شرح طريقة التعديل بالاسهم من اخوكم The dream

[بومتعب 2006]

اخي الكريم حاولت احمل البرنامج فلم استطع ياليت تحمل البرنامج مرة اخرى جزاك الله الف خير

["حروف تداول"]

[grade="32CD32 000000 008000 000000 32CD32"]جزاك الله خير أخي The dream،،
وبالتوفيق إن شاء الله،،
تحياتي،،[/grade]

[سوما]

عز الله اني تقل كنت مغمض وفتحت عيوني الله يجزاك عني الف خير

[merit-55]

الله يجزاك خيراً

[SS50]

المشاركة الأصلية كتبت بواسطة TheDream

بسم الله الرحمن الرحيم

اخواني الاعزاء اليكم طريقة التعديل بالاسهم الخسرانه بشرط ان يكون لديك باقي فلوس بالمحفظه والطريقه سهله بس يبيلها شوي تركيز لاني بنزل معاها برضوه بريمج على الاكسل يرحكم من العمليات الحسابيه وسوف ابدا الان بشرح طريقة استخدام الربنامج :
البرنامج عباره عن ثلاث جداول مرتبطه مع بعض اضافه الى بعض الخانات لاعطائكم النتائج..
اولاَ : القسم الاول من الجداول وهو القسم الذي يوجد به سبع خانات ابتداء بمستطيل سعر الشراء وانتهاء بمستطيل نسبة الخسارة ....
في هذا الجدول تعبئ فقط الخانات التي باللون الابيض اما الخانات الملونه فسيقوم البرنامج بحسابها لك تلقائياَ بناء على معادلات قمت انا بادخالها فيه وسوف تلاحظ ان المستطيل الثالث
تكلفة الشراء اي كم كلفتك الاسهم اللي شريتها وخلونا نحط فرضيات القيم من الان عشان يسهل الشرح سعر الشراء بنحطه مثلا 150 وكمية الاسهم 1000 سهم والخانه الثالثه اللي قلنا بيضاء للتعبه السعر الحالي للسهم وخلنا نقول 142 يعني بتطلع خسارتك تقريبا 8000 ريال ....... هاذي الفرضيات اللي حطيناها .
نرجع للي بعد تكلفة الشراء الربح والخساره طبعا قلنا 8000 خسارتك بعدها مستطيل كمية كل قسم وهاذا بيقسم اسهمك الخسرانه الى اربع اقسام وبيكون كل قسم 250 سهم .. بعدها مستطيل نسبة الخسارة وهاذي نسبة خسارتك بالنسبة للكمية كامله .
ثانياَ : بعدها البرنامج راح يحسبلك الكميه المطلوبه وبتلاقي تحت الجدول الاول خانتين وهي الكميه المطلوبه ...... المبلغ المطلوب وبتلاقيه بناء على القيم الي انت ادخلتها ,,
للتعديل طلب منك عدد اسهم تضيفها وحددلك كم كلفتها عليك ..
ثالثاَ : فيه خانتين الاوله نقطة التصريف بعد الاضافه اي نقطة التصريف بعد اضافة الاسهم اللي طلبها منك بالكمية المطلوبه والثانيه كمية التصريف وهي عدد الاسهم اللي يبيلك تبيعها وهي على المثل اللي عطيناه 1000 سهم من الكميه الاضافيه + 250 سهم من الاسهم الخسرانه = 1250 سهم اللي راح تبيعها عند نقطة التصريف .
رابعاَ : راح تلاقي الجدول اللي تحت وهو مقسم لاربع اقسام وهو سعر السهم بعد التعديل 1-2-3-4 وهذي الخانات راح توضحلي الاتي :
انا بدايه كان عندي 1000 بقيمة 150.000 الف ولما اعطاني نقطة التصريف البرنامج اعطاني اياها عند نقطة 142.000 وكان عدد الاسهم اللي بشتريها اضافيه 1000 سهم وش بيسوي البرنامج بعمل الاتي : سيولتي 150.000 +142.000 هاذي جهه من المعادله والاخرى 1000 + 1000 = 2000 عدد اسهمي باقسم كامل المبلغين على كامل عدد الاسهم اي 2000 ÷292.000 = سعر السهم بعد التعديل الاول 146 العمليه الاولى لبيعك وشراءك حتكون فيها خسران بس لاحظ ان الاسهم تعدلت من كلفتك الاولى 150 ريال للسهم الى 146 للسهم .
بعدها حاكون صرفت من الاسهم الخسرانه 250 سهم وباقي عندي 750 سهم بس الـ 750 سهم اللي باقي عندي صارت كلفتها على 146 ريال مو 150 ريال العمليه الثانيه للجدول حتكون كالاتي :
الـ 750 سهم الباقين حظربها بـ 146 القيمه الجديده لاسهمي وبعدها حارجع وادخل الالف سهم اللي دعمت اسهمي بها اول مره وهي قيمتها ثابته بالـ 142.000 ريال وناتج ضرب 750×146 راح اجمعه مع الالف سهم يعني 142.000 واقسمها على العدد الباقي عندي من الاسهم وراح يكون 1750 بدلا من 2000 سهم لانا صرفنا 250 سهم بالعمليه حقت المضاربه الاولى ..... وراح اشوف انه بالجدول اللي تحت اخر جدول تقريبا العملية 1-2-3-4 بدا يتغير عندي الخساره الى ربح يعني العمليه حقت المضاربه الاولى طلعت على بخساره 2500 ريال وبعدها بعد ما سويت المضاربه الثانيه اعطاني تحت بالعمليه الثانيه اني بديت ادحل بالربح وصار ربحي 357 ريال وبعد ما انفذ العمليه الثالثه للمضاربه راح الاقيه انه صار ربحي 1785 ريال وهكذا بعد ما انتهي من الاربع عمليات اللي انا حددتها لك بالجدول ككل تلاقيني حاط مستطيل برضوه بالجدول الاخير اسمه الناتج النهائي وهاذا رايح يعطيك وشي النتيجه بعد تنفيذك الاربع عمليات اللي حددتها لك سابقا وثبتها كاربع عمليات وهو طبعا على الفرضيات اللي سويتها انا بيصفالك الناتج النهائي 2000 ريال مكسب بعد ما كنت انا خسران باسهمي الفرق بين 150 ريال للسهم و 142 ريال المبلغ اللي نزله السهم وبعدها خانة النسبة المئويه وهذي هي النسبة التي حصلت عليها بالربح بعد قيامك بالاربع عمليات المذكوره واللي فرضيا راح تكون 1.13% ولاحظ انها فوق كانت بالخساره بالماينوس يعني 5.33% ... شف ربك هذا اسميها انا (سوبلكس خلفي حق المصارعه كيف تقلب الشغله من عليك الى لك) .
واللي راح يدخل بياناته وتكون اكثر من هالقيم فلا يقول ليه انا باقي خسران والقيمه النهائيه باقي خسران بقوله لا والف لا حتكون خسران مبلغ وقدره وعدلت الى مبلغ اقل من اللي كنت خسرانه كل اللي عليك كرر العمليات اكثر من اربع مرات وبتلاقي انك طلعت ربحان انشاء الله ...
وباعطيكم الان شرح مبسط للكلام اللي فوق كله لاني احس وانا اكتب هالموضوع اني بديت اتعمق كثير وانا ودي بابسط الطرق واسرعها للفهم .
هذا ملف اكسل يساعد كل شخص متعلق بكمية اسهم ولديه سيوله خارج الاسهم .. انه يخرج من هالشركة باقل خسارة ان لم يربح ......
1- تضع بياناتك في الخانات البيضاء فقط .
2- بعدها الملف راح يحسب لك الكمية المطلوبة والقيمة وسعر سهمك بعد دخول الكمية الاضافية .
3- اسهمك راح تقسمها اربع اقسام وتخرج كل ربع مع الكمية اللي اضفتها اخر مرة .
4- ثم تعيد الدخول بنفس الكمية والخروج بالربع الثاني .. وهكذا حتى خروج الربع الرابع .
5- كل مرة راح تدخل فيها كمية جديدة راح تلاحظ نزول تكلفة السهم عليك .
6- مراحل تغير سعر سهمك راح تطلع لك في خانة سعر السهم بعد التعديل للاربع عمليات .
7- نتائج بيعك وربحك وخسارتك راح تظهر لك من البداية في خانات العمليات 1و2و3و4 ..
8- عندك نقطة تصريف وكمية ارجو التقيد فيها .. وكل ماصدت السهم من تحت كل ماكان تعديلك افضل ...
9- لا تنسى اننا ماحسبنا عمولة البنك ...
10- لو قدرت تضاعف عمليات المضاربة راح تقل خسارتك اكثر كما انك راح تربح اكثر ..
وفي اخر كلامي يا اخوان ارجوا المعذره على الاطاله عليكم ولاكن علم الله انه من حرصي الشديد لنشر المعلومه وعدم خسارت اي اخ مسلم ليه وارجوكم كثير الرجاء يا اخواني لا تنسوني من الدعاء واذا لاحظتم اني غلطت باي مساله او تعقدت عليكم اي مساله فانا ارحب بشده للنقاش بها وقبول النقد البناء للمصلحه العامه للجميع واكرر لا تنسوني من دعائكم والله ولي التوفيق ......

تقبولي تحياتي اخوكم
The dream

يا غااالي مو راضي يتحمل معي

ممكن ترفع على اي مركز تحميل

منتظرك

[asd_net]

الرابط لايعمل.........:cray:

[ابو فيصل الجنوب]

بارك الله فيك

و تسلم على المجهود والرائع

[اين اذهب]

انا من يوم شفت ردود الشباب
ابقول مشكور لو اني الى الحين ماحملته

[زياد المدينة]

الى الاخ العزيز / TheDream


الرابط يعطي صفحة بيضاء او يعطي برنامج الصور ادوبي


ممكن تشيك على الرابط مرة اخرى ربنا يسعدك

[ثاامر العبدلي]

الف شكر على مجهودك ........