للتسجيل اضغط هـنـا
أنظمة الموقع تداول في الإعلام للإعلان لديـنا راسلنا التسجيل طلب كود تنشيط العضوية   تنشيط العضوية استعادة كلمة المرور
تداول مواقع الشركات مركز البرامج
مؤشرات السوق اسعار النفط مؤشرات العالم اعلانات الشركات الاكثر نشاط تحميل
 



العودة   منتديات تداول > تداول الآداب والشعر > تداول الشعر الشعبي



إضافة رد
 
أدوات الموضوع
قديم 29-01-2014, 02:15 AM   #121
عبدالله هادي
أبو بنان
 
تاريخ التسجيل: Jan 2012
المشاركات: 19,209

 
افتراضي

لا جيت أنا بــ سامحك..

تبكي الجراح ما ودها..

مشتاق ودي أصافحك..

عيت يدي لا مدها...

آه. .يا لجراح .. راح اللي راح ..

وراحتي .. من يا ترى بيردها ..

يا حب.. ياذ كرى واسم..

مدري انا ابكي عليك من العذاب اوابتسم..

صدقني في يأسي .. نفسي تبي نفسي تبيك ..

لا يا دفا شمسي تبيك..

ليه خنتني ..الله عليك ..

آه يا الجراح .. راح اللي راح..

وراحتي .. من يا ترى بيردها ..

لا تحاكي عيوني .. يمطر سحاب الملح ..

ولا تلمس أشجوني .. ينبت في قلبي جرح ..

ناظرني يا خلي .. جرح انا كلي ..

وشلون أبـ ارضى الصلح ..

فصل الخريف حبي ..حزن وورق أصفر..

...ودعني يا قلبي..وخل العذاب أقصر..

آه يا الجراح .. راح اللي راح..

وراحتي .. من يا ترى بيردها ..





بدر بن عبدالمحسن
عبدالله هادي غير متواجد حالياً   رد مع اقتباس
قديم 01-02-2014, 01:35 AM   #122
عبدالله هادي
أبو بنان
 
تاريخ التسجيل: Jan 2012
المشاركات: 19,209

 
افتراضي

الصبح شعشع واقبل النور بالنور
والليل الاسود مايجيب الصراحه

ماني بضايق لكن القلب مقهور
مثلي تساوت ضيقته وإنشراحه

آمنت باللي ثبت اطويق والطور
عساه يلهمني ثبوت وفصاحه

واضح واحب اقابل الناس مسرور
مخلوق من بين الرضا والسماحه

اكتب قصيدي همي إسعاد جمهور
ماهمني فوضه وصوره وساحه

موج تلاطم من ورى سبعة ابحور
حروف شعري للمخاليق راحه

يامبتليني بالحكي اسمع الشور
لا تحسبنك عايش بوسط واحه

اللي خلقنا ميز الحق والزور
الفرق واضح كالسما والبراحه

الطب يبغاله من الناس دكتور
والهندسه تبغى ارتفاع ومساحه

ياللي تقول اني من الناس مغرور
ميز هماج الماء وميز قراحه

لامن كبر راسي مع الطيش معذور
لكن غرور الشخص سبة مطاحه

نسعى بهالدنيا نبي الحال مستور
والمجتهد همه وغمه نجاحه

ياصاحبي لا تقعد اتلف واتدور
الطير وشهو ؟ لو كسرنا جناحه

منت بمعي يابن الاجاويد مجبور
من راح مني سمح الله مراحه





ناصر بن دهـيـم
عبدالله هادي غير متواجد حالياً   رد مع اقتباس
قديم 02-02-2014, 12:42 AM   #123
عبدالله هادي
أبو بنان
 
تاريخ التسجيل: Jan 2012
المشاركات: 19,209

 
افتراضي

تصبح على خير ياحبري وقرطاسي
وتصبح على خير يا شعري وطاريها
اعياني الليل دخت وضاقت انفاسي
واتلفني التبغ يشعلني وطفيها
اتوسد الغم واتشره على انعاسي
واتلحف الهم وافكاري اخاويها
ذكرى تعن وتلوج وتملك احساسي
تستدرج الدمع من عيني وابكيها
من يوم غابت وانا مليت مجلاسي
في حجرتي ياعسى ربي يسويها
تنزف جروحي واعاني في زمن قاسي
وبعيون الايتام صورتها اراعيها
يا وين ابسلا وانا غرقان ليا راسي
في بركة الضيم والفرحه مخليها
هاذي حياتي وهاذي جملة اتعاسي
دنيا رمتني على سكة بلاويها
اعياني الوقت دخت وضاقت انفاسي
تصبح على خير ياشعري وطاريها




بدر الضمني
عبدالله هادي غير متواجد حالياً   رد مع اقتباس
قديم 03-02-2014, 02:59 AM   #124
عبدالله هادي
أبو بنان
 
تاريخ التسجيل: Jan 2012
المشاركات: 19,209

 
افتراضي

يا عسى جفن ٍ تقزوى لحظة النوم الهنيّه
يلتقي باللّي طيوفه بين خدّه و المخدّه
أمش بالقاع وتثيقل لو على الوضحا منيّه
لا رحم ربي نفوس ٍ ما لها بالطيب شدّه
ولعنبوها من كبود ٍ ما بها مرّ و حميّه
كان ما تاقف بماقف يتعب الملتاع ردّه
يا ربيع القلب هذي دنيتك دنيا دنيّه
وآعذاب اللّي تحدّه للردى و الطيب حدّه
سلوتي هالوقت محدٍ يبتسم من طيب نيّه
كود ما يلقى بآخر ضحكته ضلع ٍ يجدّه
الزمن غدار وأهله يا رفيق الدرب زيّه
دامنا صرنا نميّز طاهر القلب ونعدّه
لو حسبنا للحسايف في دروب المقدريّه
كان ما كانت غميظه طيحت اللّي باح سدّه
ولو عرفنا للدروب المقفيه في غير جيّه
كان ما متنا وباقي في سنين العمر مدّه
ولو بذرنا لليالي في زمان الجاهليّه
كان ما جانا نهار ٍ يستوي مزحه بجدّه
أبتسم للناس أغضي وأكتب الخيره خفيّه
واجمع دموع اليتامى في وسط عين ٍ مصدّه
وأكتم الآهات أخفي في ضلوعي نار حيّه
والظروف أصعب على اللّي طيّب جروحه بندّه
كل هالدنيا خطايا ونبتت إبن آدم خطيّه
وآهني اللّي لقاله بالفرح ثوب ٍ يقدّه
أيه يا نزف المشاعر ما بقى فيني بقيّه
كافي إني صرت ندّ لحاجة ٍ ماني بندّه
جار زيف الوقت وأسرف في ملذاته وغيّه
في وجه رجال ٍ أمسى يحظن دموعه بيدّه
الهقاوي ما تجمّل لو قضبته من يديّه
دام عمر الصبر غلّق قي رجا روحه وردّه
البلا بإني عشقت سلومنا غصب ٍ عليّه
ابدوي .. والنفس تشره لو بدى علم ٍ يضدّه
ماني اللّي يسوق علمه بالحروف الابجديّه
دايم ٍ فعلي وربي يسبق أقوالي مردّه
والعزا بإني كبرت اليوم وشروكي قويّه
ما تغيب وجيه ناس ٍ أشرقت طيب ومودّه




صالح عبدالكريم
عبدالله هادي غير متواجد حالياً   رد مع اقتباس
قديم 05-02-2014, 03:14 AM   #125
عبدالله هادي
أبو بنان
 
تاريخ التسجيل: Jan 2012
المشاركات: 19,209

 
افتراضي

إزاي يعني ..! كيف مش فاهم ازاي
عاوزنـي أئلـك إيـه اسمـع بؤلـك
ماهو ضروري مثلك يقـول بـي راي
لنّـك ولا شكلـت لـي شيـئ كلـك
كلك على بعضك مثل حبـة التـاي
ماشوفك اصلاً كيف اباشوف ظلـك
والله كبيره ..! يحسبونك من اعـداي
أبـك أنـت وش عـنـدك عـشـان أستغـلـك
أنـا عــدوي لازم يـكـون شــرواي
حـتـى عــدوي لا تـظـن يحصـلـك
اسمع ياعين امـك تبـي تلحـق اقصـاي
تبطي عظـم خلـك علـى جنـب خلـك
يامـدور الشهـره علـى أكتـاف معنـاي
اركـد تـرى يابـوك مـحـدٍ فـطـن لـك
عيبٍ علـي يعاتبونـي اخويـاي
والا وربـي لـو بـذلـك....؟ أذلــك
يكفي أثـر كوعـي الياعفـت مركـاي
يـسـواك مابـيـن الرجاجـيـل كـلـك



خلف المشعان
عبدالله هادي غير متواجد حالياً   رد مع اقتباس
قديم 06-02-2014, 03:13 AM   #126
عبدالله هادي
أبو بنان
 
تاريخ التسجيل: Jan 2012
المشاركات: 19,209

 
افتراضي

وين أنا.. ؟ ما كنت أحس بـ وين أنا إلا معاك
وامتليت بـ وين أنا دونك وخلق الله معي
صح ناسي بس فيني كل شي ٍ ما نساك
من شروق أشياك لين حكاك وأجمل لا وعي
كن ما ع المستديره شي ٍأغلى من غلاك
كن حتى الـ كن في صدري تزعزع أضلعي
ياسمو الـ إيش مدري بس متربع هناك
بين قلبي وعقلي وروحي وعيني ومسمعي
كل ما قلت أحرمك حزني وأحسسك بخطاك
منك تظمى كل أجزائي وتشرب مدمعي
وانت مدري تقيس بي حبك أو إحساس ٍٍ خذاك
المهم اني عطيتك عذر وأوقدت أشمعي
قلت باكر لا حضر باكر ولا بين ظماك
والصحاري ترجي غيومي وأنا في موضعي
لاسكبت الما على رمضا ولا نادى ثراك
جفت جذور ويبس غصن وتهاوت أفرعي
وين انا ما عدت أحس بـ وين أنا الله يهداك
حتى من ضيعة احاسيسي معاي ومو معي



فهد سرور
عبدالله هادي غير متواجد حالياً   رد مع اقتباس
قديم 06-02-2014, 07:29 AM   #127
عبدالله هادي
أبو بنان
 
تاريخ التسجيل: Jan 2012
المشاركات: 19,209

 
افتراضي

هــنــا أتــوقـــف ...... فــلـكــل شـــئ نــهــايـــة
عبدالله هادي غير متواجد حالياً   رد مع اقتباس
قديم 30-04-2014, 12:54 AM   #128
sari19
فريق المتابعة اليومية
 
تاريخ التسجيل: Jul 2010
المشاركات: 7,325

 
افتراضي

اقتباس:
المشاركة الأصلية كتبت بواسطة عبدالله هادي مشاهدة المشاركة
هــنــا أتــوقـــف ...... فــلـكــل شـــئ نــهــايـــة
نفائس كلام اوردة من مغنة جميل --- لا توقف دام جزل المعاني دليل
ابو بنان خطت بنانة عذب البيان --- تخير من سمو القول حمكة ثقيل
sari19 غير متواجد حالياً   رد مع اقتباس
إضافة رد

مواقع النشر (المفضلة)

أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 09:32 AM. حسب توقيت مدينه الرياض

Powered by vBulletin® Version 3.8.3
Copyright ©2000 - 2020, Jelsoft Enterprises Ltd.