يستاهل اتـخلى عن الروح

[أشوفه]

[أشوفه]

[أشوفه]

[أشوفه]

نويت مرباع الغضي سيد الاحباب قصدي يزول الجرح زاد التهابه

نويت مرباع الغضي سيد الاحباب=قصدي يزول الجرح زاد التهابه

جيت وبقايا نارهم حول الاطناب=بيت الشعر مطوي وباقي زهابه

اقفت ركايبهم ومني الهدب ذاب=من دمع يسأل وانذهل بالاجابة

على غزير الدمع ضميت الاهداب=صديت لين الدمع يقفي سحابه

بعض الوجع يمكن تداويه الاعشاب=وبعض الوجع يا ويل منهو سطابه

عشق بدوي لا حب ما هوب كذاب=يوفي لو هو تجدد صوابه

واليوم وصلت بيننا مثل الاجناب=ذاك الغلا يا ضيعته يا سفابه

باكر الا جينا لهم مثل الاغراب=من عقب ما كنا الاهل والقرابه

الامر لله كل شي له اسباب=والا الهوى وش لي على هج بابه

وشلون قلبي ما يجي اليوم منصاب=على الرجن منقوش بعض الكتابه

حتى اثر مشيه مع سهول وهضاب=مرٍٍِِ يبين ومر ما يندرى به

قلبي من الفرقا صويب ومرتاب=كنه غدا نصفين من هول ما به

حزني عليه انه تسبب ولا طاب=نظرة طبيبه عجلت في ذهابه

ريح الخزامى والنفل زين الاطياب=يشدني ريح السمر في ثيابه

لا اقبل نسيم الليل له خيل وركاب=وله في طلوع الشمس عز ومهابه

[أشوفه]

نسيت شخصٍ اشغل اليوم ماضيك=نسيت شخصٍ مايخلّي خويّه
اناعلى الماضي امشي بطاريك=مستقبلي من غير ذكرك قضيّه
احكم على نفسي واقول لبيك=لوكنت في حكمي ظالم شويّه
ياخلّي الغالي وش فيك وش فيك=عزومي تراها بالمفارق رديّه
ذكرّتني بيتٍ قديمٍ يسلّيك=بيتٍ ذكرته حافظينه سويّه
لاصرت بالصمان والقيض حاديك=ايّت سخيف الروح والا المطيّه
اقول والله ماابي غير ايديك=اضمّها بالحيل داخل يديّه
انت المطيّه لاخر الارض اتليك=مطيةٍ قدره تعلّى البريّه
يبي يسن لعالم الحب مغليك= سنه جديده ابتدعها كذيّه
تزعل بلاسبّه اجيك وارضيك=واجب اقدّم للملاك الهديّه
ماهو كرم منّي لاشك شاريك= روحي تراها تستحق الاذيّه
اكيد اني مقصّرٍ في معاليك= ابي السموحه في دروب الخطيّه
اسمي وجسمي والمشاعر تناديك=ارجوك عطني من كيانك هويّه

[أشوفه]

فكي اللثام وبينـي عاكـس النـور

خلي العيون تشوف روعة جمالـك

ودي اشوف السحر بعيونك الحـور

سود النواعس ذابحه مـن عنالـك

باملا النظر دام النظرفيـك مبهـور

باروي عيونٍ ميتـه فـي وصالـك

فيك الحسن مشهور مشهور مشهور

خلقـك ربـي سـكـةٍ للمهـالـك

جيتك وانا كلي ولـه كنـه بحـور

لك مرخصً عمري .. وكله فدالـك

الشوق في قلبي له ايـام وشهـور

له داخل الخفـاق . درب ومسالـك

والدمع من عيني على الخد منثـور

مشتاق لك بالحيل ... عاشق وهالك

ياللي دروبك كلهـا حـب وزهـور

لك في حياتـي كلمـةٍ قلتهـا لـك

لك داخل الخفاق مبني لك قصـور

قصـور حـبٍ شيـدت كلهـا لـك

والحين غطي وجهك اللي من النور

ما اريد غيري يشوف روعة جمالك

[أشوفه]

[أشوفه]

[أشوفه]

شفت أنا بالعين رعبـوب بنظراتـه رمانـي

آه يامابي علـى جيـه ولا لـي فيـه حيلـه

نابي الردفين ملهوف الحشى حلـو اللسانـي

ضامر السرجوف غض العود والقامه طويله

كاشف ما يلبس البرقع ومن عقلـي سبانـي

عود غـي غـاوي بالفـن وأجناسـه قليلـه

حين لاقاني وغض الطرف مجلـي الثمانـي

صابني سهم الخطر من طرف منسوع الجديلة

قلت ياسيد العذارى ليت حنـا لـك عوانـي

ليتني وياك يازيـن الوصايـف مـن قبيلـه

صد عني مستحي ياناس لكـن مـا جفانـي

والتفت لـي بإبتسـام وزود الحمـى مليلـه

[أشوفه]