العقار والقفزات الهائلة

[السوق مولع]

اخواني واخواتي

السلام عليكم ورحمة الله وبركاته

لايخفى على الجميع الارتفاع الحاصل في سوق العقار وانا اتكلم هنا عن مدينة الرياض بالذات .

لو نلاحظ الارتفاعات التي حصلت في الاحياء الجديدة مثل الصحافة والياسمين والقيروان والملقا والخزامى واليرموك والمونسية وظاهرة لبن والمهدية وعرقة ................ الخ

هل يعقل ان الارض قبل عام 150 ريال تجدها في بعض الاحياء وصلت الى 300 ريال وبالنسبة للشمال فحدث ولا حرج من 250 ريال الى 700 و 800 ريال مثل الياسمين والصحافة وحولها ..... شيئ عجيب ؟؟؟ خلال سنة الى ثلاث سنوات قفزات غير طبيعية .

من وجهة نظري البسيطة ان الذي يحصل في سوق العقار مثل سوق الاسهم سابقا".لماذا ؟؟
1- ضربة او خسارة سوق الاسهم كانت قاسية على الجميع بدون استثناء .
2- تواجد احساس لدى الجميع ان العقار هو الملاذ الآمن للمال والسيولة بعد نكسة الاسهم .
3- تحول كثير من المضاربين في سوق الاسهم الى العقار.
4- من أدمن على المضاربه والنسب في سوق الاسهم من المضاربين الهوامير اراد التعويض في مجال آخر الا وهو العقار.
5- بديهيا" وتلقائيا" عندما يرى الناس ان العقار هو الملاذ الآمن فأن الهوامير بالمرصاد ويتتبعون تحركات السيولة.
6- اذا" لابد من حرق الاسعار فوق من قبل هوامير متخصصين ولا يقبلون بالارباح البسيطه وانما النسب التي تعودود عليها في سوق الاسهم وبالتالي لابد من رفع الاسعار وعمل حركة في السوق كما حصل في سوق الاسهم من ارتفاعات غير طبيعية وإلا هل يعقل ان يصل المتر في حي مثل الغدير الى 2000ربال سكن ؟؟؟ ياللهول ( وبكم بيعمر ؟؟

المتر على شارع عبدالعزيز شمال طريق الامير سلمان وصل الى 1500 ريال ؟؟؟ شي غير طبيعي .

لبن وصل قطعة الارض فيها على شارع الستين الى 1.000.000 ريال ولا تحصلها بعد ؟؟

هل هي فقاعة ام الوضع عادي ............... وننجر مع عواطفنا والارباح كما فعنا في سوق الاسهم وقلنا السوق بخير ورايح لل30000 نقطة ؟؟؟؟؟

نرجو المشاركة وابداء الرأي .

[الرضوان]

مساء الخيرات شكرا للموضوع جيد للنقاش فعلاً السعار مرتفعة جداً وليس لها أساس من الصحة ومن المتوقع الأرتفاع القوي جداً بأسعار خيالية من توقعاتي أن خلال أسته لأشهر القادمة سوف يكون أنخفاض في الأسعار .
الأسباب خسارة الأشخاص في الأسهم أدي في توجهم في العقار ورفع الأسعار لتعويض الخسارة وهذا سوف يوأدي بعدها الي أنخفاض هائل في الأسعار والله الموفق للجميع .,

[السوق مولع]

نامل من الجميع المشاركة لما للموضوع من اهمية

[أبوسعود 1]

هلا اخوي

العقار يمرض ولا يموت عكس االاسهم تمام فمن المعلوم ان العقار دائما يكون بدورات وهو غالبا مسيطر عليه بالاخبار البلدية ................................

[سهم هم]

اخوي هذي مضاربات خاصه بين العقاريين رح شف مخططات الشمال الاجيال والقصور ودرة الياسمين مطوره زفلت كهرب مويه تلفون كل الخدمات وقريبه جدا من طريق الامير سلمان اللي يطور الان وعلى 370 وطالع تحصل اراضي مره زينه .
وخل عنك المناطق الثانيه بس لانها مو مضاربات عقاريه صايره عليها صارت رخيصه.
اجل منح غرب المطار وصلت القطع اسعلر يعادل المتر فيها فوق الثلاثمائه، جبال وحصى ولا خدمه فيها والجن بسم الله مايسكنون فيها. ليش لان عليها مضاربات شويري عليك رح اشر بذيك المخططات.
انا لي قطعه هناك بعتها ب 380 بذيك المخططات يالله لقيتها لها زبون واللي ماخطط وبعيد تباع بالشهر ثلاث مرات.
وكل واحد ورزقه.

[أبوسعود 1]

اجل اذا شفت وش صاير بظهرة لبن وش تقول :)

اذكر واحد شراء ارض بـ400000 وكان يقول اذا جابت 450 الف ابيع على طول جاه زبون يقول له 500 الف ورفض يقول ابي 550 الف :) شر البلية مايضحك خلال اقل من ثلاثة اشهر والرازق في السماء والدنيا حظوظ وبس