السوق مهزلة

[التنهات]

انا اقول هالكلام ماهو عشان الهوامير يلعبون في السوق على كيفهم تخدمهم شبكة من المنتفعين . ولا هو عشان تداول اليوم اللي خسر فيه ناس كثير بالطبع بسبب الاشاعات غير الصحيحة واللي كنت انا اقول عنها ولكن تجاوب السوق اليوم وهق ناس كثير وعلقوهم ونزلوهم وطلعوا هم منها.زي العادة ولا حس ولا ذكر من المؤسسة.
ولكن اللي اقوله هو بالله عليكم تلقى سوق زي سوقنا :
1- الصالات صغيرة والشاشات يالله البركة وان جابولك شاي فهذا زين .الاهم هو الشراء والبيع وطبعاً عمولة منشار والخدمة بطيئة سرا وراء سرا والسوق دقائق وثواني (اليوم ابغى ابيع الكهرب ماقدرت ابيعه بالسعر اللي حطيته والغيت الامر.طبعا خسرت وانا لا شيئ عند الهامور اللي يخدم البنك بحسابات كبيرة (هذي نقطة يبغالها نقاش كيف بنك ويخدم عملاء وفي نفس الوقت يبيع ويشتري لك في الاسهم) المصالح متعارضة هنا الكبير اهم من الصغير؟؟حنا غير؟؟؟؟
2- خدمة الهاتف عن طريق حساب استثماري عيني عينك كل التحويلات ما ترد معقولة يعني خسارة لك يالضعيف.
3- خدمة الانترنت الله اكبر عليها عالمية المستوى والله طل طل الجماعة امس يقفل عليهم الانترنت 40 دقيقة في الثانية الوحدة تتنفذ ملايين الريالات وانت مغيب عن السوق 2400 ثانية.
4- الهواميريلعبون على كيفهم .
5-غياب الدور الرقابي اللي يضع المستثمر في الصورة ويطلعه على ما يحدث ولماذا يحدث.
6-نعم كنت متفائل بوصول الكهرباء الى 200ريال وما زلت عند تفاؤلي. بس من دون ما يحوسون السوق الهوامير ومخربين السوق.
الحل هل هو بالسوق المالية والله كني بديت اشك في انها الحل ما دام اللي صار يمر دون توضيح من المؤسسة ولجنة الاسهم .
ومع الاسف نجد ناس تبرر تصرف ما يسمى بصناع السوق او الهوامير من صحف ومنتديات باستثناء والحق يقال جريدة الرياض وعكاظ .
امل ان يتحسن وضعنا والا بتروح شريحة كبيرة من محركين السوق(صغار المساهمين) خارج السوق .

[التنهات]

ا

[إدارة المنتدي]

اخي العزيز

اتمني عليك عدم رفع الموضوع بهذة الطريقة

[التنهات]

ان شاءالله

[إدارة المنتدي]

جزك الله خير يا اخي العزيز

[المستانس دائما]

>

أخي التنهات معك حق وشكرا لطرحك الجميل

ولي عودة لهذا الموضوع بالذات

تقبل تحياتي

[abo bander]

كل المشاكل الي قلتها اخوي ......... مالها حل :)