للتسجيل اضغط هـنـا
أنظمة الموقع تداول في الإعلام للإعلان لديـنا راسلنا التسجيل طلب كود تنشيط العضوية   تنشيط العضوية استعادة كلمة المرور
تداول مواقع الشركات مركز البرامج
مؤشرات السوق اسعار النفط مؤشرات العالم اعلانات الشركات الاكثر نشاط تحميل
 



العودة   منتديات تداول > تداول الآداب والشعر > تداول الشعر الشعبي



إضافة رد
 
أدوات الموضوع
قديم 06-06-2013, 04:55 AM   #51
عبدالله هادي
أبو بنان
 
تاريخ التسجيل: Jan 2012
المشاركات: 19,209

 
افتراضي

عاجبتني الصوره

عبدالله هادي غير متواجد حالياً   رد مع اقتباس
قديم 13-06-2013, 12:44 PM   #52
عبدالله هادي
أبو بنان
 
تاريخ التسجيل: Jan 2012
المشاركات: 19,209

 
افتراضي

البارحـه فـي يـوم عشـره ينـايـر
ثارت على الـراس المحـنـك ثوايـر
حاولـت اغيّـر فالزمـان المغـايـر
ولا حصل لي شي غيـر الـذي صـار
الله يـعـزك ياقضـيـة فلسـطـيـن
من اربعينـك اليـن سبعـه وستيـن
ومـن اولـك واليـن بكـره وبعديـن
لولاك كان تضيـع نشـرات الاخبـار
حنا عـرب نعـم عـرب يـا أوربـا
ماعنـدنـا الا جـبـن والا مـربّـى
الشخـص منـنـا لاتبـيـن تغـبّـا
وهذي سياسـه للهُدوْ قبـل الاعصـار
سيوفنـا وقـت المـلاقـا شطـيـره
يعنـي علـى ماقيـل مثـل الشطيـره
وهذا دليـل(ن) مـع نقـاء السريـره
والله يجيب الخيـر ويطيـح الامطـار
سـلام يابـوش الابــن يالمـبّـدى
ياللـي علـى كـل المبـادي تـعـدّا
طيـب .. لـو نعـم ربعـي تــردّى
وقدامـنـا جـلـه وقدامـنـا نــار
ياكندليزه رايس اهـلا(ن) وسهلينـي
ام الجمـال اللـي يهـز السلاطـيـن
غنجك ذبح له فـوق خمسـة ملاييـن
هذي ضحايـا والضحايـا بـك كثـار
فخامـت الرئيـس حسنـي مـبـارك
يحفظ جـزء عمـى وينسـى تبـارك
وأكبـر دليـل انـه يقـود المعـارك
مـو اقفـه لاجـات حـزات الاخطـار
القاهـرة بلـد حـظـاري وبـطـران
فيها البنات انـواع واشكـال والـوان
مـن هارديـز اليـن ميـدان لبنـان
وأحسن بنات اللي يجن طرق وصغـار
ورموشهن شبرين وعيونهـن سـود
وأنعم من الديباج وأرهف مـن العـود
لباس مـن حلـوى وحجّـان وخـدود
كسلات في الممشى وفي الغنج شطـار
أنا هنـا يمكـن قبـل أربـع اعـوام
رحت اتمشى عنـد هامـات الاهـرام
وركبـت مـع تكسـي وقـدام قــدام
حـتـى تعـديـنـا بـقـالـه ودوار
وجينا وأثر فيها خيـول(ن) عريبـات
أجدادها قـد شاركـت فـي الغـزوات
اجارهـا يمكـن بـاربـع جنيـهـات
وزَوّد صفـر ولاتـدقـق بالاسـعـار
أخذت لي خيـل(ن) وكربـاج وأقفيـت
يعني علـى قولـت عنيـت وتمشيـت
وياليتنـي مـع المقـاديـر ماجـيـت
ولا رأيـت اللـي يهستـر بالانظـار
فيهـا البنـات يسابقـن الرياجـيـل
اللـي عليهـم ضيّـقـات البناطـيـل
فـوق الخيـول يجاذبـن المـواويـل
مهـار لكـن فـوق قبّـات الامـهـار
غازلـت لـي وحــده ولاعبرتـنـي
حلوه وفيهـا مـن ملامـح (برتنـي )
وأقفيت اشيل الهم مـن فـوق متنـي
عقب ماقالـت لـي حيـوان وحمـار
وأنا مانيـب انسـان واطـي وسافـل
أنـا مـن اللـي يحكمـون القـوافـل
أحيـان مكفـول(ن) وأحيـان كـافـل
واكره ماشوف الظلم .. والذل .. والعار
أبترك الموضـوع وأدخـل بموضـوع
دام ان صوتي عند ( الاجواد ) مسموع
نبينـا (محمـد) ولاهـوب (يـاسـوع
)المصطفى الهادي شفيع(ن) للابـرار
لو انتحـر صـدام مـن قبـل ينهـان
وخلاّ المشاكـل كلهـا فـوق بـرزان
مكان مصخر بـه قـدم كـل الاعيـان
عزيـز قـوم(ن) ذل بيديـن الاقـدار
(سبيس تون) ان كان في الناس حيره
أفضـل بواجـد مـن قنـاة الجزيـره
تضحّـك الورعـان وقـت الظهيـره
وهـذي تبكينـا اليـا جـات الاخبـار
ختامهـا مـدري وش اقـول لـكـن
ماحب انا أسمـع اغنيـة (الاماكـن )
من ثقل همن بيـن الاضـلاع ساكـن
الله يحرول ساق رجلـي عـن البـار

* ياسر التويجري
عبدالله هادي غير متواجد حالياً   رد مع اقتباس
قديم 13-06-2013, 01:06 PM   #53
عبدالله هادي
أبو بنان
 
تاريخ التسجيل: Jan 2012
المشاركات: 19,209

 
افتراضي

صـارت مجـرد تجربـه ذيــك الاحــلام === اللي خذت سبعـه وعشريـن طوبـه

مـرت علـيّ سنيـن وشـهـور وايــام === لـكـنـهـا مــــرت عــلــيّ بـصـعـوبــه

علـى دروب الزيـف سرّيـت الاقـدام === سرّيـتـهـا تـقــدر تــقــول مـغـصـوبـه

مـا فالبشـر غيـر التخبـط والاوهــام === ومـا فالوجيـه إلا الوجيـه الشحوبـه

يا صاحبـي والدمـع هـذا مـن العـام === نفـس التبـجـح والطـعـم والرطـوبـه

انـا رقـم يفـرق علـى كــل الارقــام === إذا ضـربـتـه فــيــه تـطـلــع عـيـوبــه

تعبـت اجامـل خاطـري قـبـل لانــام === واقـول: أنـا .. وانــا حقيـقـه كـذوبـه

ما جيت ابشكي جرح واقول منظام === تايـب قبـل هالحيـن والحـيـن تـوبـه



ياسرالتويجري
عبدالله هادي غير متواجد حالياً   رد مع اقتباس
قديم 16-06-2013, 10:42 AM   #54
عبدالله هادي
أبو بنان
 
تاريخ التسجيل: Jan 2012
المشاركات: 19,209

 
افتراضي

ياطير ياللـي مخاليبـك تعـوق الحريـب
قطع سبوقك وذب الريـح وارق السحـاب
سلم على الوكر والجرح القديـم العطيـب
وسلم على البرقع المظلـم وظلـم العـذاب
لومانت حـرٍ وفيـك ضنوننـا ماتخيـب
مالفنا الضيق مـن ضيقتـك يابوقطـاب
ملكت من كوكب الارض الفضاء الرحيب
وحنا ملكنا من الكوكب وسيـع الهضـاب
قبـل يحيـن النـدم وإلا يحيـن المغيـب
اذهب مع الريح لاهبـت يامـال الذهـاب
يادبي لومانتـي بـدار الرسـول الحبيـب
ولافيك كعبه ولاعنـدك مقـام ورحـاب
العذر فـي جيتـي يمـك يكـاد المريـب
ياهل الركايب خذوني والزهـاب الزهـاب
وانا دعيت بشـرف حمـدان والمستجيـب
يقلط على الفطحـه وملـذ منهـا وطـاب
زمالتي معـه فالشعـر القـوي العريـب
اللي بيوتـه مصاقيلـن تقـص الرقـاب
وانا ابشكـي عليـه الحـال وهـو لبيـب
يفهم إشاراتـي الحمـراء ذهـاب وإيـاب
غير القلم والورق وشهو طمـوح الأديـب
وغير الرفوف النظيفه وش طموح الكتاب
ولـدت متغـرب ويمكـن اودع غريـب
وعلى كثر ماعرفت احس مالـي صحـاب
ولوالقدر ينصف الأجواد حـظ ونصيـب
مامات ابوي وحي الفنـان عمـرو ديـاب
مـدرقٍ فـي دهاليـز الزمـان العجيـب
ومتذرٍ في هل العوجـاء كمـال النصـاب
شيتور يالقائـد الفـذ الشجـاع الرهيـب
ياللي صنعة البناء من معطيـات الخـراب
يااحمد نجادي لوإنك من انت حذق ونجيب
يكفيك خفاقـك اللـي لاحتمـت مايهـاب
تشيعك شي لايعنـي مـن الامـر عيـب
هذا اعتقادك وبطن النـار يبغـى كبـاب
العيب والله ليا خان الصحيـب الصحيـب
وتورعن القائـد المفعـم بـروح الشبـاب
اشـوف هيكـل يـودي فالقنـاة ويجيـب
يطرد وراى حلمه الضايع بوسط السـراب
الناصرييـن يشكـون الهـرم والمشيـب
ولاعاد ينفع مع الماضـي بكـاء وعتـاب
--------------------------------------
-------------------------------------
يالله ياللي تحـل الامـر لوهـو صعيـب
ياغافر الذنـب واحيانـاً شديـد العقـاب
تعبت مني ومن وضـع الزمـان الرتيـب
وتعبت من قلـة الحيلـه ونبـح الكـلاب
وانا لواني مـن الدنيـا حزيـن وكئيـب
يحرم على البكـاء والحـزن والإكتئـاب
الله خلقنـي مظفـر قـوم مانـي تلـيـب
لاروحت مع عجاج السيح عوص الركـاب
ياسابق الروم يامعطي الذهـب ياصهيـب
ياليتني معك في يـوم الحشـر والحسـاب
مااشد من ظلم اخو الدنيـا وإبـن القريـب
إلاتستـر مرازيـم الغـتـر والثـيـاب
علـى رخـومٍ خلقـه الله بطينـة شعيـب
إن سيلة طينةٍ وحله وإن اصحـت تـراب
بعد الغياب ان حضرت وماحضرت بغريب
ترا حضورك شكل بس الأسـاس الغيـاب
من دولة النار ماستنتجـت غيـر اللهيـب
الثائر اللـي عجـز لايحـدث الإنقـلاب
واللي تصون الشرف قبل تصون الصليب
اشرف من اللي تبيع العرض قبل الحجـاب
لوهبة الريح في وجه الخفـوق الصويـب
اقلع عن الهـم واتعلـى ركـام الضبـاب
------------------------------------
------------------------------------
------------------------------------
------------------------------------
------------------------------------
------------------------------------
------------------------------------
يالذيب ياصاحب الوجه الحبيـب المهيـب
ياكافـرٍ بالفشـل اكفـر ولـن تستتـاب
لاتعتبرني بشر يخطي ويرجـع يصيـب
انا ماعرف الخطى ولا اعرف الصـواب
ماغير عندي مؤشر حـس مثـل البليـب
لادق لإنسـان يعطـي امـر بالاقتـراب
حتى ولو قلبـي مسـود وجهـي شحيـب
ونذالتـي شـي لايقبـل ولا يستـطـاب
ادين للي عطانـي مـن خفوقـه نصيـب
عبدالعزيز الأبي الدمـث سمـح الجنـاب
ماادري خذا من فهد وإلا خذا مـن كليـب
وإلاخذا من عمروإلا خـذا مـن عـراب
يبطش بشلفا ذيـاب ويبتـع بقلـب ذيـب
يعني خذا قلب ابن شالـح وشلفـا ذيـاب


ياسرالتويجري
عبدالله هادي غير متواجد حالياً   رد مع اقتباس
قديم 17-06-2013, 04:31 PM   #55
عبدالله هادي
أبو بنان
 
تاريخ التسجيل: Jan 2012
المشاركات: 19,209

 
افتراضي

أكبر من التفكير وأدهى من الغم .----- لا صارت فعولك هباب و ثلايم
و من عمنا خيره نعده لنا عم .-----. و اليا صفا وقتك فـ لاهوب دايم
وليا ضميت أورد ع صافي الجم .------ ادحم ب جنبك .. ي اقوي العزايم
و عن دلة الارفل تنز وقل اكرم .-------. لا بارك الله .. في دلال الجلايم
و الشور صيده و الرجاجيل مغنم ...... ان كان لك حظوه ..ولك حظ قايم
و لا تجي في محفلٍ قبل تعزم ...... ومن جاء بلا داعي يشوف النقايم
وإن شفت مايجرحك في مجلس قم ...... مرواحك أجمل من مجالس هلايم
يا حبني حبّاه لــ منـثــّر الدم ...... و إكرام من يستاهلون الكرايم
تغابنو العربان في الحال . والضم ...... وفي البندق الزينه .. وفأم الزمايم
و أحذر ليا سليت سيفك تندم ...... مايقصر الاشبار .. غير الندايم
و اجعل مراتب خطوتك طلع سلم ..... ي نازل السلم .. فلا لك سلايم
و اليا دعاك اللي تحبه فقل تم ....... مزاور الغاليين .. هبة نسايم
و جنب عن الغيبات و الذم والنم .------. أخس ناس , منقلين النمايم
وإن شفت فنفسك شفاحة هوى صم ..... النفس ماتشفحك لا صرت صايم
ومن يتبع الحرمات لابد يحرم ------ تر ماورى الحرمات غير الحرايم
ويامطاوع الخفرات تؤكل وتهضم ----- و تغدي فريسه للجزوع المهايم
واليا بغيت البنت فانشد عن الأم .----- والخال خالي .. والعمام العمايم
وترى النسب ريحانة ن قدرها الشم ---- ومايأكل الريحان غير البهايم
وعن ماجهلته قولك الله واعلم -----. أفضل و لا مبنى يجيله هدايم
ورفيقك إليا شفت منه أذى شُم .------. جـنــّـبه حتى أنها تزين العلايم
أفطن من أللي كنهم شوك معــّـقم .-----. صرايمٍ عكس السيوف الصرايم
وما تأخذ الشرما سوى الرجل الاشرم .--. وأحذر وساويس المرض والوهايم
و إليا بليت تحمــد الله و تنعم .------. الحامدين أولي النعم و النعايم
وإنكان ماقسـّمك من الشاة مقدم .-----. جوعك شبع ولا صغار القسايم
و الشحم لا فاتك فحذرا تودّم .------. و شلون ويمينك تحب الدسايم
ومن كثر الصدقان لابد يغــّـرم .-----. ترا كثرة الصدقان ساس الوزايم
صدقان للضحكه.. وصدقان للهم .---. وصدقان لاجاب الزمان الطمايم
فإذا عرفت الراس والعين والفم .------. فمالك ومال جنوبها والقوايم
و أوزن كلامك قبل يظهر وتبلم .-----. هرّجك يورّدك الضرم والضرايم
كم واحد من منطقه يشرب السم .------. مصطح وهروجه هروج السقايم
ولاتـشكـّـا للعرب وأنت تعـلـم .-----. إن التشكــّي هزّمةً من هزايـم
وكثر التشكي يجعلك من بني خم ----- مايشتكي للناس غير الخمايم
مايرخص الرجال غير التهمهم .----- وإضرب مثل مايشتكون الصتايم
ومن عوّد الحـُرّمه على حاضر وسم ----- بكره تبيعه بيع لا سام سايم
إن نوّمتك فقـــوم , وإن نامت فنم ------ و قارن جداد امورها بــ القدايم


علي بن حمري
عبدالله هادي غير متواجد حالياً   رد مع اقتباس
قديم 27-06-2013, 05:09 AM   #56
عبدالله هادي
أبو بنان
 
تاريخ التسجيل: Jan 2012
المشاركات: 19,209

 
افتراضي

الله يخرب بيت ابو بعض الاحيـان
----- لا جابت الطاري على غير طاريـه
غصت بي انفاسي على سيرة انسان
----- ولي معي قلب على لسـان راعيـه
كنت احسب الواحد مـ1ـع أثنـان
-----حتى كفرت بمنطقـي بيـن اياديـه
عبدالله هادي غير متواجد حالياً   رد مع اقتباس
قديم 29-06-2013, 02:12 PM   #57
عبدالله هادي
أبو بنان
 
تاريخ التسجيل: Jan 2012
المشاركات: 19,209

 
افتراضي

يعني ماغير الجندي اللي هزه الشوق ورمى ==== غنا على نغمات ياعصفور وينك مختبي
قناص ابن قناص..قتل النفس عنده شرب ماء ==== مادم قنص الصادمين الذ من قنص الظبي
يعني ماغير الطفل ذاك اللي ورا ابوه احتمى ==== كم نعش ملفوف بالبيرق وباطراف العبي
ما احنا لنا خمسين عام نفكر نصون الحمى ==== كن العروبه في دم المستعربين أي اجنبي
حنا ولفنا هالرصاص اللي بالاحضان ارتمى==== عقب الحمام اللي ولفنا في سما مسرى النبي
حنا على بير السلام اللي ذبحنا بالظما ==== كل اغبيانا يحلفون ان الزمن هذا غبي
داوود هذي نجمته تخطب عشاشيق خصما==== لو كان يحرقها مية مليون مخلص يعربي
كم غير الشاشة بعد ما مل من شوف الدماء ==== متبلد..قال ايش..قال اهتز من موتة صبي
عقول يا مال الغبا..وعيون يا مال العمى==== وازوال يا مال المرض..واموال يا مال السبي
الله يا حلم نلوكه كثر ما العايل زما==== ماقوم الدوله وخلا الحلم يولد ويحبي
الا دلال المغربي يوم ارخصت غصن نمى==== يا هل العزاوي مادريتوا من دلال المغربي
هذي شجرة ثابته وفروعها وسط السما ==== قالت قبل توديعنا:يا ارضي من الروح اشربي
يالله ما دام أمال اهلنا فوق طاولة زعماء ==== نك تقدينا الصراط المستقيم اللي نبي
وان كان طالت والعصافير اسرف بها اللي رمى ==== يالله بجيل كله يشابه دلال المغربي


ناصر القحطاني
عبدالله هادي غير متواجد حالياً   رد مع اقتباس
قديم 15-07-2013, 06:41 AM   #58
عبدالله هادي
أبو بنان
 
تاريخ التسجيل: Jan 2012
المشاركات: 19,209

 
افتراضي

يا طير عقب البطاء هاك اللحن غنّه
-------- ضاعت عليك اللحون اللي تغنيّها
غرّد بصوتك على اللي ما ضحك سنّه
-------- كوسر لحونك وعينه لا تبكيّها
لوّ أنّ شعر النبط ما يدخل الجنّه
-------- الكلمه الطيّبه طابت معانيها
المنطقه والعه والناس منجنّه
------- والارض بأحداثها فيها وما فيها
من ظنّ فينا المصايب ما كذب ظنّه
------- كثرت علينا الطوايف كيف نحصيها
الفرس قامت تحدّ السيف وتسنّه
------- فزت عيال الخميني من مفاليها
قوم العمايم علينا جات مستنّه
------- تومي على ملّة محمد بأذانيها
بسم العراق الموّحد تقرع الشنّه
------- والغرب يرقص وحاميها حراميها
لو مقتدى الصّدر صدره دقّه ودنّه
------- الملّه الخايبه من حظ راعيها
والرافضي لحيته من هيله وبنّه
------- يكدّها ابليس وامريكا تحنيّها
طهران تدعو لخوض الحرب وتشنّه
------- خلف الكواليس مكشوفه مراميها
والمالكي لا تردّون الخبر عنّه
------- عميل له وقفة ٍ بانت مواريها
قام يتفنن وبان الشرّ من فنّه
------- حاكم وكل الحكومه تبّت يديها
الدار منهوب والمنصوب يعنّنه
------- منحاز والعنصريّه ما يدانيها
وأزرت تشيل الجنايز حملة الدنّه
------- فاضت من أخواننا السنّه عراويها
عسى سهوم المنايا ما يخلنّه
-------- تصيبه وجنة الفردوس يخطيها
تكفون لا ننثني والخيل منعنّه
------- الوقفه الصامله هاذي حراويها
الله يعزّ الصفوف وينصر السنّه
-------- ويدمّر الرافضه عن بكرة أبيها


ياسر العتيبي (سداح)
عبدالله هادي غير متواجد حالياً   رد مع اقتباس
قديم 15-09-2013, 03:11 PM   #59
عبدالله هادي
أبو بنان
 
تاريخ التسجيل: Jan 2012
المشاركات: 19,209

 
افتراضي

اجتمع فارس بني خيبان بمجدور سلطنة عمان

وبركات تخرج من فوهة بركان

والعاهرة الغراء ذات الرمح والصلبان

كشفناها فما هي الا كابنة المغنية عائشة في قصر الخليفة عبد الملك بن مروان

تؤتى من شمائلها والأيمان فستموت وهي عشيقة وعبدة

رقيقة تحت قدمي جنكيز خان والمضرم بالنيران

والضارب بالسندان.والموسر بالأوثان..والكافر بالديان .والصابىء للأزمان ..

والخاتن للأوتان..عند المدهامّتان.....

.نهشوا لحمي وأنا من علقّ من كل سبعٍ وسبعٍ شمعدانْ

كيف لا وأنا القائل

ولدتُ في مكانٍ غير المكان

وفي زمانٍ غير الزمان

فقرعت الصولجان

ولبست الطيلسان

وأخمدت نار الموبذان

وأذّن في أذني سبعة من ملوك الجانّ

ولكن للأمر من كل ذي جنانٍ محض بيان

فأزمعوا إذا ركبت الهيدبان

بسيف القيروان

وأتيتكم بصبيان صبيان

سرد شرد وبيضٍ مرد وسودٍ جرد ..

وشيب حمر ونضا سمر

لا يطعمون الموت الا كمن يقرع للعود الخمر

اقداح جمّ , بل أشباه دم

عليهم اللعنة حين الطم والرم

يال بيتٍ يزعم أهله انهم منا ويقودون على ذات

الخضاب والحنّا فما المشكلة يا...... يا عبد القطن والكتّان

لي ابن عم في الحرة ...عاشر ألف حرة ..في أكمة

فلم يترك جرّة ولم يكسر جرّه

فقلت له جرّ الحبل جرّه

فقال :انا من أسرى بالجن إلى أمم الطن والحن ..فرفع عقيرته

متسائلاً وعلى لسان أبن أبي حربان قائلا

انا ابن اليتيم مسرّي الجنّ يا ساري

معاشر بنات الجنّ وملوكها السبعة

أفرّع مع الصفرة واجيكم على الطاري

تناوشت سمك العرش ما طارت القبعة

فقلت له تمهل ..وعن صعبٍ تسهّل .وعن سوءٍ تشهّل

وإلى ربٍّ تبهّل ::فقال ووجهه يتبهلل وفي شبمٍ يتشهلل

على لسان أبي العبّاس مصهلل

تاللهِ لقد سمعتُ بالأسحارِ

عن جاريةٍ تدقّ بالأوتارِ

تالله لقد سمعتُ من منطقها

ما أورد عاشقاً جحيم بالنارِ

فقلت أوجز , وللأمر أنجز

قال:ما فارس الناقوس والسلطان قابوس ألا باشقٌ وطاووس

ماتا فاجتمع حولهما برغوث وناموس

وما ذلك البركة الغارق في شركه والميتة الحركة .

إلا عاهراً هو عاهرة ملكت ترِكة

والمقود والكحل والمرود والشاهد والمشهد والترس

والمجند ورب الملا الأوحد

ما هم الا لصوص افكار ,عبّاد دينار, فهم في بيت شاه بندر التجار

حميرٌ تحمل اسفار..وعبيد تزعم أنها احرار

فقلت صدقت والحق نطقت

قال الراوي

وهنا انتهت رواية اليعربان

يامن تعلمون أنني أعنيكم

إن كنتم كما تزعمون

فأخبروني كيف تزوّج الملك ماردٌ أخته ؟

ولقد علِمتُ أمرَهما

وشرِبتُ خمرهما في قولي




مونس الفرقا غنا الورقا على المرقا يفوعه

صاد خمس وخمس من صيد امس باعه ثم باعه

في عَشِر حشْر ونَشِر ما هن بِشَرْ شوعه يشوعه

في صُفر سودٍ عُفر دق وحفَر واودع وداعه

راهبٍ مبدى سجوده سابقٍ مبدى ركوعه

ماخذٍ من مبتدى ممشى بني عمشا لكاعه

في فجر سبته سرق سبتة ثلوثه في ربوعه

حرّةٍ رزّوا علمها في تميم وفي خزاعة

حربةٍ زرجا وضبعة واديٍ عرجا قطوعه

بُنصره في خُنصره ما ينصره مِدّه وصاعه

من تِسِع فيهن وِسِع شفنا نزوله في طلوعه

في رُبِع سابع سبِع ما تاكل سباعه ضباعه

يا ملوك الجان حنّوا راحته ساعة خضوعه

ما خبرنا واحدٍ تزوّج اخته في الرضاعة

الف صبحا من بنات الفرس ساقوا في رجوعه

والف شقحا من بنات الروم ساقوا في وداعه

جاك من لا جاك ريح العبد الادريسي يضوعه

في تهامة حنّكوه اربع ملوكٍ من قضاعة

صارع الدنيا وهي دنيا وصارت تحت كوعه

والقطا عجل الخطا فوق الوطا ساعه وساعه

وش نبدّل وش نعدّل في قِهَوته في قدوعه

لو نسوّي ما نسوّي وش نسوّي يا جماعة

يا معلّم في المبلّم صار طبعك من طبوعه

لا تسلّم لا تكلّم وانت طبعك من طباعه

كلّ شرعٍ له شريعة كلّ اصلٍ له فروعه

والاصول الشركسيّة ما تبوضع لك بضاعة

ما يرد من القدر كثر الحذر ساعة وقوعه

بالقنا طقّ القنا لين الثنا يحلى سماعه

ما ينوز من العجوز الا ولد عنزٍ دنوعه

والهنادي للأعادي ما نقلناهن شفاعه

من تزنّد للمهنّد كلّ بن كلب يصوعه

لألف جربا وألف حربا حامي البارود صاعه

ذا ودم واسلم وأَسلِم وآخر الفسقان طوعه

من تبرجم ما تدرجم يا مترجم فالإذاعة



ناصر الفراعنة
عبدالله هادي غير متواجد حالياً   رد مع اقتباس
قديم 16-09-2013, 04:11 AM   #60
عبدالله هادي
أبو بنان
 
تاريخ التسجيل: Jan 2012
المشاركات: 19,209

 
افتراضي

لي صاحب منه تبي تطلع الروح

خبل ومن هي مولعه فيه خبلـه

عامين المح له مع الجد بمزوح

وأقول ياعنتر تناديك عبلـه

طال المدى ثم قلت أنا أغليك يالوح

مجروحةٍ جرح مخاطره عجله

دنق وقال أنا من العام مجروح

وأشر لجرح مبطي وسط رجله



عابرة سبيل
عبدالله هادي غير متواجد حالياً   رد مع اقتباس
إضافة رد

مواقع النشر (المفضلة)

أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 10:02 PM. حسب توقيت مدينه الرياض

Powered by vBulletin® Version 3.8.3
Copyright ©2000 - 2020, Jelsoft Enterprises Ltd.