العقار ينهار والسوق يولع نار

[الاسرار العجيبه]

المشاركة الأصلية كتبت بواسطة لا تلوح للمسافر

يعد سوق الأسهم في أي مكان في العالم من اخطر مجالات التجاره
حيث يوصف بأنه high risk margin
وعندنا سوق الأسهم يعد اكثر خطورة من اي مكان في العالم
والسبب ان سوق الأسهم بحد ذاته عال الخطورة وفوق هذا تتحكم به
عدة تكتلات تجعله لا يقيم للتحليل الفني اي وزن
هذه التكلات تتميز بأن لديها سيولة ضخمة جدا
والأبرز ان لا احد يستطيع مساءلتها
اسأل الجماز عن اسباب رفضه للذهب الى مجلس الشورى
الذي استدعاه للتحقيق في انهيار السوق

اذا كنت تنكر هاتين السمتين في سوقنا
فالحقيقة انك قاعد تضحك على نفسك
وقاعد تخدعها بمكاسب طفس يمكن ان يسرقها منك السوق وانت نايم

مهوب لازم اني اطلع من العقار وادخل سوق الاسهم بس قهر اشوف ارضي

كل اسبوع تنزل قيمتها وانا اطالعها لو اطلع واحط فلوسي في الحساب الجاري

وبالنسبه للاسهم اذا كنت ناوي ادخل فيه اسهم تحت سعر الاكتتاب اقل شي فيها

تدبيله يعني وش رايك انت اشتري ارض مترها ب2000 ريال ولا سهم سعره 7 ريال

الدنيا فرص والسيوله تنتقل ماتجلس في حاجه معينه انت عقاري وتشوف بعينك الايام

هذي وش صاير بالعقار واقسم بالله كنت اسولف مع عقاريين كانو قبل شهور يقولون العقار

ممتاز العقار الابن البار والله وماحديتني على الحلف انهم الايام هذي يقولون ميت ومافيه شراء

واقسم بالله انهم يقولون ان بعض اللي يبيعون ينزلون في سعر الارض ولا يلقون زبون

تجار كبار والكبير الله وصناديق بنوك تشوف وين الفرصه وتتجه لها بعدين لاتنسى القوه

الشرائيه للمواطن السعودي متوسط رواتب السعوديين بين 6 الاف الى 7 الاف وش تسوي

وتلقاه عنده قرض والتزامات وين تبيهم يشترون العقارات وهذي اسعارها نصيحه لايدبسونكم

في العقار والنزول اللي صاير الايام هذي 10%و 20% والله انه مهوب شي يعني بالعربي مابعد شفت

شي والله اعلم

[مشعل عبدالعزيز]

الأسهم ترتفع وتصحح وترجع بعد أشهر ... وما يخسر إلا اللي يبيع إذا نزل السوق ... دائما الرابح اللي يصبر في سوق الأسهم من سنه إلى ثلاث سنوات .......

العقار إذا نزل سعره مايرجع إلا بعد سبع سنوات خصوصا للأراضي البعيده أو الغير مكتملة الخدمات