..



فيه ثلاث فجوات بعد كده .. التانية فيهم .. تقريباً نص ريال ..

طبعاً معروفة القاعدة اللي بتقول .. بعد الفجوة الثالثة .. إشتري لو كان الترند هابط .. وبيع لو كان الترند صاعد ..

طيب .. يبقى .. بعد الفجوة الثالثة (( المشار إليها بـ 4th Gap )) .. شراء ..

فيه نموذج نجمة صباح في الأيام 10 و 11 و 12 فبراير .. وده من أفضل النماذج الإيجابية اللي بتعكس الترند الهابط .. إن لم يكن أفضلها بالفعل ..

على الأسبوعي .. وفي نفس الأسبوع بتاع فبراير ده .. نموذج ابتلاع ثيراني للأسبوع اللي قبله ..

الناس اللي عارفة القصة اشترت .. أيامها كان قلق .. والفيلم الهندي بتاع الكساد في أمريكا خلى الكل يرمي الورق بتراب الفلوس ..

المهم ..

سابك دلوقتي .. اختبرت مستوى 50 % فيبوناتشي من تحت .. ونزلت رسيت على 61.8 .. وبعدين رجعت اخترقت مستوى 50 % تاني لفوق .. وعملت فجوة لتحت (( Higher Gap )) علشان ترسى على 50 % .. لآخر مرة بإذن الله ..

الفجوة دي مهمة جداً .. لأن تغطيتها لفوق .. وهو ما يعني عودة سعر سابك فوق 157.25 .. معناه ..

إن أول مقاومة عندنا هاتبقى 165 (( عند 38.2 % فيبو )) .. والأغلب هايتم اختراقها مباشرة .. علشان نروح لغاية 182.5 (( 23.6 % فيبو )) ثم ارتداد لـ 165 ثم .. 210 مرة أخرى ..

مرحلة الارتداد لـ 165 ممكن ما تحصلش علشان السيولة في السعودية مع الأفراد أكبر .. والأفراد لما الدنيا بتحلوّ .. بيشتروا بس .. وبينسوا يبيعوا علشان يحققوا أرباح بشكل فعلي ..

قولوا يا رب

[كريم_كرم]

الخزف ..

المشتري ابتدى يفصح عن وجوده .. آخر 11 جلسة .. هو ظاهر في خمسة منهم بوضوح ..

الورقة متحركة من على ترند جامد يوم الأربعاء اللي فات .. وفوليوم اليوم ده جميل ..



الستوكاستيك مومنتم إدَّى دخول يوم السبت اللي فات .. وحاول يخرج يوم الثلاثاء .. هَوِّش يعني .. بس ما خرجش .. ودي إشارة إيجابية ..

الورقة تعدي النهاردة بإذن الله 111.5 .. نبقى بنِصحَى ..

تعدي 113 .. تبقى عَدِّت الاختبار الحقيقي اللي في طريقها .. مهمة جداً 113 دي .. وأعتقد أكيد الشارت هايرجع يختبرها لما يعديها ... لأنها 50 % فيبوناتشي .. للورقة من يوم ما نزلت البورصة ..

الشارت أهو ..



الخط المنقط اللي مشاور عليه بأسهم زرقاء هو المقصود ..

المقاومات بعد المقاومتين اللي قلناهم ..

120 .. 131.25 .. 136.75 .. 150.5 .. وكفاية كده دلوقتي !!

ستوب لوس 106 .. وإعادة الشراء عند 105 إذا ثبت فوقها لمدة ثلاث جلسات

قولوا يا رب

[دويرم]

الخليج للتدريب طال عمرك ,,