مساجلة شعرية .. مطلوب التفاعل

[الــــذيــب]

من كثر شوقي وأنا عنك بعيد
في ديار مابها ذوق بلاك

لا تذكرتك راحت أفكاري تعيد
ذكرت الأيام وأوقاتي معاك

لوقست الأيام والحظ العنيد
ما نسيتك يا بعد هذا وذاك

كيف انسى دام حبك بالوريد
كل نبضه تنده بصوت دعاك

[السيل الهادر]

ماشفت كيف القمر عقب الظلام انور
بالضبط نفس الشعور ان شفت بسماتك
ان كان في خاطرك حاجه علي ابشر
والله لاسوق العمر كله لمرضاتك

[الــــذيــب]

السيل....ثاني مره تسويها ههههههههههههههه تجي طاير ومطفي النور وتسدح الابيات.


حرف الميم راح.....خلك في حرف الكاف يابعدي

[السيل الهادر]

ولا يهمك يابو مشعل هههههههههههههههههههه تفضل


كنت انت أول وآخر الجرح كلّه
كفيتني عن جرح غيرك ووفيت
ذليتني والحب مافيه ذلّه
ياليتني قبل انفجع بك توفيت

[نجدية]

تفضل ترى بالقلب دارك ومنزالك ** على ماتبي نفسي تجي وانت راعيها
ترفق بقلب صرت تلعب به لحالك ** يقول القصايد وانت بعده تغنيها
أحبك وأحب اسمك ورقمك وجوالك ** وأحب الديار اللي رجولك مشت فيها

[نجدية]

خلوووووووووووهاااا >>> خليهااا انتي

أصبر ياقلبي وأنتظر خل الحزن مكتوم
كل المعاني تغيرت وأتضحت الصوره
صار الصدق في هالزمن مثل الوفا معدوم
ونفوسنا تجرحت والفرحة مكسورة
كل المبادئ تنشري واللي معاه يسوم
حتي المشاعر ارخصت والكلمة مهدوره

[ehtmam]

بسألكم سؤال:
هالابيات النبطي انتو حافظينها ولا قوقل عالذمه خخخخخخخخ

[نجدية]

لو قلت لك قصة حياتي بالابيات
كان ادمعت عينك بدل دمعها دم
محبوس منها داخل العين عبرات
وقلبي في ذكراها حزين ومهتم
قصة تعاسه حزن آلام وآهات
جرح وعذاب القلب هم ورى هم

[نجدية]

المشاركة الأصلية كتبت بواسطة ehtmam

بسألكم سؤال:
هالابيات النبطي انتو حافظينها ولا قوقل عالذمه خخخخخخخخ

بجاوبك جواب

حافظينها ممنوع قوقل بهالمساجله واغلبها حنا مألفينها بعد يعني حافظ ابيات او ابيات انت قائلها والا اسمح لنا نادي ابو خالد حلو الالغاز فيذاك <<<مهيب تسذوب ابدن

[السيل الهادر]

يابنت الحلال خليهاااااااااا انتي <<< شكله يبي يصير حادث مسرعين الربع

الهاااااااااااااااااااااااااا

هذا الذي من بد خلق الله أغليه
وهذا الذي اطلب من الله رضاته
هذا الذي ياناس أموت أنا فيه
وأضيع لا من قال إني حياته!