للتسجيل اضغط هـنـا
 |
 |
أنظمة الموقع |
|
تداول في الإعلام |
|
للإعلان لديـنا |
|
راسلنا |
|
التسجيل |
|
طلب كود تنشيط العضوية |
|
تنشيط العضوية |
|
استعادة كلمة المرور |
 |
|
|||||||||||||||||||||||||
|
| ||
20-08-2006, 11:48 PM
|
#1 |
|
متداول فعّال
تاريخ التسجيل: Nov 2005
المشاركات: 220
|
قصيدة معبرة عن واقع حياتنا بالاسهم
اعجبتني هذة القصيدة والتي تنطبق على حرفيا فاللة در من قالها
قفل حسـاب المحفظـه بعـد صفيـت ........................ معاد لي فـي سـوق الأسهـم تجـاره ياليتنـي فــي سوقـهـا ماتعنـيـت .........................ماأخذت منهـا إلا الفلـس والخسـاره أمسيت فيهـا مغتنـي ليلـة أمسيـت ........................واصبحت ضيف الفقـر نـازل بـداره وش عـاد ياسـوق الهواميرخلـيـت .............................مـن لـؤلـؤ البـحـار ولا مـحـاره كنـت اتحلـم اغتنـي وابتنـي بيـت ..........................والجيب ياقـف فـي كـراج العمـاره واسلـف المحتـاج حسـب الثوابيـت ........................وافزع لابـن عمـي وضيفـه وجـاره وفجأه على الواقع مـن الحلـم فزيـت ..............................الله ولا حـلـمٍٍ كـوانــي بـنــاره (من كثر مامن بعض الأحـلام عانيـت ........................خط اتصال الهاتـف بـلا حـراره)!! بالله عليكـم ياهـل الجـاه والصيـت ............................أحـدٍ تجـرع مثـل هـذا الـمـراره مرة سنـه مـا فـي الليالـي تهنيـت ..........................مـره يميـن الـدرب ومـره يسـاره في الليـل اسامـر منتديـات وصيـت ......................والسوق من بـدري اتحـرى اخبـاره أقرا البلونجر كل ما اصبحت وأمسيـت ...........................واتبـع الشـارات شــاره بـشـاره مافيه عصر مـع الجماعـه تقهويـت ...........................ولافيـه يـومٍ نمـت بـأول نـهـاره (ولا عـاد عنـدي للمواعيـد توقيـت .........................إلا صـلاة الـفـرض والإستـخـاره) وعلى اجتهادي وكثر ما اقبلت واقفيـت ..........................عيـت تفيـد المعـرفـه والشـطـاره ((واصبحت من كثر الضغوطات كبريت ........................من يـوم تشخطبـه يولـع شـراره)) احيان يضرب هـا المؤشـر دناميـت ........................ويصفـق بالأحمـر ويتبـدل مسـاره ولاعادتسمع غير وش بعـت وابقيـت .........................والنـاس واجـد يقطعـون الإشــاره ياطول ساعـات الحـزن والتناهيـت .......................وياقصـر ساعـات الفـرح والبشـاره رحنا ضحايا الحرب بيـن الطواغيـت ...........................كـلٍ علـى الثانـي يسنـد بـغـاره!! والسوق كله اصبـح بكـف عفريـت ..........................الله يدمـر مـن سعـى فـي دمــاره هذة القصيدة منقولة من احد المواقع ونستأذن منم قائلها |
|
|
|
21-08-2006, 12:00 AM
|
#2 |
|
متداول فعّال
تاريخ التسجيل: Feb 2006
المشاركات: 140
|
والله قصيدة معبرة وكأنها تتكلم عن حالي طبعا ً أكيد حال المستثمرين مثل حالي الله يفرجها علينا ماعاد نبغى
نبني بيوت ولا نبي سيارات جيوب أبرجع على الكرسيدا القرنبع بس رجعوا لي فلوسي وبسامحكم ياللي اخذتوه ولو بجزء منه..... وتوبه توبه إن عاد دخلت أسهم وعلى عهد من الله حتى الاكتتابات إن رجع رأس مالي ماعاد أساهم فيها . |
|
|
|
|
21-08-2006, 12:04 AM
|
#3 |
|
متداول فعّال
تاريخ التسجيل: Nov 2005
المشاركات: 220
|
اما ترجع راس مالك فهذا عشم ابليس بالجنة (امزح) يمكن يضرب معك الحظ وترجع ولو شي بسيط منة تفآآل تفآآآل تراة التفآآل مجاني !!!
|
|
|
|
|
31-08-2006, 01:08 AM
|
#4 |
|
متداول جديد
تاريخ التسجيل: Sep 2005
المشاركات: 38
|
قصيده ممتازة وصح لسانك
بالنسبه لعوده راس المال ترى ماهي صعبه لا تكبرونها فيه ناس كثير رجعو رؤوس اموالهم انا مو منهم يعني لو نفرض انك خسران60 بالميه من راس المال مثلا افرض انك في الباحه او في تهامه او في بيشة او في......... الخ كل الاسهم بتكسر هاياتها باذن الله بس نصيحه محب لا تتنقل بين الاسهم بعشوائيه فهذا هو طريقك للافلاس يعني خلك بسهمك ويجيك الدور اما لو بتلحق السهم الي يطير بينزل اول ما تدخله تحياتي |
|
|
|
|
31-08-2006, 12:24 PM
|
#5 |
|
متداول فعّال
تاريخ التسجيل: Feb 2005
المشاركات: 189
|
ياليتني بالاكتتابات غطيت
مضمون ربحي لو يجي بالقطاره يا ما لحقنا من الاسهم على الصيت والسوق يختلنا بصفعة حماره( اللون الاحم للمؤشر ) |
|
|
|
|
02-09-2006, 01:17 AM
|
#6 |
|
متداول نشيط
تاريخ التسجيل: Apr 2006
المشاركات: 295
|
صح لسانك وبالفعل تصف الحال
|
|
|
|
 |
| مواقع النشر (المفضلة) |
|
|
