أنظمة الموقع | تداول في الإعلام | للإعلان لديـنا | راسلنا | التسجيل | طلب كود تنشيط العضوية | تنشيط العضوية | استعادة كلمة المرور |
|
||||||||||||||||||||||||||
|
08-10-2008, 09:21 PM | #1 |
متداول نشيط
تاريخ التسجيل: Jul 2007
المشاركات: 594
|
أعتقد .. بإذن الرحمن .. ممكن نقول مبروك
بسم الله الرحمن الرحيم
السلام عليكم ورحمة الله وبركاته لو الناس فاكرة كويس .. البترول .. وهو بيطلع .. تقريباً .. أيام ما كان بـ 138 - 140 دولار .. الدنيا كلها .. كانت بتقول خلاص .. إحنا شايفين فيه 200 إلى 250 دولار .. الكلام ده كان صادر عن شركات تقيلة .. على ما أذكر .. كانت جي بي مورجان واحدة منها .. فيه محلل أمريكي ظهر في قناة السي إن بي سي عربية قال الكلام ده برضه .. على ما أذكر كان إسمه ساندي جاديجا .. حصل أيامها .. إن المملكة العربية السعودية .. أعلنت إنها بقالها شهر وهي بتصدر نصف مليون برميل زيادة عما تعلنه .. وبالتالي .. كان واضح إن صعود البترول كان بفعل المضاربات مش بفعل ضغط الطلب .. كويس .. بعد ما المملكة أعلنت .. إيه اللي حصل ؟؟ البترول فِضِل يطلع برضه أربع أيام .. البهوات " اللي كانوا بيصَرَّفوا " أرجعوا الصعود لحرب أمريكا مع إيران .. رغم إن أمريكا عمرها ما ها تحارب إيران .. بس هو كان فيلم هندي .. مين بقى البهوات ؟؟ البهوات هما .. ديك تشيني .. وتابعه .. جورج بوش .. على فكرة .. أنا كاتبها صح .. ديك تشيني .. وتابعه جورج بوش .. ديك تشيني .. هو اللي إمبراطور البترول .. هاليبرتون .. وأدب هاليبرتون .. وبوش جاي معاه .. خدوا البترول من 23 دولار أيام بدء العدوان على العراق .. لحد 147 دولار .. تخيلوا ؟؟ وطبعاً الإمبراطور وتابعه .. ماشيين .. سايبين الليلة وماشيين .. يبقى خلاص .. مش لاعب .. هامشي وآخد كورتي معايا .. هما عملوا كده .. فجأة اتضح إن صور إيران قديمة .. وخلاص الحرب بَح .. ما فيش قام سوق البترول اتطربَق .. وده اللي مخلي والواحد مقتنع إن الأسواق لازم تتعدل .. لأن البترول والنمو الاقتصادي العالمي .. يمشوا عكس بعض .. البترول يغلى .. النمو الاقتصادي يقل .. البترول يرخص .. فرص النمو تزيد .. الشارت ده .. أيام ما كان بـ 133 .. شوفوا النماذج السلبية .. كتير رغم كده السوق اتخطف في يومين لفوق طلعوه فوق الـ 140 .. صرفوا اللي عاوزينه .. وبعدين تعيش إنت يا حاج .. انهار البترول زي ما إنتو شايفينه .. طيب .. أنا بأقول الكلام ده ليه ؟؟ يا ترى تدخل الحكومات بالشكل ده ليييييييييييييييييه ؟؟؟؟؟؟ وليه الملك عبد الله تدخل .. وليه النهاردة تحديداً ؟؟ .. هل صدفة إن تدخل الملك جاي بعد جلسة إسمها المطرقة .. وهي مغيرة للاتجاه بامتياز ؟؟ طبعاً مستشاري الملك هما اللي محددين التوقيت المستوى اللي السوق الأمريكي بيلعب فيه دلوقتي كان أول مرة يوصل له سنة 1999 .. وقعد يحرجم حوالين الرقم 11000 كذا سنة .. وما طلعش بعيد عنها فوق إلا سنة 2007 .. يبقى كان لازم حماية المستوى ده .. بأي شكل .. زي ما البترول قعد 4 أيام بعد الخبر السلبي علشان يغير اتجاهه و ينهار .. ليه الأسواق ما تاخدش كام يوم بعد الخبر الإيجابي (( أو الأخبار الإيجابية )) علشان تغير اتجاهها وتطلع الصناديق السيادية .. مش هاتدخل الأسواق تزَكـِّي عن صحتها وعافيتها .. الصناديق .. صناديق استثمارية .. الهدف منها الربح .. يبقى ليه تدفع أكثر .. لما ممكن تدفع أقل ؟؟ هايلعبوا بالناس اللي هي مستوية أصلاً من البهدلة اللي شايفاها .. ويشتروا منهم بأرخص الأسعار .. وفجأة .. هانلاقي بن برنانكي اللي لسه قايل إن الدنيا ضلمة والكساد على الأبواب .. بيقول إن الدنيا ربيع والجو وبديع .. وقفل لي على كل المواضيع .. الشارت ده من نصف ساعة .. ودلوقتي قربنا من الترند السميك اللي فوقنا ده .. ربنا يسر .. لاحظوا .. الفوليوم دايماً في صعود مع الشراء .. باين من اللون الأخضر تحت .. الجلسة لسه شغالة .. طالعة 100 وشوية دلوقتي .. ياهو قايل إيه ؟؟ Stocks Swing Higher in See-saw Action After Rate Cuts ومن شويتين كان قايل إن السوق نازل رغم التخفيض في الفائدة .. ما لهومش مَسكة .. هما عصابة .. ماسكين الأسواق زي أي طفل ما بيمسك حَصَّالتُه .. يجيبها .. من تحت لفوق .. يقلبها من فوق لتحت .. براحته .. ما هي في الآخر .. حَصَّالته !! قولوا يا رب التعديل الأخير تم بواسطة متوازن ; 20-02-2009 الساعة 11:00 AM |
08-10-2008, 10:22 PM | #2 |
متداول نشيط
تاريخ التسجيل: Jul 2007
المشاركات: 594
|
|
08-10-2008, 10:28 PM | #3 |
متداول نشيط
تاريخ التسجيل: Apr 2008
المشاركات: 415
|
يـــــــــــــــــــــــــــــــــــــــــــــــــ ـــــــــــــــــــــــــارب
|
08-10-2008, 11:52 PM | #4 |
متداول نشيط
تاريخ التسجيل: Jul 2007
المشاركات: 594
|
علشان تعرفوا إنها عصابة ..
إمبارح .. إيه اللي نزل بالسوق الأمريكي .. رغم بدايته المبشرة .. كلام بن برنانكي .. مدير الاحتياطي الفيدرالي .. طيب .. والنهاردة .. شفنا مع بعض الخناقة اللي عند 9530 في الشارت الأخير فوق .. دخل المعلم بولسون .. وزير الخزانة .. و عَكـَّها على دماغ المتعاملين .. رغم إننا كنا خلاص .. فاضل تـَكـَّة ونكسر الترند السميك .. طبعاً راحت الجلسة نازلة نزلة محترمة .. الشارت باين فيه بولسون إتكلم إمتى .. أقول لكم إتكلم ليه ؟؟ لأن العصابة .. بتشتري .. يبقى لازم الأسعار تنزل .. علشان يشتروا بالرخيص .. ما حدش فيكم فكر .. الفلوس اللي خرجت كسبانة من سوق البترول .. هاتروح فين ؟؟ لو دخلت الأسواق المالية ساعتها .. كانت هاتخسر .. يبقى نبهدل الأسواق المالية .. علشان الأسعار تبقى لوز .. لوز .. لوز .. ونشتري بفلوسنا اللي طالعة من البترول .. وبعد ما الناس تكون باعت لنا .. يتفرجوا علينا وإحنا بنطلع بالأسواق .. ونفس اللي كانوا بيقولولهم فيه ركود وحاجات من دي .. هُمَّا هُمَّ .. هايقولوا .. إن ما فيش ركود .. وإننا كنا حاسبينها غلط .. صدقوني .. الكلام ده جايز يكون بدري شوية .. بس هو اللي بيحصل .. ربنا يكرم |
09-10-2008, 12:03 AM | #5 |
متداول نشيط
تاريخ التسجيل: Aug 2005
المشاركات: 723
|
ايه دى انت بتفكر ... كويس وبتحكي بكرم زائد وعشان كدا بئول لك يجزاك ان شاء الله الجنه
ويسلم بؤك |
09-10-2008, 12:08 AM | #6 |
متداول نشيط
تاريخ التسجيل: Jun 2004
المشاركات: 1,421
|
وجهة نظر :)
بس ماشاء الله عليك تمتلك أفكار وقراءة وتحليلات خارقة ورا ماتروح تحترف في cnbc تروح تحللهم بدل (جو)؟! |
09-10-2008, 12:12 AM | #7 |
متداول جديد
تاريخ التسجيل: Mar 2005
المشاركات: 50
|
هههههههه الله يجزاك خير
|
09-10-2008, 12:13 AM | #8 |
متداول نشيط
تاريخ التسجيل: Feb 2006
المشاركات: 440
|
اخي ليس الوضع بهذه البساطه
الأزمة ازمة حقيقية في قلب الرأسمالية ؟! تأميم بنوك والغاء انظمة كالبيع على المكشوف وافلاس بنوك وتدخل رؤساء دول وغيرها وبتقول طفل يلعب بحصاله !!!!! نرجوا احترام عقول القراء ......... |
09-10-2008, 12:17 AM | #9 |
فريق المتابعة اليومية
تاريخ التسجيل: Jun 2007
المشاركات: 1,777
|
عجزت افهم على رطنك يالمصري احس بالعربي
|
09-10-2008, 12:20 AM | #10 | |
متداول نشيط
تاريخ التسجيل: Jul 2007
المشاركات: 594
|
اقتباس:
صدقني أخي الكريم .. أنا لولا احترامي لعقول القراء .. لما قلت هذا الكلام .. والذي رفع السماء بغير عمد .. موقف حضرتك ذكرني بموقف بعض الزملاء أثناء صعود البترول .. وتحديدا وقت اشتداد الأزمة (( الإعلانية )) عن حرب أمريكا ضد إيران .. وقتها كنت أؤكد لهم أن البترول في أيامه الأخيرة .. وكانوا يضحكون .. زي حضرتك كده عموماً .. لننتظر .. ونرى .. مين فينا اللي صح .. ربنا يكرم |
|
مواقع النشر (المفضلة) |
|
|