العروض أصبحت بالهبل للوحدات السكنية و فلل الدوبلكس .. والتعليق لكم

[سهم هم]

كثرة عرض بس وانا اخوك الاسعار تزيد

[عابر الأوطان]

المشاركة الأصلية كتبت بواسطة سهم هم

كثرة عرض بس وانا اخوك الاسعار تزيد

المنطق يقول ماتجتمع زيادة عرض وزيادة اسعار .

[سهم هم]

المشاركة الأصلية كتبت بواسطة عابر الأوطان

المنطق يقول ماتجتمع زيادة عرض وزيادة اسعار .

والمنطق يقول كم واحد يبي بيت ملك؟؟؟

[adeeb1999]

المشاركة الأصلية كتبت بواسطة سهم هم

والمنطق يقول كم واحد يبي بيت ملك؟؟؟

اسمح لي أقول العرض ليس له علاقة بقضية : كم واحد يبي بيت ملك ؟

بل تقول القاعدة : كم واحد يبي بيت ملك وعنده قيمته أو يستطيع الوفاء بقيمته ، الطلب بدون فلوس لا يعد طلبا أبداً ، ولو كان المعروض 100 ألف وحدة سكنية والذين لا يملكون سكن ولا قيمة السكن مليون ، فلا نقول بأن العرض أقل من الطلب ، بل تخضع المسالة إلى القدرة الشرائية وحينها تكون قاعدة العرض والطلب صحيحة 100% .

[معتدل جداً]

الناس ماهي لاقيه تاكل عشان توفر ملايين لاهل الجشع والطمع
لكن خل وحداتهم بكبودهم
وان غداً لناظره لقريب

[يد النجر]

المشاركة الأصلية كتبت بواسطة سهم هم

والمنطق يقول كم واحد يبي بيت ملك؟؟؟

طيب كم واحد معه قيمة البيت ؟؟؟

تبي تقنعني إن الواحد اللي مامعه الا 300 الف يسوم له فله بمليون ومية وهو ما يملك ربع قيمتها ؟؟

الأسعار عاليه جدا ولا احد يستطيع الشراء الآن ومع ذلك أصحاب الفلل يرفعون السعر وهم يعرفون ان مااحد بيشتري ..

وأصحاب المكاتب يكشون ذبان .. العروض مكدسة عندهم لكن لا احد يشتري ..

[الاسرار العجيبه]

مافيه سيوله فطبيعي تحنط الوحدات السكنيه من شقق ودبلكسات وغيرها

وخاصه العماير السكنيه لان اكثر الناس الحين اذا عمر له بيت يطلع له

فيه شقتين او ثلاث ويسكن عياله اذا تزوجوا

[عابر الأوطان]

المشاركة الأصلية كتبت بواسطة adeeb1999

اسمح لي أقول العرض ليس له علاقة بقضية : كم واحد يبي بيت ملك ؟

بل تقول القاعدة : كم واحد يبي بيت ملك وعنده قيمته أو يستطيع الوفاء بقيمته ، الطلب بدون فلوس لا يعد طلبا أبداً ، ولو كان المعروض 100 ألف وحدة سكنية والذين لا يملكون سكن ولا قيمة السكن مليون ، فلا نقول بأن العرض أقل من الطلب ، بل تخضع المسالة إلى القدرة الشرائية وحينها تكون قاعدة العرض والطلب صحيحة 100% .

هذا هو الكلام العلمي .
بعض الناس ماأدري شلون يفهم..يقولك الطلب أكبرمن العرض..السعوديين أغلبهم شباب..عندنا انفجار سكاني ..قارن الاسعار عندنا بدول الخليج..ولو فتح مخه شوي يلاقي ان كل هالكلام لاأساس له والطلب بدون مقدرة لايعتبر طلب وهذا من مبادئ الاقتصاد ومعروف بديهياً ان الطلب محدد بالمقدرة..طيب أرخص فلة عندنا بالرياض مثلاً ماتقل عن مليون ريال ...طيب كم عدد المواطنين القادرين على دفع المليون ؟ 5% , 10% ؟
لايعتبر طلب..

[sami abdullah]

المشاركة الأصلية كتبت بواسطة عابر الأوطان

هذا هو الكلام العلمي .
بعض الناس ماأدري شلون يفهم..يقولك الطلب أكبرمن العرض..السعوديين أغلبهم شباب..عندنا انفجار سكاني ..قارن الاسعار عندنا بدول الخليج..ولو فتح مخه شوي يلاقي ان كل هالكلام لاأساس له والطلب بدون مقدرة لايعتبر طلب وهذا من مبادئ الاقتصاد ومعروف بديهياً ان الطلب محدد بالمقدرة..طيب أرخص فلة عندنا بالرياض مثلاً ماتقل عن مليون ريال ...طيب كم عدد المواطنين القادرين على دفع المليون ؟ 5% , 10% ؟
لايعتبر طلب..

كم الاسعار في دول الخليج ؟

[عابر الأوطان]

المشاركة الأصلية كتبت بواسطة sami abdullah

كم الاسعار في دول الخليج ؟

مرتفعة ولها مايبرر..ومن يقارن المملكة بدول الخليج إما عقاري مخادع...أو جاهل منخدع ويسمع ويقول ماقالوا..فالمقارنة يجب أن تكون علمية وعلى أساس الكثافة السكانية ومعدل الدخول للأفراد.