قاموس نجدياات

[نجدية]

السلام عليكم ورحمة الله وبركاته


معاني الكلمات باللهجه النجديه ليسهل فهم غير الناطقين لاختكم نجديه الناطقه بالنجديه :

﴿﴿حرف الكاف في الكلمات يقلب الى ت+س مثال كيف سوف تكتب تسيف, اما القاف فتقلب الى د+ز مثال بريق سوف تكتب بريدز.﴾﴾


إنفهدز:
وتعني ابتعد قليلا وتأتي بمعنى إفحز اي وسّع يقال محمد انفهدز او افحز لاختك بمعنى اتاح لها مكانا للجلوس في حال كان المكان ضيقا,

اندزلع:
أي ابتعد ولكنها اسلوب غير حضاري وهي تختلف عن إنفهدز.. يقال اندزلع يامحمد أي اخرج وتعني الطرد وهي مفرد اندزلعوا التي تقال للجمع من البزران او غيرهم.

دووتس:
وتعني خوذي وهي للمرأة دون الرجل حيث يقال للرجل دوك أي خذ .

هيت: تعال .

دلّى :صار ومثالها ﴿اذا دلى/صار عبدالله يناظر الحريم فاعرف انه دويشر﴾

حزه: وقت ومثالها حزة المغرب أي وقت المغرب.

تعقب: تتسذب/او تكذب.

دي : لملاعبة الاطفال .. يعني تغطي وجهك عنه وتفتحه بسرعة وتقول : ديييييي فيموت الصغينون ضحك

سااااد:بمعنى احسن وهي الفرح بحصول مكروه للشخص.وفي المثل الشعبي ﴿ساااد مصيرة والعبد قصيره﴾.<<قصيره أي جاره بالسكن وليس بمعنى اقصر منه

إكتلوه : اضربه بقوه ولا تأخذك فيه إلا ولا ذمة.

همااا: هل فهمت؟ وهي تأكيدية .

مسط او دبج: سقط على الأرض بدون ارادته.
زلق: اختل توازنه وسقط نتيجة وجود بلل في الارض حينما تكون ملساء.


مدبتس: أي مسرع يقال الذيب جاء مدبتس للسوق جاءمدبتس أي مسرع وفي الهندية جلدي جلدي.

تكانه: أي ثقيل العقل او رجل يقال هامور بدوي تكانه بمعنى رجل يمكن الاعتماد عليه .

هدر: عكس تكانه أي ان الرجل لايمكن الاعتماد عليه مطلقامثال مضارب الجماعي هدر .

قمبازي: بمعنى خدّاع او مراوغ ولا يمكن التنبوء بما يفعل .

زتّه: أي دفعه يقال دافور نت زت الهارف أي دفعه وابعده.<<< شبت النار بينهم


﴿ المارج ﴾ من يحب الحديث اي الحتسي النص كم أمام البنات دون تحفظ

﴿فلقه﴾ شج رأسه


﴿بهواوه﴾ على كيفه ولا يناقشه أحد

﴿ مقرود﴾ يحب أن يعرف كل شي


﴿ قرمبعة ﴾ سيارة قديمة

يتهبد : يعني مايدري وش يبي ...

يلفز: يدس ويخبيء في مكان غير ملاحظ .

يتنيوط : يتناول او يمتد للوصول لشيء
يبزع : يجزم بشيء غير مؤكد لذا نقول لمن يتفلسف بغير علم ... لاتبزع

يتدودل : يتدلى


يمطرس : يحوس ... مطرس البزر مثل البزر اللي مطرس بشاشة تداول

- أفهقه ... حركه او ابعده - أفهق هالكرسي .

يودز ( يويق )... ينظر خلسه.

يباري الساس ... يمشي بمحاذاة الجدار - يدور الظلال أو يتغبى عن أحد.

يتطنز ... يستهزيء.

قوووه goooh... هيا بنا ، مشينا - يبدو أنها كلمه أخذها الناس بنجد من موظفي أرامكو الأمريكان .وش دخل نجد بارامكو تسان خذوها الشرقيين

يهوجس ... يفكر

زمل ... خائف من نتائج شيء ما , اي شايل هم

.. كوده - أي لعله.

مير ... كلمة وصل لاداعي لوجوده أحيانا ، وتعني ايضاً لكن .

حول ... إنزل .

هماه ... أليس كذلك .

تهقى ... هقوتي _ ظني ، أغلب الظن .


طس .. فاردز .. إنقلع - تقال لطرد شخص ما.

حست مريري ... حست تسبدي ... أي عكرت مزاجي .

وراه ... ليه ؟

مصع ... شد ، فتق .

واخزياه ... واعيباه ... ياللعيب والخزي

.ولد السماثا -- تطلق على الشخص اللي يجي من الخارج وشايفن روحه

ادَّهر......وهي قريبة من يدبتس وتعني ان الشخص احيانا ولها منى ثاني بدأ في العمل بعد معاناة في تشغيله.

.رقلة.......كلمة تطلق على الشخص خفيف العقل يقال سعد رقله أي ما عندك احد وبالامكان الضحك عليه.

.زقلبّة...الزقلبة في اللغة هي تدوير الشي يقال الخباز زقلب العجينة بمعنى اتاها من كل جانب حتى تكون مستديرة.

والزّقلبّه هي المرأة الدبية مذكرها مزقلب .


يتدروخ .. أي داهمه النوم وبدا كالسكران يتمايل يمينا ويسار.

طرطنقي : نصاب

العاير : زاوية الممرات بالاحياء .


ذبه ... قام برميه بعيداًمثل خسراتش ان في الجماعي وذبه في وجه مضاربه <<< وش جاتس على الجماعي>>>مدري

ودك = تريدين


ناه: ناظر..او شف

سرسري: اللي يسوع ويلف بهالشوارع

السربوت: اللي يتتن

تهقا: تحريه بمعنى تتوقع؟؟

تهك: تخدع

سمت: ما اعرف الا اللله يسّمت يعني الله يستر

مواعين : حقات الطبخ ومشتقاتها
معاميل : اغراض الشاهي والقهوه من فناجيل وبيالات

ادبجه : اضربه او اطحله كلهن واحد

دحه..... فعل امر يعني اضربه مع ظهره
ادحجه مثل اللي فوقها

طمل : وسخ

رعص او أرعصه : اضغطه

وه بس : للتذمر ( نسائية طبعا هالكلمة )مثل الام لين جاز لها ولدها قالت وه بس يازينه

تم بحمد الله
وأي استفسار انا بالخدمه <<< وش عندها كوندليزا رايس

وعقب هالموضوع لحد يقولي وش تقولين مافهمنا عليتس همااا

[دانة الاسهم]

الله بسعدك كله كوم
وهذا كوم
7
7
7
السربوت: اللي يتتن

[mwaheb2005]

الله يوسع صدرك يانجدية

كلش ولا ( الكتل ) من أكتلوه


http://www.arb-up.com/files/arb-up-2008-1/FZQ96647.gif (http://www.arb-up.com/)

[mwaheb2005]

اضافة بعد إذن الأخت نجدية من أجل تبادل الثقافات ولتعم الفائدة


http://www.arb-up.com/files/arb-up-2008-1/y8O97894.gif (http://www.arb-up.com/)


مصطلحات للقصمان


" مير "

اختلف المترجمون في تفسير هذه الكلمة ، واتفقوا أن هذا المصطلح مال أمه داعي ،
ولا له موقع من الاعراب ، يوضع لتزيين الجملة ،، مثال : الله مير يسلمك ، الله
مير ياخذك

" غديه "
وتعني : كوده ،، وفسر الماء بعد الجهد بالماء


" ياهملالي "
...منتشرة عند النحوتين والنظولين ، مثال : مزنة : مادريتي نورة توظفت ،،
حصة : ياهملالي عندها واسطة ،،، منقهررررة


" واخزياه "
مصطلح ينتشر عند بعض الناس يقالهم مستحين ، وهم وجيه بن فهرة ، " ووجه بن فهرة
هو الوجه المغسول بمرق "


" أويق "
هذه الكلمة تنتشر عند البلوغين أي الملاقيف ، معناها أناظر وأناظر معناها أشوف
،، مثال : حصه : خير وش عندتس رازتن خشتس بالباب " النافذة " ،،
مزنة : أبد ، أويق على الجيران



" كوه "
كلمة من أصل إنقليزي " والله محنب سهلين " معناها تخاوين ، مثال : حصة : قوه
معي للسوق ،، مزنة : مشينا ، كلش إلا السوق 0



" حوّل "
حوّل يعني : انزل



" شنق "
تعني : جهة



" هماه "
وتجي بمعنى " مب كذا "



" نيم " \
وتعني : نائم



" تهقى "
تعني : تظن ، والاسم منها " هقوتي " اي أغلب ظني ،، مثال : حصة : تهقين نورة
تجي


تقوله صاز
تعني هل ماتقوله صحيح




" بوه "
أهم مصطلح عند القصمان ويوضع بآخر الكلمة مثال : وشبوه ، جبتوه ، مادريتبوه ،
وينهوبوه، الضمه مقدرة عندنا

" يهوجس "
سرحان ، يفكر


" صام الخشة "
تقال على الشخص لشدة تركيزه في أمر ما

[ولد الهيلا]

اذكر كنت طالع من واحد من اهالي جده وقاعدين وبعد ماخلصنا من العشا والرياجيل اقعوووود قال لي وش اسوي بالعشا قلت (تسبه) كبه اي بمعنى اتركه وهو اللي يشيله ويقطه بالبحر ول الله ياخذك انت وش سويت قال انت تقووول كبه وكبيته وهو فعلا صادق
وحنا نستخدم المعنيين بعد بس واحد لازم يكون بالحركه وهو اللي بمعنى اتركه او خله لازم تتبعها بالشاره بيدك كأنك تقول لا

[متداوله1]

قوووه goooh... هيا بنا ، مشينا - يبدو أنها كلمه أخذها الناس بنجد من موظفي أرامكو الأمريكان .وش دخل نجد بارامكو تسان خذوها الشرقيين

ترا مهوب سهلين الحريم الكبار اسمع معهم كلمات انجليزيه وهم ياقليبي ماقصدوها بس سمعوها اول ماجتهم وخذوها زي ماهي مثل القطار يسمونه( رين) او الرين والاصنصير ( لفت ) حركاات

ناه: ناظر..او شف

هذي حصريه على اهل الدرعيه :) وفيه ثانيه مرادفه لها (نهياه) وتقال للقريب,,ولا ( ناه) للبعيد..

[ابو وليد5000]

صراحه افضل شي
سرسري: اللي يسوع ويلف بهالشوارع .

نجديه يسوع اسم صنم يعبد !!!!!!!!!!!!!!!!!! kkkkk

[al nader]

ههههههههههههههه يانجدية

الله يوسع صدرك

منين جبتي ذا الحكي

يسرسري[/COLOR]: اللي يسوع ويلف بهالشوارع

ذي مامرت علي

السربوت: اللي يتتن

اما ذي كثير اسمعها عند اهل القصيم كثير

تحياتي إلك

[نجدية]

الله بسعدك كله كوم
وهذا كوم
7
7
7

حياتس الله دندونه

دحيم يوتتن في العاير:612:

[نجدية]

الله يوسع صدرك يانجدية

كلش ولا ( الكتل ) من أكتلوه


http://www.arb-up.com/files/arb-up-2008-1/FZQ96647.gif (http://www.arb-up.com/)


حياااااك الله محب

[نجدية]

اذكر كنت طالع من واحد من اهالي جده وقاعدين وبعد ماخلصنا من العشا والرياجيل اقعوووود قال لي وش اسوي بالعشا قلت (تسبه) كبه اي بمعنى اتركه وهو اللي يشيله ويقطه بالبحر ول الله ياخذك انت وش سويت قال انت تقووول كبه وكبيته وهو فعلا صادق
وحنا نستخدم المعنيين بعد بس واحد لازم يكون بالحركه وهو اللي بمعنى اتركه او خله لازم تتبعها بالشاره بيدك كأنك تقول لا

مرحبااا بولد الهيلا

اقول ياوخيي فسر معنى (تسبه) انا مثل الجداوي احسبها كبه ونت صاادر يازين الاشاره

اتذكر وانا صغيره كننا في تونس وشغالتنا تونسيه ومحاتسيتك شقيه واناقز واحوس قالت لي اديك طريحه قلت لاشبعانه وعرفت بعدين انها اعطيك كف تبي تضربني حسبي الله عليها ولو اني لين تذكرت شقاوتي قلت الله لايلومها لو مردغتني

[نجدية]

ترا مهوب سهلين الحريم الكبار اسمع معهم كلمات انجليزيه وهم ياقليبي ماقصدوها بس سمعوها اول ماجتهم وخذوها زي ماهي مثل القطار يسمونه( رين) او الرين والاصنصير ( لفت ) حركاات

يالله لاتخلينا من عجيزاتنا وحكيهم تدرين اني دايم عند جدتي هي وعجيزاتها الضحى اسوي نفسي مشغوله بالاسهم وانا ذابتن اذني بينهم تسنها دشوش اتسمع الله ياسوالفهم فللله ولو بجمع لكم كلمات من حتسيهم طلعت لكم قامووس صدزززي


هذي حصريه على اهل الدرعيه :) وفيه ثانيه مرادفه لها (نهياه) وتقال للقريب,,ولا ( ناه) للبعيد..

يالله لاتخلينا من الدرعيه واهلها <<< درعاويه
يوم طريتي الدرعيه قلبي صار تسنه طبول <<<< لازم تقولين طبول ماتصبرين

[نجدية]

صراحه افضل شي
سرسري: اللي يسوع ويلف بهالشوارع .

نجديه يسوع اسم صنم يعبد !!!!!!!!!!!!!!!!!! kkkkk

هههههههههههههههه حسبي الله على بليسك ياأبو ولبد لقد قمتي بقنصي في هذه

عاد ترى يسوع الصنم يختلف عن يسوع السرسري بالحركات الشده والضمه بس ماكتبت الحركات ماهقيت ان فيه احد بيصيد هالكلمه

وتذكرت موقف بالسرسري <<< ياكثر ماتذكرين

مره واحد من اصدقائنا متزوج شركسيه من الاردن ولما جابها للرياض حطو اهله لها عزيمه ..وعندهم عجيز تسمع بالشركسيه ولاتدري وش السالفه ماتعرف لو تنطقها وتسمعهم يقولون شركسيه وتحسبه اسمها قالت وشلونتس يالسرسريه ماتلقى الحاضرين من الضحك

[نجدية]

ههههههههههههههه يانجدية

الله يوسع صدرك

منين جبتي ذا الحكي

يسرسري[/COLOR]: اللي يسوع ويلف بهالشوارع

ذي مامرت علي

السربوت: اللي يتتن

اما ذي كثير اسمعها عند اهل القصيم كثير

تحياتي إلك

حياك الله الناااااااادر منووور الموضوع خيوووووو

اهل القصيم حكيهم يشبه حكينا بس عندهو بوه الزائده والمتصله باغلب الكلمات مثل النادر وينك بووه منت بالبيت >> الا بوه بس نيم<<< وش عندها ابلا مزنه

[متوازن]

الفاضلة نجدية
موضوع جميل...

اللهجات كثيرة في جزيرة العرب
وتبقي اللغة العربية الفصحى هي المرجع.

ولو بحثتى في جميع اللهجات في الجزيرة
العربية في الحجاز والشرقية والجنوب والشمال
لرأيتى العجب...

ولكن هناك الكثير من الكلامات التى تعتبر مشتركة
بين الجميع في جزيرتنا الغالية...

ما سبب تعدد اللهجات في الجزيرة العربية؟
بعد المسافة بين المناطق هو السبب في تعدد
اللهجات حيث كان الترحال يحتاج إلي اشهر
للوصول إلي بعض المناطق... طبعا في السابق..

ويقال ان في كل 500 كيلو متر تتغير اللهجة...

[تاجر عقار]

اتسحتها :
أكثر ما تقال في لعبة الطائرة أي : اضرب الكوره بقوه إذا جت عندك :509:

يصول :
صال يصول صولاً وهو الألم إذا اشتد في الجسم أو الرأس
واحد يسأل زميله : وشلون راسك ؟ فيقول : والله يصول علي الصبح ثمن يخفّ


وفيه كلمات ثانية :
يتظوكع في مشيته - يهقل - جاك ينطز - فقر وغلدمه :509:

[awa1409]

نجدية
من جد منسمة خخخخخخ

على اني من نجد الا انه بوووووه:D كلمات مامرت علي



مشكورة على هالقاموس:D

[الــــذيــب]

فيه كم كلمه اثريه :


مقصر : وتعني تعبت او مرهق.

توحي : تسمع.

رفاله او رفله : وتعني مايدبر شئ او ماتدبر شئ...غير مدبره.

أتسنف او يتسنف : اهرول او يهرول.

تسيف : وتقال عندما يسئلك واحد هل ذهبت الى فلا او هل انت متأكد من كلامك...فيكون الرد "تسيف"

وهي للجزم بالشئ الأكيد.

أبخق : تعني اخفس او اخرم.

اتمحش : تعني احك او اتحكحك.

أبخص : اي اعلم.

[صديق المحتاجين]

بارك الله في كاتب الموضوع وكل من شارك فيه

وتلراكم نسيتوا

دعاوي العجايز الله يرحم الميت منهم ويمتع الحي منهم بالصحه والعافيه

1 - جعلك العيطي

2 - جعلك الصرصخ

3 - جعلك الصرمه

4 - جعلك الطبيله

5 - جايحه كبر اللايحه

6 - جعلك البلش

7 - جعلك الطاعنه

8 - جعلك القامه

طبعا لا تستغربون اني حافظ كل الدعاوي لانه كان في حارتنا بأم سليم قبل 35 سنه عجوز
نلعب عند بابها كوره يوميا وحاطين الطيق حقت مجلس ( يعني شبابيك المجلس )
بيتها المرمى والفنان اللي يجيب قول
وكل ماجاب واحد منا قول سمعنا وحده من هالدعاوي المكتوبه بعاليه
تراي ما اعرف وش معناها واللي يعرفها منكم لا يبخل علينا ويفسرها

[نجدية]

الفاضلة نجدية
موضوع جميل...

اللهجات كثيرة في جزيرة العرب
وتبقي اللغة العربية الفصحى هي المرجع.

ولو بحثتى في جميع اللهجات في الجزيرة
العربية في الحجاز والشرقية والجنوب والشمال
لرأيتى العجب...

ولكن هناك الكثير من الكلامات التى تعتبر مشتركة
بين الجميع في جزيرتنا الغالية...

ما سبب تعدد اللهجات في الجزيرة العربية؟
بعد المسافة بين المناطق هو السبب في تعدد
اللهجات حيث كان الترحال يحتاج إلي اشهر
للوصول إلي بعض المناطق... طبعا في السابق..

ويقال ان في كل 500 كيلو متر تتغير اللهجة...

شرفنامرورك طال عمرك
يازين كلامك ذرب ولو الكباريه باين عليهم المشرف مهوب حتسيه مثلنا يالملحطين الله يتمم عليك
نجي للصدز
اللهجه النجديه هي الهجه الام ويتفرع منها باقي اللهجات ولكنها يتم تحريف لهجة باقي المناطق حسب الحدود فأهل الجنوب يتأثرون ببعض الكلمات من اليمن والحجاز من مصر والشرقيه من الخليج والشمال من الاردن <<<< حافظتن جغرافيا
كلن والبلد المجاوره له
مشاركه جميله وحضورك الاجمل

[نجدية]

اتسحتها :
أكثر ما تقال في لعبة الطائرة أي : اضرب الكوره بقوه إذا جت عندك :509:

او اذا الولد قال لامه نعلتي انقطعت قالت له امه اتسحتها

يصول :
صال يصول صولاً وهو الألم إذا اشتد في الجسم أو الرأس
واحد يسأل زميله : وشلون راسك ؟ فيقول : والله يصول علي الصبح ثمن يخفّ

وفي روايه ان تقول لام(ماسكه معي على الام)تقول الأم لعيالها لاتلعبون في الشمس يصول عليكم ابوكم ..وهذي بمعنى يعصب


وفيه كلمات ثانية :
يتظوكع في مشيته ماعرفهالا انا ولا القاموس اللي جنبي (جدتي) - يهقل مثل ورى بنطلونك يهقل عليك اي وسيع مهوب مقاسك - جاك ينطزهذي طال عمرك للي شايفن نفيسته وهو ماعندك احد - فقر وغلدمه هذا مايحتاج تفسير لانه كثر بعد الخميسه :509:

شكووكرن تاجر نجد على الاضافه الحلوه كل يوم تعال

[نجدية]

نجدية
من جد منسمة خخخخخخ

على اني من نجد الا انه بوووووه:D كلمات مامرت علي



مشكورة على هالقاموس:D


افاااااا نجدي ولاتعرف ذا الحتسي اجل بنسحب منك الجنسيه النجديه

شرفتنااا خيوو

[نجدية]

فيه كم كلمه اثريه :

الذيب فيذااا يامرحباا بس عسى مامعك بريميلات تدربيهم علينا<<< ياانتي غثيتي الرجال بهالبراميل


مقصر : وتعني تعبت او مرهق. <<<هذي مهيب بالرياض بس صديقتي حريملاويه وسمعتها معها لكن نحن منها براء<<ذنب مهوب كلمه

توحي : تسمع.
ابو مشعل جب معك بردقان توحي <<ايه اوحي ابجيب

رفاله او رفله : وتعني مايدبر شئ او ماتدبر شئ...غير مدبره.
مثال فهيد نخطب لك حصيصه<<يقول فهيد>> لاوالله رفله ابي سويراختها ظفره وتحوف القرصان حوف <<ظفره عكس رفله

أتسنف او يتسنف : اهرول او يهرول.<<مابعرفهاش انا ولا القاموس

تسيف : وتقال عندما يسئلك واحد هل ذهبت الى فلا او هل انت متأكد من كلامك...فيكون الرد "تسيف

وهي للجزم بالشئ الأكيد.

مثال
البنت ..يمه بنسافر هالسنه لو لبنغلادش ..الأم تسيف ماعندنا قروش تسان بالخمسه بالميه

أبخق : تعني اخفس او اخرم.

نعرف يخقق يعني يهبل زين مره مثل البنت لاختها شفتي ذاك اللي واقف بالعاير تقول اختها ايه الله ياهو يخقق

اتمحش : تعني احك او اتحكحك.<<< هذي كلمه قصيميه اعترف يالذيب انت قصيمي والا منتب معلمنا حتى مانقولك نبي كليجه<<<وجه يرفع حواجبه بخبث

أبخص : اي اعلم

مثال
الزوجه ورى الزياده مغير خميسه الزوج..لايكثر الحكومه ابخص
.


حياك الله ونور الموضوع بوجودك وترى الامثله طال عمرك للتوضيح فقط لاغير <<< شيك مهوب موضوع

اقولك سر

جدتي تصلي عندي واسالها عن بعض الكلمات اللي انت كاتبهم قالت اها بس لاتكتبين ذا الحتسي وانا اللي قايلته حبيبتي تحسب صورتها تطلع مع الحتسي<<< وجه كاتم ضحكته

[نجدية]

بارك الله في كاتب الموضوع وكل من شارك فيه

حياك الله صديق

وتلراكم نسيتوا

دعاوي العجايز الله يرحم الميت منهم ويمتع الحي منهم بالصحه والعافيه

آآآآآآآآآآآآآآمين1

1- جعلك العيطي اسمع بها بس مااعرفهاانا ولا المصدر تقول جدتي حتسوتن تقال يعني لاتدقق

2 - جعلك الصرصخ هذاطلع بلوى هذا طال عمرك ماده مثل السم تنحط للكلاب يقتلونهم بها


3 - جعلك الصرمه <<الصرمه عند المصاريه الجزمه يمكن هذا تفسيرها عاد تراه اجتهاد مني وجايز يكون الموت

4 - جعلك الطبيله خخخخخخخ هذا مرض يصيب الدجاج ويتسبب في تساقط ريشهم يعني صلع الدجاج

5 - جايحه كبر اللايحه << الله ياذا العجوز محترفه للدعاء ماعرفناها ذي6 - جعلك البلش

7 - جعلك الطاعنه <<<< يعني تموت واللي طاعنتك حرمه<<تسذوب8

- جعلك القامه <<<الثعبان

طبعا لا تستغربون اني حافظ كل الدعاوي لانه كان في حارتنا بأم سليم قبل 35 سنه عجوز
نلعب عند بابها كوره يوميا وحاطين الطيق حقت مجلس ( يعني شبابيك المجلس )
بيتها المرمى والفنان اللي يجيب قول
وكل ماجاب واحد منا قول سمعنا وحده من هالدعاوي المكتوبه بعاليه
تراي ما اعرف وش معناها واللي يعرفها منكم لا يبخل علينا ويفسرها

جبت لك اكثرهم بس ذا العجوز صارمه ومتمكنه ماقدرنا نلحق على دعاويها جعلها بالجنه

شرفتنا باضافاتك لاتقاطعنا همااا

[الــــذيــب]

الصرصخ : الشئ اللي مالح واجد.


ويقال عنه : ملتوتن ملح.


هذا للاحاطه والمعلوميه........انتهى

[السيل الهادر]

ههههههههههههههه
الله يسعدك يانجديه موضوع رااااااااااااائع

نرفع لمقامكم الكريم بهذه الكلمات واملنا ان يتم ادخالها لقاموسكم النجدي العريق وذلك بعد تدقيقها وفحصها الفحص اللغوي الاااااازم .

الكلمااااااات مع الشرح :

بزخ ( بفتح الزاء ) : وهي بمعنى طااااااااح ( هذي شكلها اصعب من الاولة هههههههه) بمعنى اخر سقط سقوطاً قوياً .

ازقله (ويفضل ضم الهاء ) : وهي بمعنى ارفعه او ابعده وبمصطلح الاسهم صرفه .

معين : اي من وين اروح

وين هوبوه : وين مكانه فيه

هذا مايحضرني لدرس اليوم والدرس القادم لنا لقااااااااااء

[هامور بدوي]

طلعو اهل نجد كلهم كلن قام يدلي بدلوه

اجل انا بعدين بحط مصطلحات بدويه..

[الــــذيــب]

خط اثمك ب سيم : وتعني اسكت او صه " متعوب على كلمة صه".

مسيان : قبل المغرب.

يتميدح : مغرور او شايف نفسه.

هماج + دبج : تطلق على الماء الغير صالح للشرب.

دبوج : غبي أو دلخ.

اخرش : من في وجهه اثار لمرض الجدري ...ويسمونها اهل نجد "دق جدري".

زدوم "قدوم" : الفأس الصغير.

سبحونه : القصه القصيره.

سالفه : القصه الطويله.

هنا هاك الواحد..والواحد الله في سماه العالي..والا هناك هاك التاجر "سالفة دويد ام الذبان"...الخ :

اساطير شعبيه ل عبدالكريم الجهيمان :D


كتب وطبع بمعرفة دار العلم والفهم...وعدلها الراوي وصاغها بمعرفته , وحملت وكملت وفي اصيبع

الصغير دملت...انتهى

[ولد الهيلا]

الكلمهمعناها
دوك-----------------------خذ او امسك
صمى --------------------- مايسمع
ماخوذ---------------------يعيني عسى الله يشتالك
افهق--------------------- يعني ازحف عني وراك
الضو -------------------- النار
الجابيه------------------- وتعني حمام السباحه
غطيت بتشديد الطاء--------------------يعني اخذت نعسه
صبوح-------------------اسم حليب الابل في الصباح
غبوق -----------------اسم حليب الابل في الليل
ضوله --------------------جمع غفير
دربيه---------------------دبه
معضول ---------------يعني اشطل
وهناك الكثير لم يسمح لي الوقت بكتابتها وشكرا

[نجدية]

الصرصخ : الشئ اللي مالح واجد.


[QUOTE]ويقال عنه : ملتوتن ملح.


هذا للاحاطه والمعلوميه........انتهى

الله الخيره اجل هالعجيز اللي تترجم لي من الصبح قاعدتن تعطيني من هالرخيص وفيه شئ غلط طلع مصدرنا خن بط
لكن بنعتبر انها على سنع وبنرقعها لها وبنقول في روايه ان سم الكلاب عباره عن شئ ملتوتن ملح <<<<ماش ودي اصدقها بس قويه قويه تسنها حقت سعد الفرج يوم النوط ابو ألف:D

معاني المفردات

ملتوتن...اللت كثرة الشئ في الشئ وشلون مدري لكن بجيب مثال
ام محمد غداتس يهبل بس الله يهديتس ملتوتن ملح..... انتهى

[البياع1]

فيه كلمه
صلف ==== تعني قوي ع حسب موقعها في الجمله
يعني اصلف قوى صوتك او الماء صلف يعني قوي او صلف في الممشى يعني سريع

وفيه كله يقولونها بعد حلبت علينا النجوم ! بس وش معنها! اسئلوا ابو مشعل عنها اذا ماعرفتوها


حسن شعرك اي حلقه

[نجدية]

ههههههههههههههه
الله يسعدك يانجديه موضوع رااااااااااااائع

ويسعدك يالسيل والاروع جيتك فيذااا

نرفع لمقامكم الكريم

اشكرك اشكرك <<<<تلوح لك بيدها الكريمه

بهذه الكلمات واملنا ان يتم ادخالها لقاموسكم النجدي العريق وذلك بعد تدقيقها وفحصها الفحص اللغوي الاااااازم .

الكلمااااااات مع الشرح :

بزخ ( بفتح الزاء ) : وهي بمعنى طااااااااح ( هذي شكلها اصعب من الاولة هههههههه) بمعنى اخر سقط سقوطاً قوياً .

ازقله (ويفضل ضم الهاء ) : وهي بمعنى ارفعه او ابعده وبمصطلح الاسهم صرفه .

معين : اي من وين اروح <<<< مانقولها

وين هوبوه : وين مكانه فيه <<<< هذي للقصيم ماشميتا فيها ريحة كليجا
هذا مايحضرني لدرس اليوم والدرس القادم لنا لقااااااااااء

[COLOR="darkorange"]اضافات رائعه من شخص رائع
وماقصرت ياشخص وننتظر الدرس القادم لاتبطي همااا وانا خالتك]..... انتهى

[نجدية]

طلعو اهل نجد كلهم كلن قام يدلي بدلوه

اجل انا بعدين بحط مصطلحات بدويه..

لاتحط نحط لك انت بس آآمر وحنا نجيك نطامر

استلم

عانه==>> انظر اليه
___________________
وان==>> اين
___________________
يا زقينه زقيناه ==>> انك فعلاً رائع
___________________
اسعله ==>> اسأله
___________________
الماخوذ==>> ضمير مبتكر يطلق على الاشياء
___________________
ابك ابك ابك==>> خذ الحذر .. وتاتي بمعنى يا للهول
___________________
اولا...... قبل قليل
___________________
عام الاول.... العام المنصرم
___________________
ازريت ... تعبت
قدح او قدحاااااااان ........... الاواني
___________________
الــرقه ..... الارض
___________________
عيـــه...... عنيد لايقبل التفاوض ماله رايه
___________________
يهب ياوجهه = قبح الله وجهه

اقر جاي = اي اقبل بسرعه

......................... انتهى

[نجدية]

ولد الهيلا + البياع

لاعدمنا تواجدكم ويالله همتكم نحتري باقي الكلمات

نحتري ..ننتظر

[نجدية]

1- الفزعه

دخول مشاجره دون معرفة الاسباب يذهب ضحيتها عدد من البشر

2- ازهلها

عباره عفويه تبدأ بدق الصدر وتنهي بالسجن 10 سنوات

3- اقلط

كلمه مأثوره عند النجديين كلفتهم الكثير ياحياة الشقا حياتهم

4-حذفة عصاااااااااااا.......... كنايه عن قرب المسافه.. رغم انها تصير بالكيلوااااات

5-كود او كودها ...مهوب باسوورد لاااااا هذي تأتي بمعنى لعل وعسى

6-اشبك البلا فشكلك ..... مهيب تبعنا هذي حقت الحجازالظاهر اني فصل عندي سلك

7-مهيب والا مهوب ... بالعربي ( ليس ) مثل " هذا التفتر مهوب لتس يانوير هذا التفتر لاختس دليّل

8-توحي ..... تسمع ,,, اذا جيته تسلم على شايبن من شيابكم تهزع على راسه وتقوله مساك الله بالخير بيقول لك وشوووو ,, بتقول له انت توحي (( في وسط اذنه على يسمعك ) وبيقول لك من انت ولده ... الخ ..عاد استلم ساعه ونص لاتنفك منه

9-,,,,, كتر ,,, ويقول الوا! حد لاخوه وهم يتغدون من صحن واحد " لا تاكل من كتري

10-امصع ..... يعني اسحب بقووووووه مثل الام اذا قالت لولدها تراني بمصع اذنك لو ما درست

11-قاف ,,,,, منطقه غير معروفه احتارو فيها اكبر علماء الجغرافيا والتاريخ والفلك والاثار في تحديد مكانها ودايمن تقول الام لولدها اذا ازعجاها " رح في قاف " عوافيالله هذي الكلمه عقدت كل البزران دايمن تستخدمها الامهات لتخويف البزران اذا بغو يطلعون للشارع بالليل وتقول ترا بتجيك عوافي الله
12-جغمه..يعني قطيره خخخخخ ماعرفتو الاوله تعرفون الثانيه بس تعني رشفه مثل بزر يشرب ببسي يقوله خويه عطني جغمه

13-اندزلع او فاردز اوطس...تعني انقلع فارق يعني ابعد بعيد مثال الولد يقول غداكم مرقوق مابيه ابي بيتزا تقول امه فاردز بس واندزلع مهناش غير المرقوق

14-دقاقه ..مهيب دجاجه بالمصري لاااااا يعني نحيفه

هذا مالدي تو دي وتمورو له الله وسلامن عليكمو

................ انتهى

[عزي007]

احلى كلام مع وجود بعض الكلمات المشفره لكي تحياتي يالقصيميه

[نجدية]

احلى كلام مع وجود بعض الكلمات المشفره لكي تحياتي يالقصيميه

حياك الله ياعزي

مهناش مشفر كووولووو ع بلاطه

منيب قصيميه انا درعاويه يابعد من قال هيش ومن كل التمر والعيش

[البياع1]

طيب يانجديه

ماعلمتينا وش معنا

حلبت علينا النجوم!

[الــــذيــب]

ابتطرق لأهل نجد اذا قفلت معهم وقامو يدعون على الواحد "والعياذ بالله" :


1- رررح جعععل الجدري يحت هدب عيونك.

2- رررح فطاااعونن ان شاء الله يمصع بطنك.

3- رررح ف تريلا محملتن فيله " حيوان يدعى الفيل" تتوطاك.

4- رررح ف ثلاثن "عدد رقم 3" سوا " يعني سيم سيم مهوب سوا الجوال"...بنزين و ضو وهواء.

التفسير : بنزين ونار وهواء...يؤدي لسرعة الاشتعال..وهاذي حقيقه علميه مأخوذه من العالم الاغريقي

أرخميدس <<<< هذا اسم اغريقي ويقال انه مستوحى من كلمه نجديه وهي "ميدك" للذكر

و "ميدتس" للأنثى...وكلاهما تعني : انت.

5- رح جعععلك للصيني : اي اذهب جعل شعرك يحت....والصيني هو مرض الثعلبه.

6- لعنه : وتقال عند الاعجاب او الانبهار من شئ خارق او التعجب الشديد....وتقال هكذا :

لعنننه.....وش ذا !!!!!!!!!!!!!!!!

هذا مايحضرني اليوم.....ولنا عوده....والصرصخ هو الكثير ملوحته....واصمم على ذلك.....انتهى

الحديث.

[ولد الهيلا]

وبعد اهل نجد اذا زعلوووا على احد يقوووولون
بالنسبه للحريم
عساتس(عساك) بالحووت والحال المسحوووت
يامال فرقا العين
شالتس (شالك) المسرع تعني السياره وهي تسير بسرعه
((((((((((((الرجال))))))))))))))
يامال بقا وصقعا
ياحلال القوم
يامال القوووم
عساها تلطك
اذلف
يافرنقوو

[نجدية]

هذا مايحضرني اليوم.....ولنا عوده....والصرصخ هو الكثير ملوحته....واصمم على ذلك.....انتهى الحديث.



حضرت الخيرطال عمرك
<<< ومازالت تبحث لعجوزها عن رقعه

نجي لدعاوي عجيزاتناالله يحفظهم

جعلك الحلبي الاجنبي <<<مدري وشو

عبيد جعلك تعبد الخلاء مجنون <<< للعجوز العصبيه

جعلك العرج اللي يدققك الدرج <<<<فكرت عجوزي كثير قبل تقولها اشك انها من تأليفها

جعلك السخونه اللي مايسلم عليك الا ببيز <<البيز شئ نمسك به الشئ الحار <<<عسى ماتكلفتي بالشرح

اقـعــد... قـعــد راســـك وانـطـفـى حـســك ..او اقعد مقعد جدي اللي مايقوم منه

قــوم.... قــم قــم الله عـصـبـك وطـاحــت ركـبــك

تغد جعلك الغده ..كل جعلك الاكله <<الاكله =الحكه=الحساسيه بالجلد<<<<ياحياتي لاياكل ولاتدعون عليه


.... انتهى الحديث ..>>ابو مشعل تطورت الحاله

[نجدية]

وبعد اهل نجد اذا زعلوووا على احد يقوووولون
بالنسبه للحريم
عساتس(عساك) بالحووت والحال المسحوووت
يامال فرقا العين
شالتس (شالك) المسرع تعني السياره وهي تسير بسرعه
((((((((((((الرجال))))))))))))))
يامال بقا وصقعا
ياحلال القوم
يامال القوووم
عساها تلطك
اذلف
يافرنقوو


كل هذولا ماعرفهم ولاقد سمعتهم لاانا ولامصدري
الا هالثنتين
صقعا وبقعا وتقال صكته صقعا وبقعا يعني تشحطط
فرقا العين..تقال للتحسر على احد مسيكين مثال
وليدكم مصيخين يامال فرقا العين.....انتهى الحديث

[ولد الهيلا]

طيب خذووووا هالكلمات
عانه ------------ناضر أو شوف
قهقر------------- يعني امش على هونك
ريض------------لها معنيين بمعنى وقف السياره والمعنى الاخر يعني بيطول
زي ماتقول افلان متى يجي (ترد تقووول له بدري مو الحين أو تقول ريض)
ابك __________علامت تعجب وعدم رضى
صكه _________ طبعا المعنى المتعارف عليه قفله ولها معنا اخر يعني(اضربه بعنف)
الغمه----------------الوجه بس تجي مع عدم الرضا
المتسس-------------- يعني البارد او الخربان او اي شي مو زين

[تاجر عقار]

ماشاء الله عليكم إلى هالحين وانتم تحتسون في المصطلحات :D


يكجّ - بالجيم المقلقلة

كجّ يكجّ كجـّاً

أي الريح إذا حملت الغبار ونثرته في وجهك

أو تقال للبزر إذا مرّ بجانبك وقدامه تراب فنقول له / إندزلع فيذاك لاتكج علينا تراب

ريغه

وهي تطلق على التراب الذي تسنه طحين



من الدعاوي القديمة :

تسباد ومرّ قطو وزواع :D

ولها حالات خاصة تقال فيها لايتسع المكان لذكرها


خار يخور خوراً

وتقال في سياق النصح : انتبه لفلان تراه مهنا تكانه ويخور

وتطلق على الشخص الزلابه أو اللي ما عندك أحد :D

[الــــذيــب]

[COLOR="DarkOrange"]


جعلك الحلبي الاجنبي <<<مدري وشو



المقصود هو : العاهه....الله يكفينا الشر وياكم.


تفسيرها :

الحلبي : هو الرصاص....او الفشق...وموجود في فشقة الشوزن...حبيبات صغيره...تسمى الحلبي.

الاجنبي : غير معروف العلاج او السبب.....مهوب اجبني راعي اقامه.

الحلبي الاجنبي : العاهه التي تنتشر في الجسم على شكل حبيبات صغيره وبعضها كبير " اورام".

( تم بحمد الله تفسيره وتمحيصه من ثقات من اهل نجد..لهم مكانه رفيعه في اصول الدعاء والنكد)

.......نتابع لاحقا <<< جديده

[الــــذيــب]

ملاحظه : تم الايقاع وكفش الحبر السري :D

[سهام الليل2]

ابومشعل انت في ذا يالله انك تحييه الا وش اخبار ام سليمان ههههههههههههههههه .

[ولد الهيلا]

مثل بدوي قديم
((((((((((((((((((((من دون في دون لين تنفدون)))))))))))))))))))

[ولد الهيلا]

حدر ----------------------تعني تحت
فرع----------------------فووووق
صمصوم-----------------الرجل الذي يكتم الاسرار
صتيمه-------------------رجل شجاع

[الــــذيــب]

صتيمه-------------------رجل شجاع


اخي ولد الهيلا :

انا خابر اللي ينقال عنه صتيمه هو اللي مايفهم شئ او مايعرف يتصرف..."دلخ".

قد يكون هناك اختلاف معاني بين منطقه واخرى.

[اشراقة قلم]

السلام عليكم ورحمة الله وبركاته
وبعدين معاكم:(
اجمع كم كلمة واجي القاكم كاتبين قبلي
الله يعطيكم العافية جميعا ..



:



:


نجديةhttp://www.7hh7.net/u/uploads/5fb23019c5.gif

[نجدية]

حدر ----------------------تعني تحت
فرع----------------------فووووق
صمصوم-----------------الرجل الذي يكتم الاسرار
صتيمه-------------------رجل شجاع


خخخخخخخخخ تقوله ياولد الهيلا صادزز اجل الصتيمه الشجاع يالله الخيره انتبه بس تراها مثل ماقال ابو مشعل الصتيمه هو الهدر اللي مدرعم بهالدنيا يدربي راسه بين الناس وهو مايدري وين الله حاطه وخذها من نجديه لو تروح للمريخ هذا تفسيرها ويحلفون ان اهل المريخ نصف مسمياتهم مثلنا <<<<مهب تسذوب ابدن
بعدين ترى نصف كلماتك مانعرفهم:redf: لاتكون من المريخ وهالحتسي اللي كتبته النصف الثاني اللي مهوب مثلنا:509: ......انتهى

لاحد يحربش مهناش حبر سري الذيب تعرف شئ من هرج اهل المريخ والا دعاويهمa6

[الــــذيــب]

هناك مقوله يقولها شياب نجد عندما يأخذهم الغضب مأخذ قوي :


في دعثور مايثور.


وهي كنايه عن ....ماعرفت اعبر بالفصحى.....ابقولها بالعاميه : في قريح....مايهمني...بايعها....الخ.

[الــــذيــب]

حكمه من نجد :

عباة ابن حسن ماتجي ملبوسن لابن عقيل.


ويقال هذا المثل لمن يلبس او يدعي انه كذا....وهو كذا......والذكي يفهم ههههههههههه

[نجدية]

اشراقه يابعد عمري انتي
نوقف الموضوع ونوقف المنتدى واوقف لك مثل الألف حتى لو اتعب واصير مثل الميم برضو ابوقف عشان عيونتس يابعدهم الين تجيبين كلماتك بس ولايجي بخاطرك

ياالله يسعدتس ياقلبي

[نجدية]

هناك مقوله يقولها شياب نجد عندما يأخذهم الغضب مأخذ قوي :


في دعثور مايثور.


وهي كنايه عن ....ماعرفت اعبر بالفصحى.....ابقولها بالعاميه : في قريح....مايهمني...بايعها....الخ.


قريح تراه بليس وفي روايه الشيطان <<<عزالله تعبتي بالشرح

يعني لو قالكم احد روحو في قريح تراها مسبه تحذير والله على مااقول شهيد..... انتهى الحديث


ويقال هذا المثل لمن يلبس او يدعي انه كذا....وهو كذا......والذكي يفهم ههههههههههه

يعني هالمثل ابن عمو للمثل اللي يقول ياشين السرج على البقر

الذيب اثبت انك من فطاحلة اللهجه النجديه وتستحق شهادة تفوق ونعلق اسمك مع لوحتك حقت عمل الطالب بالساحه يوم مجلس الاباء
وبهذا لانبخس حقك في اثراء هذا الموضوع a4 a4 a4 <<< حتسي كبير متعوب عليه

[اشراقة قلم]

اشراقه يابعد عمري انتي
نوقف الموضوع ونوقف المنتدى واوقف لك مثل الألف حتى لو اتعب واصير مثل الميم برضو ابوقف عشان عيونتس يابعدهم الين تجيبين كلماتك بس ولايجي بخاطرك

ياالله يسعدتس ياقلبي
http://www.al-wed.com/pic-vb/238.gif

الله يذكرك بالخير يا الألف ويجزاك عنا خيرا

ذكرتيني بقصة الطفل اللي يبكي وقت العشا
سألوه ليش تبكي
قال الأكل حار
ردو عليه دعه حتى يبرد
قال: ولكن انتم لاتدعونه
انا والموضوع مثل سالفة الطفل

نجدية الله يسعدك
الف واذا تعبتي تصيرين ميم

ماانحرم منك يارب هههههه
ما اظن باقي كلمات ما قيلت
<< مصدقة انهم بيقفون الموضوع كرمال عيونها هههه

لك اعطر تحيه
http://www.al-wed.com/pic-vb/238.gif

[دافور.نت]

من اقبيل = قبل قليل
زتك = بسرعة
اقضب = امسك بأحكام
جوّد = اقضب :D
دحديرة = اي منزلق ، وجاء في المثل جرف الى دحديرة :501: كما هو حال سوق الأسهم السعودي فقط .
مقبل = جاء من بعيد قاصدنا
ميد = من اجل ، ويقال ميدي علشاني:613:

وافاني = قابلني صدفة ..قال الشاعر لطيف الروح وافاني لحالة مامعة ثاني حكيتة ولا حاكاني واظن اصويحبي ززعلان :509:

اخص كاتبة الموضوع بالشكر الجزيل على هذا القاموس الزاخر بالمفردات العربية الأصيلة ...لايكثر يادافور.نت :604: ان شاء الله عمي :615:

[نجدية]

من اقبيل = قبل قليل
زتك = بسرعة
اقضب = امسك بأحكام
جوّد = اقضب :D
دحديرة = اي منزلق ، وجاء في المثل جرف الى دحديرة :501: كما هو حال سوق الأسهم السعودي فقط .
مقبل = جاء من بعيد قاصدنا
ميد = من اجل ، ويقال ميدي علشاني:613:

وافاني = قابلني صدفة ..قال الشاعر لطيف الروح وافاني لحالة مامعة ثاني حكيتة ولا حاكاني واظن اصويحبي ززعلان :509:

اخص كاتبة الموضوع بالشكر الجزيل على هذا القاموس الزاخر بالمفردات العربية الأصيلة ...لايكثر يادافور.نت :604: ان شاء الله عمي :615:

فتى الجبيل فيذااا يامرحبا:613:
وشاعرك متأكد ان صويحبه زعلان مهوب اصقه <<<لاتميليحين>>> سمي ان شاء الله

لا تشكرني واشكر الاعضاء اللي اضافو روح للموضوع والا تسان في مقبرة الاستراحه همن يطلع لكم جن لان الاستراحه تصير مقابر<<<تتابع افلام تالي الليل دايم.....انتهى

[بنـــــدر]

نجدية : تعني عضوه في تداول رائعه


لاعدمناك

[نجدية]

اشكرك ياباشااااااا
اصبر صار وجهي الوان الطيف

لاعدمنا وجودك طال عمرك والروعه تشريفك واطرائك شرف لي

[متداوله1]

حكمه من نجد :

عباة ابن حسن ماتجي ملبوسن لابن عقيل.


ويقال هذا المثل لمن يلبس او يدعي انه كذا....وهو كذا......والذكي يفهم ههههههههههه



غريبه فيه شئ ناقص !

[ولد الهيلا]

اخي ولد الهيلا :

انا خابر اللي ينقال عنه صتيمه هو اللي مايفهم شئ او مايعرف يتصرف..."دلخ".

قد يكون هناك اختلاف معاني بين منطقه واخرى.

اشكرك جدا اخووي ابو مشعل هذه الكلمه عندنا تعني الشجاعه الى درجة الدلاخه يعني مايهمه ابد مخربها
لو تقول قدامك مليون ايقول اصبر بس ونا اوريك فيهم
يعني زي مايقووووول احد الشعاااار في صدر بيت من ابياته
(أهبال طيب ولاصحاوة رخامه)

[ولد الهيلا]

خخخخخخخخخ تقوله ياولد الهيلا صادزز اجل الصتيمه الشجاع يالله الخيره انتبه بس تراها مثل ماقال ابو مشعل الصتيمه هو الهدر اللي مدرعم بهالدنيا يدربي راسه بين الناس وهو مايدري وين الله حاطه وخذها من نجديه لو تروح للمريخ هذا تفسيرها ويحلفون ان اهل المريخ نصف مسمياتهم مثلنا <<<<مهب تسذوب ابدن
بعدين ترى نصف كلماتك مانعرفهم:redf: لاتكون من المريخ وهالحتسي اللي كتبته النصف الثاني اللي مهوب مثلنا:509: ......انتهى

لاحد يحربش مهناش حبر سري الذيب تعرف شئ من هرج اهل المريخ والا دعاويهمa6
نجديه يمكن كلبونا معنا طرف علم ماهو العلم كله ويمكن اني غلطان بس في شرحي لها ويمكن زي ماقال ابو مشعل يمكن تختلف اللهجات من منطقه لاخرى
ويمكن انك بعد ماسمعتي بالكلمات ذي
ارواح
سقها
ذرب
ناير
اكتبي معانيها اشووووف
ولله لو بكتب لك لطلع كلمات مغبره شد بلد

[ولد الهيلا]

مثل بدوي قديم
((((((((((((((((((((من دون في دون لين تنفدون)))))))))))))))))))

نجديه ماعلقتي على المثل ذا سمعتي به ولا لا

[awa1409]

طيب وش معنى
مسفهل
مرجهن
لغصمة>>>ضم اللام سكون الغين وتشديد الميم>>>احس نطقها يجيب القولون :600:


7
7
7
صتيمة زي ماقال الذيب

[السيل الهادر]

((((((( الى هبت فأذر ))))))))

هذا المثل احد سمع فيه ولا هو محلي هههههههه

معنى المثل : ان الاولين عندما يذرون الحب سواء قمح او غيره يتمنون هبوب الهواء الخفيف لكي يسهل عملية التصفية .

ويطلق دائماً لمن يحالفه الحظ او تمشي معه الامور بالصدفة .

[نجدية]

ممتداوله مانقصنا الامشاركتك يالغاليه


ولد الهيلاا والله ياهالمثل دورت عليه في قاموس العجيزات كلهم اللي اعرفهم ودورت عليه في حمار المكده (قوقل)ومالقيت له اثر


awa1409 حياك الله
من طرف
مسفهل..فهو يعني مستاسع صدره وفالها مثال
هالشايب من يوم ماتت عجوزه واعرس على ام دحيم وهو مسفهل

مرجهن..يعني مطامنه الله باسمه
مثال
هالعجوز الحمدلله مرجهنه هالايام من عقب حزنها على موت شايبها

ياعيني لايفوتك الفرق:503:

السيل الهادر هالمثل محلي شكله بس وين محلك طال عمرك
ولو انه مار علي هو والا شئ يشبه عاد يجيك الذيب ويفصفصه لك كما تفصفص ام متولي الفرخه

البياع
حلبت عليه النجوم
عرفوه مصادري لكن ماش العجيزات مالهم الاعلمهم يقولون مايبي تفسير النجوم تحلب تالي الليل الى الفجر <<<نفاس مهيب نجوم

[ولد الهيلا]

(((((((من دون في دون لين تنفدون))))))
(من دون في دون) يعني من مستوى اقل الى مستوى اقل والدون تحني عند البدو بمعنى المستوى الاقل من اللي فوقه بدرجه بسيطه
(لين تنفدون) لين تخلصووووون ومايبقى منكم احد (النفاد نفد الشي اي انتهى)
وهذا يقال عاده من الاشخاص الكبار للاشخاص الصغار عندما يلاحظون عليهم بعض التصرفات الغير لائقه

[ولد الهيلا]

وبالنسبه للكلمات
ارواح --------------يعني مشينا
سقها---------------اي بمعنى على هامان يافرعون
ذرب ---------------تعني رجل كفو
ناير-----------------تعني هارب اومنحاش

[نجدية]

ماش ياولد الهيلا للحين ماعرفت منهم الا الذرب وتم تفسيره بأحد الردود والباقي مهوب لنجد شف هي حق أي ولايه يمكن الدوادمي دي سي على وزن واشنطن دي سي :)

[السيل الهادر]

ليلكم سعيد

اليوم عندي لكم قصة

يقولون كان فيه واحد في احد المناطق السعودية فاتح ورشة سيارات المهم جاه واحد معه سيارة وقال ابيك تصلحها لي الرجال فتح كبوت السياره ثم قااااااااااااال : (((((( اووووووووه سير سي كود اندس ))))))

يالله اللي يفسرلي معنى هالكلاااااااام له جائزه ههههههههههه

[نجدية]

ليلكم سعيد

اليوم عندي لكم قصة

يقولون كان فيه واحد في احد المناطق السعودية فاتح ورشة سيارات المهم جاه واحد معه سيارة وقال ابيك تصلحها لي الرجال فتح كبوت السياره ثم قااااااااااااال : (((((( اووووووووه سير سي كود اندس ))))))

يالله اللي يفسرلي معنى هالكلاااااااام له جائزه ههههههههههه


اعتقد ان هالسالفه من تخصص hna بيكوز انه راعي الصناعيه ويفهم بالشغلات لكن بحاول افصفصها وتراني صاحبت الموضوع جاملني وقل صح لو انه غلط عن قولة فاتحتن موضوع وماتدبر شئ هماااااااا

اوووه صوت يطلع بمد البوز يعبر عن واحدن متصاعب الشئ او عجاز نمره واستماره وبين قوسين زول
سير.. كلمه عنقريزيه وتعني ياسيدي او انت ياذا
سي ...اشوف اناظر اعاين اويدز كلها بتنفع وبرضو كلمه عنقريزيه
كود...مهوب رقم سري لاااا فسرناها قبل يعني لعل وعسى
اندس...انسدح تحت سيارتك وتعني الدخول بمكان ضيق

يعني عقب هالعناء يقوله
اوووه ياسيدي لعلني اندس واشوف وش فيها

تالي الهرجه مني

[صغيره وعاقله]

السلام عليكم ورحمة الله وبركاته


معاني الكلمات باللهجه النجديه ليسهل فهم غير الناطقين لاختكم نجديه الناطقه بالنجديه :

﴿﴿حرف الكاف في الكلمات يقلب الى ت+س مثال كيف سوف تكتب تسيف, اما القاف فتقلب الى د+ز مثال بريق سوف تكتب بريدز.﴾﴾


إنفهدز:
وتعني ابتعد قليلا وتأتي بمعنى إفحز اي وسّع يقال محمد انفهدز او افحز لاختك بمعنى اتاح لها مكانا للجلوس في حال كان المكان ضيقا,

اندزلع:
أي ابتعد ولكنها اسلوب غير حضاري وهي تختلف عن إنفهدز.. يقال اندزلع يامحمد أي اخرج وتعني الطرد وهي مفرد اندزلعوا التي تقال للجمع من البزران او غيرهم.

دووتس:
وتعني خوذي وهي للمرأة دون الرجل حيث يقال للرجل دوك أي خذ .

هيت: تعال .

دلّى :صار ومثالها ﴿اذا دلى/صار عبدالله يناظر الحريم فاعرف انه دويشر﴾

حزه: وقت ومثالها حزة المغرب أي وقت المغرب.

تعقب: تتسذب/او تكذب.

دي : لملاعبة الاطفال .. يعني تغطي وجهك عنه وتفتحه بسرعة وتقول : ديييييي فيموت الصغينون ضحك

سااااد:بمعنى احسن وهي الفرح بحصول مكروه للشخص.وفي المثل الشعبي ﴿ساااد مصيرة والعبد قصيره﴾.<<قصيره أي جاره بالسكن وليس بمعنى اقصر منه

إكتلوه : اضربه بقوه ولا تأخذك فيه إلا ولا ذمة.

همااا: هل فهمت؟ وهي تأكيدية .

مسط او دبج: سقط على الأرض بدون ارادته.
زلق: اختل توازنه وسقط نتيجة وجود بلل في الارض حينما تكون ملساء.


مدبتس: أي مسرع يقال الذيب جاء مدبتس للسوق جاءمدبتس أي مسرع وفي الهندية جلدي جلدي.

تكانه: أي ثقيل العقل او رجل يقال هامور بدوي تكانه بمعنى رجل يمكن الاعتماد عليه .

هدر: عكس تكانه أي ان الرجل لايمكن الاعتماد عليه مطلقامثال مضارب الجماعي هدر .

قمبازي: بمعنى خدّاع او مراوغ ولا يمكن التنبوء بما يفعل .

زتّه: أي دفعه يقال دافور نت زت الهارف أي دفعه وابعده.<<< شبت النار بينهم


﴿ المارج ﴾ من يحب الحديث اي الحتسي النص كم أمام البنات دون تحفظ

﴿فلقه﴾ شج رأسه


﴿بهواوه﴾ على كيفه ولا يناقشه أحد

﴿ مقرود﴾ يحب أن يعرف كل شي


﴿ قرمبعة ﴾ سيارة قديمة

يتهبد : يعني مايدري وش يبي ...

يلفز: يدس ويخبيء في مكان غير ملاحظ .

يتنيوط : يتناول او يمتد للوصول لشيء
يبزع : يجزم بشيء غير مؤكد لذا نقول لمن يتفلسف بغير علم ... لاتبزع

يتدودل : يتدلى


يمطرس : يحوس ... مطرس البزر مثل البزر اللي مطرس بشاشة تداول

- أفهقه ... حركه او ابعده - أفهق هالكرسي .

يودز ( يويق )... ينظر خلسه.

يباري الساس ... يمشي بمحاذاة الجدار - يدور الظلال أو يتغبى عن أحد.

يتطنز ... يستهزيء.

قوووه goooh... هيا بنا ، مشينا - يبدو أنها كلمه أخذها الناس بنجد من موظفي أرامكو الأمريكان .وش دخل نجد بارامكو تسان خذوها الشرقيين

يهوجس ... يفكر

زمل ... خائف من نتائج شيء ما , اي شايل هم

.. كوده - أي لعله.

مير ... كلمة وصل لاداعي لوجوده أحيانا ، وتعني ايضاً لكن .

حول ... إنزل .

هماه ... أليس كذلك .

تهقى ... هقوتي _ ظني ، أغلب الظن .


طس .. فاردز .. إنقلع - تقال لطرد شخص ما.

حست مريري ... حست تسبدي ... أي عكرت مزاجي .

وراه ... ليه ؟

مصع ... شد ، فتق .

واخزياه ... واعيباه ... ياللعيب والخزي

.ولد السماثا -- تطلق على الشخص اللي يجي من الخارج وشايفن روحه

ادَّهر......وهي قريبة من يدبتس وتعني ان الشخص احيانا ولها منى ثاني بدأ في العمل بعد معاناة في تشغيله.

.رقلة.......كلمة تطلق على الشخص خفيف العقل يقال سعد رقله أي ما عندك احد وبالامكان الضحك عليه.

.زقلبّة...الزقلبة في اللغة هي تدوير الشي يقال الخباز زقلب العجينة بمعنى اتاها من كل جانب حتى تكون مستديرة.

والزّقلبّه هي المرأة الدبية مذكرها مزقلب .


يتدروخ .. أي داهمه النوم وبدا كالسكران يتمايل يمينا ويسار.

طرطنقي : نصاب

العاير : زاوية الممرات بالاحياء .


ذبه ... قام برميه بعيداًمثل خسراتش ان في الجماعي وذبه في وجه مضاربه <<< وش جاتس على الجماعي>>>مدري

ودك = تريدين


ناه: ناظر..او شف

سرسري: اللي يسوع ويلف بهالشوارع

السربوت: اللي يتتن

تهقا: تحريه بمعنى تتوقع؟؟

تهك: تخدع

سمت: ما اعرف الا اللله يسّمت يعني الله يستر

مواعين : حقات الطبخ ومشتقاتها
معاميل : اغراض الشاهي والقهوه من فناجيل وبيالات

ادبجه : اضربه او اطحله كلهن واحد

دحه..... فعل امر يعني اضربه مع ظهره
ادحجه مثل اللي فوقها

طمل : وسخ

رعص او أرعصه : اضغطه

وه بس : للتذمر ( نسائية طبعا هالكلمة )مثل الام لين جاز لها ولدها قالت وه بس يازينه

تم بحمد الله
وأي استفسار انا بالخدمه <<< وش عندها كوندليزا رايس

وعقب هالموضوع لحد يقولي وش تقولين مافهمنا عليتس همااا


الله يسعدك موتنى ضحك ههههههههههههههه
يعطيك الف عافيه نجديه قلبي
ودى اقولك لغات عاد ههههههههههههههه خليها سر بين وبينك ههههههههههههه

[السيل الهادر]

اعتقد ان هالسالفه من تخصص hna بيكوز انه راعي الصناعيه ويفهم بالشغلات لكن بحاول افصفصها وتراني صاحبت الموضوع جاملني وقل صح لو انه غلط عن قولة فاتحتن موضوع وماتدبر شئ هماااااااا

اوووه صوت يطلع بمد البوز يعبر عن واحدن متصاعب الشئ او عجاز نمره واستماره وبين قوسين زول
سير.. كلمه عنقريزيه وتعني ياسيدي او انت ياذا
سي ...اشوف اناظر اعاين اويدز كلها بتنفع وبرضو كلمه عنقريزيه
كود...مهوب رقم سري لاااا فسرناها قبل يعني لعل وعسى
اندس...انسدح تحت سيارتك وتعني الدخول بمكان ضيق

يعني عقب هالعناء يقوله
اوووه ياسيدي لعلني اندس واشوف وش فيها

تالي الهرجه مني


ههههههههههههههههه
تأكدي يانجدية ان الكلااااام عربي * عربي
وعلى شانك متحمسة وتفسرين اقولك ترى ماجبتي صح الا اوووووه
واندس فقط ودي اجاملك بس ما حليتي الا فقرتين ماتجيب درجة النجااااااح

حاااااااااااولي مره اخرى

[ولد الهيلا]

ماش ياولد الهيلا للحين ماعرفت منهم الا الذرب وتم تفسيره بأحد الردود والباقي مهوب لنجد شف هي حق أي ولايه يمكن الدوادمي دي سي على وزن واشنطن دي سي :)
ممكن نجديه تحددين منطقة نجد بالنسبه لك تبدا من وين وتنتهي من وين أو احد من الاعضاء يفيدنا عن منطقة نجد بالضبط
لأني لاحظت من كلامك انك رميتي الدوادمي من قائمة نجد ونا اعتبر الدوادمي من نجد فياليت احد يفتينا في الموضوع

[نجدية]

ممكن نجديه تحددين منطقة نجد بالنسبه لك تبدا من وين وتنتهي من وين أو احد من الاعضاء يفيدنا عن منطقة نجد بالضبط
لأني لاحظت من كلامك انك رميتي الدوادمي من قائمة نجد ونا اعتبر الدوادمي من نجد فياليت احد يفتينا في الموضوع



هذه هي بلدان نجد من أكبر المدن حتى أصغر القرى
الرياض – حوطة بني تميم - الخرج - الحريق - يبرين - حرض - ضرما - الدلم - الحلوة - الدرعية - العيينة - الغنامية - الحائر - خريص - رماح - اللهابة - المزاحمية - القويعية - المزل - حريملاء - مرات - سدوس - ثرمدا - الرين - الروضة - شقراء - غسلة القرائن - جلاجل - المجمعة - حرمه - الخيس - الفروتي - الداهنة - أشيقر - القصب - عشيرة - الخطامة - البطين - رويغب - الحسي - الصفرات - البير - ثادق - دقلة - مبايص - بوصاء - مليح - الغاط - الأرطاوية - تمير - ساجر - عرجة - الدوادمي - الشعراء - الرويضة - حلبان - حراضة - ليلى - واسط - البديع - الحداد - السليل - الخماسين - الشماسية - بريدة - النبقية - الطرفية - اللبيدية - القرعاء - أوثال - البصر - حويلان - المليداء - الربيعية - السالمية - النقاع - عنيزة - العوشزية - الثامرية - المذنب - روضة الحسو - المربع - العمار - الرس - الشنانة - قصر بن عقيل - المطيات - القيصومة - الحمادة - الخشيبي الوسيطاء - الدحلة - الشبيكية - الهمجة - أبانات - الخريشاء - البكيرية - الهلالية - الخبراء - رياض الخبراء - الشيحية - الضلفعة - الفويلق - عيون الجواء - البدائع - العبدلية - الدليمية - الذيبية - السيح - البتراء - النبهانية - ثادج - عطي - الفوارة - النومانية - عقلة الصقور - الحناكية - مهد الذهب - تربة - دخنه - نفي - البجادية - القاعية - عفيف - ظلم - المويه الجديد – الخرمة - رنية - ضرية - حديجه - الصمعورية - علقة - الزلفي - حائل - قفار - مريفق - قصر العشراوات - العقدة - الودي - مختلف - مبادع - عقلة ابن جبرين - الهويدي - سقف - غزالة - ريع البكر - موقق - وسيطاء - الشعبة - المستجدة - سعيدان - الخبة -الرمادة - الفرحانية - دليهان - الشقيق - النيصية - المشيطية - أم القلبان - قنا - الحفير - الأسياح - عين بن فهيد - الجعلة - التنومة - الخصيبة - الزبيرة - قصيباء - القوارة - شري - السعيرة - الأجفر - فيد - العدوة - الشعيبة - بقعاء - الضبيعة - رك - سبيعة - الشنان - النعي - سبيعة - الجحفة - طابة - السبعان - عقلة بن داني - عقلة بن طوالة - العظيم - غمرة - الخطة - جبة - الكهفة - شري - الخوير - الروضة - تربة - الشعيبة - غزالة - قبة - سميراء - السليمي - الشملي - بيضاء نثيل - قليب بن منوه - الحائط .

والمصدر موقع اديب
والمتعارف عليه بالعامي اخوي ان نجد نقصد بها الرياض وضواحيها يعني نجد المصغره
ويوم قلت الدوادمي ماكنت بنفيها من تبعيتها لنجد بمفوهمها الجغرافي ولكن بالمفهوم العامي


وشوووكررن جزيللن

[نجدية]

ههههههههههههههههه
تأكدي يانجدية ان الكلااااام عربي * عربي
وعلى شانك متحمسة وتفسرين اقولك ترى ماجبتي صح الا اوووووه
واندس فقط ودي اجاملك بس ما حليتي الا فقرتين ماتجيب درجة النجااااااح

حاااااااااااولي مره اخرى


السيل لك رساله مشفره <<< الله من زود الذهانه بهالراس

V
V
V
V


ستلم
السيل تراني مصيخينه وراسي يعورني مقدر افكر ارسل لي الحل على الخاص خلني اتفشخر به عليهم فيذاا مثل ماقلت لك صاحبة الموضوع لاتروح هيبتي عند المشاهدين

[الهـــــارف]

ليلكم سعيد

اليوم عندي لكم قصة

يقولون كان فيه واحد في احد المناطق السعودية فاتح ورشة سيارات المهم جاه واحد معه سيارة وقال ابيك تصلحها لي الرجال فتح كبوت السياره ثم قااااااااااااال : (((((( اووووووووه سير سي كود اندس ))))))

يالله اللي يفسرلي معنى هالكلاااااااام له جائزه ههههههههههه
هلابك يابو عبد الله

ودي افسر المعنى نيابه عن نجدية وشوشتها اللي طايره وهي تدور على الحل وقاصدك ماتفشلني

اووه = اداه تستخدم لمعاني كثيرة منها التذكر

سير = سير السيارة ( اللذي يقوم بتحريك المروحة )
سي = نوع السيارة سي
كود = لابد
اندس = اذهب تحت السيارة او انسدح على قولة نجديه
وهذا يمكن واحد منقطع السير معه وذهب للورشه وبالعاده سير السي يكون تحت ولازم المهندس يدخل تحت السيارة لأصلاح السير

وهاااااات لشوف يالهارف كان الحل خطاء بعد هذا التعب